കളിത്തോഴിമാരെന്നെ കളിയാക്കി...

ചിത്രം : മുറപ്പെണ്ണ്(1965)
രചന : പി ഭാസ്ക്കരന്‍ 
സംഗീതം : ബി എ ചിദംബരനാഥ് 
ആലാപനം : എസ് ജാനകി


കളിത്തോഴിമാരെന്നെ കളിയാക്കി-എന്‍റെ-
കളിത്തോഴിമാരെന്നെ കളിയാക്കി...
ഇടത്തുകണ്ണിടയ്ക്കിടെയിന്നലെ തുടിച്ചപ്പോള്‍    
കളിയാക്കി എന്നെ കളിയാക്കി-എന്‍റെ-
കളിത്തോഴിമാരെന്നെ കളിയാക്കി...

മാനസസരസിങ്കല്‍ പ്രേമത്തിന്‍ കളഹംസം
താമസമാക്കിയെന്നും പറഞ്ഞുണ്ടാക്കീ-
അവര്‍ പറഞ്ഞുണ്ടാക്കി...


അയലത്തെ കല്യാണത്തി-
ന്നവിടുന്നു മുമ്പില്‍ നില്‍ക്കെ
അവരെന്നെ ചൂണ്ടിക്കാട്ടി കളിയാക്കി...
കളഭത്തിന്‍ കിണ്ണമെന്‍റെ കൈതട്ടി മറിഞ്ഞപ്പോള്‍
കിലുകിലെയവര്‍ മണിച്ചിരിമുഴക്കീ...
അവര്‍ ചിരി മുഴക്കി...

          

     
          

വണ്ടിക്കാരാ...വണ്ടിക്കാരാ...

ചിത്രം : ഓടയില്‍ നിന്ന്(1965)
രചന : വയലാര്‍ രാമവര്‍മ്മ
സംഗീതം : ജി ദേവരാജന്‍
ആലാപനം : എ എം രാജ


വണ്ടിക്കാരാ...വണ്ടിക്കാരാ...
വഴിവിളക്ക് തെളിഞ്ഞു...
സ്വപ്നം കണ്ടു നടക്കും നീയൊരു
സ്വാഗതഗാനം കേട്ടൂ...
നാളെ...നാളെ...നാളെ...


കുത്തഴിഞ്ഞു കിടന്ന നിന്‍ ജീവിത-
പ്പുസ്തകത്താളിന്‍മേല്‍-ഒരു-
കൊച്ചുകൈവിരല്‍ ആദ്യമെഴുതിയ 
ചിത്രം കണ്ടൂ നീ...
നാളെ...നാളെ...നാളെ...


ഒറ്റക്കമ്പി മുറുക്കിയ ജീവിത-
മുത്തണിവീണയിന്‍മേല്‍-ഒരു-
കൊച്ചുകൈവിരല്‍ ആദ്യമുയര്‍ത്തിയ
ശബ്ദം കേട്ടൂ നീ...
നാളെ...നാളെ...നാളെ...                    

പുന്നെല്ലിന്‍ കതിരോലത്തുമ്പത്തു പൂത്തുമ്പി...

ചിത്രം : മെയ്ഡ് ഇന്‍ യു എസ് എ(2005)
രചന : ഓ എന്‍ വി കുറുപ്പ്
സംഗീതം : വിദ്യാസാഗര്‍
ആലാപനം : പി ജയചന്ദ്രന്‍


പുന്നെല്ലിന്‍ കതിരോലത്തുമ്പത്തു പൂത്തുമ്പി
പൊന്നൂയലാടുന്ന ചേലുകാണാം...
പുഴവക്കില്‍ പൂക്കൈത കുളിര്‍നിലാചന്ദന-
ക്കുറിയിട്ടുനില്‍ക്കുന്ന കാഴ്ച കാണാം...
എന്നിനി...എന്നിനി...പോകും നാം
എന്‍റെ നെഞ്ചില്‍ കുറുകുന്ന പൊന്‍പ്രാവേ...


കദളിപ്പൊന്‍കൂമ്പില്‍ നിന്നിത്തിരിതേനൂറ്റി
കവിളത്തു മുത്തം പകര്‍ന്നൊരമ്മ-
അവസാന നിദ്രകൊള്ളും കുഴിമാടത്തില്‍
അണയാത്തിരിയായെരിഞ്ഞു നില്‍ക്കാം...
കാണാതിരിക്കുമ്പോള്‍ കണ്ണുനിറയുമാ
കാതരസ്നേഹത്തെയോര്‍ത്തിരിക്കാം...


കിളിപോയ തൂക്കണാംകുരുവിക്കൂടദ്ഭുത-
മിഴിയോടെ കാണും കളിത്തോഴി
എവിടെയെന്നറിയില്ലെന്നാലും എന്നോര്‍മ്മയില്‍
അവളുണ്ടൊരേ കുടക്കീഴിലിന്നും...
കാണാതെ പോയ കണ്‍മാണിക്യം തേടുന്ന
കാഞ്ചനനാഗത്തിന്‍ കഥപറയാം...                  
  

 

   

കര്‍പ്പൂര ദീപത്തിന്‍ കാന്തിയില്‍...

ചിത്രം : ദിവ്യദര്‍ശനം(1973) 
രചന : ശ്രീകുമാരന്‍ തമ്പി
സംഗീതം : എം എസ് വിശ്വനാഥന്‍
ആലാപനം : പി ജയചന്ദ്രന്‍,പി വസന്ത


കര്‍പ്പൂര ദീപത്തിന്‍ കാന്തിയില്‍
കണ്ടു ഞാന്‍ നിന്നെയാ സന്ധ്യയില്‍
ദീപാരാധന നേരത്ത് നിന്മിഴി-
ദീപങ്ങള്‍ തൊഴുതു ഞാന്‍ നിന്നൂ...


സ്വര്‍ണക്കൊടിമരച്ഛായയില്‍
നിന്നൂനീ,യന്നൊരു സന്ധ്യയില്‍ 
ഏതോ മാസ്മര ലഹരിയിലെന്‍മനം
ഏകാന്തമന്ദിരമായ്...എന്‍ മനം 
ഏകാന്തമന്ദിരമായ്...


ആശ്വതിയുത്സവത്തേരു കണ്ടു
ആനക്കൊട്ടിലില്‍ നിന്നപ്പോള്‍
അമ്പലപ്പൊയ്ക തന്‍ അരമതിലില്‍ നീ
അമ്പെയ്യും കണ്ണുമായ് നിന്നിരുന്നു...
ആ രാവിലറിയാതെ ഞാന്‍ കരഞ്ഞൂ...
അനുരാഗനൊമ്പരം ഞാന്‍ നുകര്‍ന്നൂ...


കൂത്തമ്പലത്തിലെ പൂത്തറയില്‍
കൂടിയാട്ടം കണ്ടിരുന്നപ്പോള്‍
ഓട്ടുവളകള്‍ തന്‍ പാട്ടിലൂടോമന-
രാത്രിസന്ദേശം അയച്ചു തന്നൂ...
കാതോര്‍ത്തിരുന്ന ഞാന്‍ ഓടിവന്നൂ....
കാവിലിലഞ്ഞികള്‍ പൂ ചൊരിഞ്ഞൂ...        
         

            

അമ്പാടി തന്നിലൊരുണ്ണി,,,

ചിത്രം : ചെമ്പരത്തി(1972) 
രചന : വയലാര്‍ രാമവര്‍മ 
സംഗീതം : ജി ദേവരാജന്‍
ആലാപനം : പി മാധുരി


അമ്പാടി തന്നിലൊരുണ്ണി
അഞ്ജനക്കണ്ണനാമുണ്ണി
ഉണ്ണിക്ക് നെറ്റിയില്‍ ഗോപിപ്പൂ...
ഉണ്ണിക്ക് മുടിയില്‍ പീലിപ്പൂ... 


ഉണ്ണിക്ക് തിരുമാറില്‍ വനമാല...
ഉണ്ണിക്ക് തൃക്കയ്യില്‍ മുളമുരളി...
അരയില്‍ കസവുള്ള പീതാംബരം
അരമണി കിങ്ങിണി അരഞ്ഞാണം...
ഉണ്ണീ വാ...ഉണ്ണാന്‍ വാ...
കണ്ണനാമുണ്ണീ വാ...


ഉണ്ണിക്ക് കണങ്കാലില്‍ പാദസരം
ഉണ്ണിക്ക് പൂമെയ്യില്‍ ഹരിചന്ദനം
വിരലില്‍ പത്തിലും പൊന്‍മോതിരം
കരിവള മണിവള വൈഡൂര്യം...
ഉണ്ണീ വാ...ഉറങ്ങാന്‍ വാ...
കണ്ണനാമുണ്ണീ വാ...


ഉണ്ണിക്ക് കളിക്കാന്‍ വൃന്ദാവനം
ഉണ്ണിക്ക് കുളിക്കാന്‍ യമുനാജലം
ഒളികണ്‍ പൂ ചാര്‍ത്താന്‍ സഖി രാധ
യദുകുലരാഗിണി പ്രിയരാധ...
ഉണ്ണീ വാ...ഉണര്‍ത്താന്‍ വാ...
കണ്ണനാമുണ്ണീ വാ...

         

മാറില്‍ ചാര്‍ത്തിയ...

ചിത്രം : ഒരു കൊച്ചു സ്വപ്നം(1984)
രചന : ഓ എന്‍ വി കുറുപ്പ് 
സംഗീതം : എം ബി ശ്രീനിവാസന്‍  
ആലാപനം : കെ ജെ യേശുദാസ്


മാറില്‍ ചാര്‍ത്തിയ മരതക കഞ്ജുക-
മഴിഞ്ഞു വീഴുന്നൂ...
മാരകരാംഗുലി കളഭം പൂശി-
പൂവുടലുഴിയുന്നൂ...


നഖക്ഷതങ്ങള്‍ സുഖകരമായൊരു 
വേദന പകരുന്നൂ...
സഖി...നീ അടിമുടിയുരുകും 
സ്വര്‍ണത്തകിടായ് മാറുന്നൂ...


അവന്‍റെ ദാഹം തീര്‍ക്കാന്‍ നീയൊരു
തേനുറവാകുന്നൂ...
അവന്‍റെ ചൊടികളി,ലലിയാന്‍ നീയാം
മാമ്പൂവുരുകുന്നൂ...


അലസം...മധുരം...
വള്ളിക്കുടിലില്‍ നറുമൊഴി ചിതറുന്നൂ...
സുഖനിശ്വസിതം...
സുരഭിലമായൊരു കാറ്റായ് പടരുന്നൂ...  
         

സ്വാതിതിരുനാളിന്‍ കാമിനീ...

ചിത്രം : സപ്തസ്വരങ്ങള്‍(1974)
രചന : ശ്രീകുമാരന്‍ തമ്പി
സംഗീതം : വി ദക്ഷിണാമൂര്‍ത്തി
ആലാപനം : പി ജയചന്ദ്രന്‍


സ്വാതിതിരുനാളിന്‍ കാമിനീ
സപ്തസ്വരസുധാ വാഹിനീ...
ത്യാഗരാജനും ദീക്ഷിതരും 
തപസ്സു ചെയ്തുണര്‍ത്തിയ- 
സംഗമ മോഹിനീ...


പുരന്ദരദാസന്‍റെ പുണ്യചിന്തയില്‍
പുഷ്പോത്സവങ്ങള്‍ വിടര്‍ത്തിയ രഞ്ജിനീ...
ഭക്തമീര തന്‍ ഭാവനായമുനയില്‍ 
മുഗ്ദകല്ലോലമുയര്‍ത്തിയ രാഗിണീ...


പ്രഭാതകാന്തിയും പ്രസലഭംഗിയും
പ്രഫുല്ലനക്ഷത്ര വ്യോമവ്യാപ്തിയും
സന്ധ്യാദീപ്തിയും സാഗരശക്തിയും
സംഗീതമേ...സംഗീതമേ...
നിന്നില്‍ നിര്‍ലീനമല്ലോ...

            

മുറ്റത്തെ മുല്ലയില്‍...

ചിത്രം : ഓടയില്‍ നിന്ന്(1965)
രചന : വയലാര്‍ രാമവര്‍മ്മ
സംഗീതം : ജി ദേവരാജന്‍
ആലാപനം : എസ് ജാനകി


മുറ്റത്തെ മുല്ലയില്‍ മുത്തശ്ശി മുല്ലയില്‍
മുത്തുപോലെ മണിമുത്തുപോലെ
ഇത്തിരിപ്പൂ വിരിഞ്ഞു...പണ്ടൊ-
രിത്തിരിപ്പൂ വിരിഞ്ഞൂ...

മഞ്ഞില്‍ കുളിപ്പിച്ചു വെയിലത്തു തോര്‍ത്തിക്കും 

മടിയിലിരുത്തി പൂമുല്ല...

മുത്തണികിങ്ങിണിയരമണി കെട്ടിച്ച്  

നൃത്തം പഠിപ്പിച്ചു പൂക്കാലം...

നര്‍ത്തകിപ്പൂവിനെ പന്തലില്‍ കണ്ടൊരു

ചിത്രശലഭം വന്നൂപോല്‍

മുത്തം മേടിച്ച് മോതിരമണിയിച്ച് 

നൃത്തം കണ്ടു മയങ്ങിപ്പോയ്...

ചിത്രവിമാനത്തില്‍ മാനത്തുയര്‍ന്നപ്പോള്‍      

ഇത്തിരിപ്പൂവു പറഞ്ഞൂപോല്‍...
മുത്തില്ല മലരില്ല മുന്തിരിത്തേനില്ല
മുറ്റത്തെ മുല്ലക്കു മണമില്ല...  

എകാന്തമാം ഈ ഭൂമിയില്‍...

ചിത്രം : ശ്യാമ(1986)

രചന :  ഷിബു ചക്രവര്‍ത്തി 

സംഗീതം : രഘുകുമാര്‍

ആലാപനം : പി ജയചന്ദ്രന്‍

എകാന്തമാം ഈ ഭൂമിയില്‍

താരും തളിരും ചൂടി...

ഈ വഴിയില്‍ ഋതുകന്യയായ്

താലവുമായ്‌ നീ നില്‍ക്കുന്നു...

മഞ്ഞു പെയ്യുകയാണിന്നു മണ്ണില്‍ 

ഉള്ളിലൂറും മിഴിനീരു മാത്രം...

ഹേമന്തവും ഈ മൂടലും- 

നീങ്ങി നീലാംബരം

നിറമണിയില്ലേ ഇന്നെന്‍ മാനസം

പോയ രാവാകെ ഞാന്‍ നോക്കിനിന്നൂ

ദൂരെ താരങ്ങള്‍ നിന്‍ നേത്രമല്ലേ...

ആരോമലേ...ആമന്ദ്രമാം 

നീല നേത്രങ്ങളോ

സ്മൃതികളാകുന്നു ഇന്നെന്നുള്ളില്‍...       

നീലാംബരമേ...

ചിത്രം : ശരശയ്യ(1971)  
രചന : വയലാര്‍ രാമവര്‍മ
സംഗീതം : ജി ദേവരാജന്‍
ആലാപനം : പി മാധുരി


നീലാംബരമേ താരാപഥമേ
ഭൂമിയില്‍ ഞങ്ങള്‍ക്ക് ദുഃഖങ്ങള്‍ നല്‍കിയ
ദൈവമിപ്പൊഴും അവിടെയുണ്ടോ...അവിടെയുണ്ടോ...


വെള്ളിച്ചൂരലും ചുഴറ്റി വെള്ളത്താടിയും പറത്തി
നക്ഷത്രപ്പളുങ്കുകള്‍ പാകിയ വഴിയില്‍
നടക്കാനിറങ്ങാറുണ്ടോ...ദൈവം-
നടക്കാനിറങ്ങാറുണ്ടോ...
കണ്ണീരിവിടെ കടലായി-ഞങ്ങള്‍-
കണ്ടിട്ടൊരുപാടു നാളായി...


എല്ലാ പൂക്കളും വിടര്‍ത്തീ എല്ലാ മോഹവുമുണര്‍ത്തീ
കര്‍പ്പൂരവിളക്കുമായ്‌ നില്‍ക്കുന്ന ഞങ്ങളെ 
കടക്കണ്ണെറിയാറുണ്ടോ...ദൈവം 
കടക്കണ്ണെറിയാറുണ്ടോ...
കണ്ണീരിവിടെ കടലായി...ഞങ്ങള്‍- 

കണ്ടിട്ടൊരുപാടു നാളായി...

    

ആരണ്യകാണ്ഡത്തിലൂടെ...

ചിത്രം : ലക്ഷ്മണരേഖ(1984)
രചന : ബിച്ചു തിരുമല
സംഗീതം : എ ടി ഉമ്മര്‍
ആലാപനം : കെ ജെ യേശുദാസ്


ആരണ്യകാണ്ഡത്തിലൂടെ
ആശ്രമവാടത്തിലൂടെ
ഒരു യുവതാപസകന്യകയായ്
ക്ഷമയുടെ നന്ദിനി പോയ് 


സ്വയംവരം കഴിഞ്ഞതു മുതലേ
വനവാസം തുടങ്ങുകയായി
മനസ്സിലെ മായാമാരീചന്‍
മോഹമാം പൊന്‍മാനായ്‌ മാറി...
ഒരു നിമിഷം...മാത്രം


വരുംഫലം സ്വയമറിയാതെ
ശരരേഖ താണ്ടുകയായി 
അസുരവികാരം രഥമേറി
ചിറകറ്റു ബന്ധങ്ങള്‍ വീണൂ...
അകലങ്ങളില്‍...താനേ...
   

മൌനം തളരും തണലില്‍...

ചിത്രം : രതിനിര്‍വേദം(1978)
രചന : കാവാലം നാരായണപ്പണിക്കര്‍
സംഗീതം : ജി ദേവരാജന്‍
ആലാപനം : കെ ജെ യേശുദാസ്

മൌനം...
മൌനം തളരും തണലില്‍
നീളും നിഴലിന്‍ വഴിയില്‍
കാറ്റു വീശി...ഇല കൊഴിഞ്ഞു...
കാത്തിരിപ്പിന്‍റെ വീര്‍പ്പുലഞ്ഞൂ...
മൌനം...


മലയാളിയും കുളിരലകള്‍
പോരും വഴിക്ക് പാടി
ഒഴുകിവരും ചുരുളലിയും
മൂകവിലാപകാവ്യം...
മൌനം...


കളപൊഴിയും ഞൊറിയലകള്‍ 
തേങ്ങിപ്പിടഞ്ഞു വീണൂ...
അലഞ്ഞടിയും കനലൊളിയായ്
ദൂരെ ദിനാന്തതീരം...
മൌനം...

ഉദ്യാനദേവിതന്‍...

ചിത്രം : ഒരു കൊച്ചു സ്വപ്നം(1984) 
രചന : ഓ എന്‍ വി കുറുപ്പ്
സംഗീതം : എം ബി ശ്രീനിവാസന്‍ 
ആലാപനം : കെ ജെ യേശുദാസ്


ഉദ്യാനദേവിതന്‍ ഉത്സവമായ് 
നയനോത്സവമായ്...വന്ന പൂമകളേ
സുഖമോ...?സുഖമോ...?
കുശലം ചോദിപ്പൂ സഖികള്‍
നിന്‍ സഖികള്‍...
      
പാലുപോലെ നിലാവുപോലെ
വെണ്‍മയോലുന്ന നിന്‍ മനസ്സില്‍
വിരിയുന്നതെല്ലാം വെളുത്ത പൂക്കള്‍
നിന്‍ മനസ്സില്‍-
വിരിയുന്നതെല്ലാം വെളുത്ത പൂക്കള്‍    
കൂടണയുന്നതെല്ലാം വെണ്‍പ്രാക്കള്‍
നിന്‍ മനസ്സില്‍-
കൂടണയുന്നതെല്ലാം വെണ്‍പ്രാക്കള്‍


കൂടെവന്ന കിനാവുപോലെ 
ആരെ പാടുന്നു നിന്‍ മനസ്സില്‍
വിടരുന്നതെന്നോ തുടുത്ത പൂക്കള്‍ 
നിന്‍ മനസ്സില്‍-
വിടരുന്നതെന്നോ തുടുത്ത പൂക്കള്‍
തേനുതിരുന്നതെന്നോ മാമ്പൂക്കള്‍
നിന്‍ മനസ്സില്‍-      

തേനുതിരുന്നതെന്നോ മാമ്പൂക്കള്‍

ആകാശങ്ങളില്‍ ഇരിക്കും...

ചിത്രം : നാടന്‍ പെണ്ണ്(1967)

രചന : വയലാര്‍ രാമവര്‍മ്മ 

സംഗേതം : ജി ദേവരാജന്‍

ആലാപനം : പി സുശീല 

ആകാശങ്ങളില്‍ ഇരിക്കും ഞങ്ങടെ 

അനശ്വരനായ പിതാവേ 

അവിടുത്തെ നാമം വാഴ്ത്തപ്പെടേണമേ...

അവിടുത്തെ രാജ്യം വരേണമേ...


സ്വര്‍ഗത്തിലെപ്പോലെ ഭൂമിയിലും
നിന്‍റെ സ്വപ്‌നങ്ങള്‍ വിടരേണമേ
അന്നന്നു ഞങ്ങള്‍ വിശന്നു വരുമ്പോള്‍   

അപ്പം നല്‍കേണമേ...
ആമേന്‍...ആമേന്‍...ആമേന്‍...


ഞങ്ങള്‍ തന്‍ കടങ്ങള്‍ പൊറുക്കേണമേ 
അങ്ങ് ഞങ്ങളെ നയിക്കേണമേ...
അഗ്നിപരീക്ഷയില്‍ വീഴാതെ ഞങ്ങളെ
രക്ഷിച്ചീടേണമേ...
ആമേന്‍...ആമേന്‍...ആമേന്‍...

          

മധുരമീനാക്ഷി...

ചിത്രം : യൌവനം(1974) 
രചന : ശ്രീകുമാരന്‍ തമ്പി
സംഗീതം : വി ദക്ഷിണാമൂര്‍ത്തി 
ആലാപനം : എസ് ജാനകി 


മധുരമീനാക്ഷി അനുഗ്രഹിക്കും 
എന്‍റെ മാനസവീണയില്‍ ശ്രുതിയുണരും    
നിര്‍മലസ്നേഹത്തിന്‍ പൂജാവീഥിയില്‍ 
എന്‍റെ സങ്കല്പങ്ങള്‍ തേര്‍തെളിക്കും.


പൂവിടാന്‍ ദാഹിച്ചോരെന്‍റെ തൈമുല്ലയില്‍
പുലരിയിലിന്നൊരു പൂ വിരിഞ്ഞൂ...
എന്നാത്മദാഹത്തിന്‍ ബിന്ദുവാണാമലര്‍
എന്‍ ജന്‍മസാഫല്യകാന്തിയല്ലോ...


എത്ര ജന്‍മങ്ങള്‍ കഴിഞ്ഞാലുമീസത്യ-
രക്തബന്ധത്തിന്‍ ചിറകുകളില്‍...
നമ്മളില്‍ മിന്നുന്ന ധന്യമാം ചൈതന്യം
ഒന്നായി നിര്‍ത്താന്‍ കൊതിക്കുന്നു ഞാന്‍....   
            

കഥയ മമ കഥയ മമ...

ചിത്രം : കേരള കഫേ(2009)
രചന : റഫീക്ക് അഹമ്മദ്‌
സംഗീതം : ബിജിബാല്‍
ആലാപനം : പി ജയചന്ദ്രന്‍


കഥയ മമ കഥയ മമ കഥകളതിസാദരം...  
കഥകളതിസാദരം...  
പലകോടി ജന്‍മങ്ങള്‍ കുമിളകളായുതിര്‍ന്നുടയും 
കഥാസരിത്‌സാഗരസീമയില്‍,
കഥകളാകുന്നു നാ,മറിവീലയെങ്കിലും
അഥവാ തിരിച്ചറിഞ്ഞെന്നാലുമറിയുമിയുള്‍കഥ
കഥകളാല്‍ നീഭൃതമീ പ്രകൃതിയും...


കഥകളീ കടലുകള്‍ കുലശൈലശൃംഗങ്ങള്‍
കഥതന്നെ വഴിനീളെ യടരുമീ ഇലകളും..

കദനമായെരിയുമായുസ്സിന്‍റെ തിരികെട്ടു-

കഥകഴിയുമ്പോള്‍ തുടങ്ങുന്നു പുതിയതൊ-

ന്നവസാനമില്ലാതെ കഥനമോ തുടരുന്നു..

തുടരുന്നു...തുടരുന്നു...

വഴിയോരസത്രത്തിലപരാഹ്നവേളയില്‍

ഒരുമിച്ചുകൂടിപ്പിരിഞ്ഞു പോകുംവരെ

പറയുക...പറയുക...കഥകള്‍ നിരന്തരം

കഥ പറഞ്ഞങ്ങനെ കഥകളായ് കാലത്തി-

ലലിയുക അതിലൊരു കഥയില്ലയെങ്കിലും

കഥകളേക്കാള്‍ ഭാരമില്ല ഭൂമിക്കുമെന്നറിയുക...

ആഴമില്ലൊരു സമുദ്രത്തിനും...      

           

    

മുള്ളുള്ള മുരിക്കിന്‍മേല്‍...

ചിത്രം : വിലാപങ്ങള്‍ക്കപ്പുറം(2008)

രചന : ഗിരീഷ്‌ പുത്തഞ്ചേരി 

സംഗീതം : എം ജയചന്ദ്രന്‍

ആലാപനം : മഞ്ജരി

മുള്ളുള്ള മുരിക്കിന്‍മേല്‍ മൂവന്തി പടര്‍ത്തിയ

മുത്തുപോലെ തുടുത്തോരു പനിനീര്...പനിനീര്...

കാറ്റൊന്നനങ്ങിയാല്‍ കരള്‍ നൊന്തുപിടയുന്ന

കണ്ണാടിക്കവിളത്തെ കണ്ണുനീര്...കണ്ണുനീര്...

മാടപ്പിറാവിന്‍റെ മനസ്സുള്ള നിന്‍റെ മാറില്‍ 

മൈലാഞ്ചിച്ചോരകൊണ്ട് വരഞ്ഞതാര്...
മൊഞ്ചേറും ചിറകിന്‍റെ തൂവല്‍ നുള്ളിയെടുത്തിട്ട്
പഞ്ചാരവിശറി വീശി തണുത്തതാര്...


നെഞ്ചില് തിളയ്ക്കണ സങ്കടക്കടലുമായി
എന്തിനെന്നറിയാതെ വിതുമ്പും പെണ്ണേ,
മൈമായും മിഴിത്തുമ്പില്‍ നീ കൊളുത്തും വിളക്കല്ലേ
നാളത്തെ ഇരുട്ടത്തെ വെളിച്ചം പൊന്നേ...             

          

  

ഇരു കണ്ണീര്‍ത്തുള്ളികള്‍...

ചിത്രം : ഇരുട്ടിന്‍റെ ആത്മാവ്(1967)
രചന : പി ഭാസ്കരന്‍
സംഗീതം : എം എസ് ബാബുരാജ്‌  
ആലാപനം : എസ് ജാനകി


ഇരു കണ്ണീര്‍ത്തുള്ളികള്‍ ഒരു സുന്ദരിയുടെ
കരിമിഴികളില്‍ വച്ചു കണ്ടുമുട്ടി
കണ്ടുമുട്ടീ അവര്‍ കണ്ടു മുട്ടി-പിന്നെ
കണ്ടുവന്ന സ്വപ്‌നത്തിന്‍ കഥ ചൊല്ലി
താമരപ്പൊയ്കയിലെ അരയന്നങ്ങളെപ്പോലെ
പ്രേമത്താല്‍ പരസ്പരം കൈനീട്ടീ...      


അടുക്കുവാന്‍ അവര്‍ക്കെന്നും കഴിഞ്ഞില്ലാ 
അകലത്താണകലത്താണിരുപേരും...
കവിളിലേക്കൊഴുകുമ്പോള്‍ ഒരുമിക്കാമെന്നോര്‍ത്തു
കരളില്‍ പ്രതീക്ഷയുമായ് യാത്രതുടര്‍ന്നൂ... 


അടുത്തതില്ലാ അവര്‍ അടുത്തതില്ല
ഒരു നെടുവീര്‍പ്പിന്‍ കൊടുങ്കാറ്റില്‍ പിരിഞ്ഞുപോയി...
മരണത്തിന്‍ ഭീകര മരുഭൂവില്‍ വീണു രണ്ടു-
മഴത്തുള്ളിപോലെയവര്‍ തകര്‍ന്നുപോയീ...   
      

പടച്ചവന്‍ പടച്ചപ്പോള്‍...

ചിത്രം : കായംകുളം കൊച്ചുണ്ണി(1966) 
രചന : പി ഭാസ്കരന്‍
സംഗീതം : ബി എ ചിദംബരനാഥ് 
ആലാപനം : കമുകറ പുരുഷോത്തമന്‍


പടച്ചവന്‍ പടച്ചപ്പോള്‍ മനുഷ്യരെപ്പടച്ചു
മനുജന്‍മാര്‍ മണ്ണിതില്‍ പണക്കാരെപ്പടച്ചു
പണക്കാരന്‍ പാരിലാകെ പാവങ്ങളെപ്പടച്ചു
പാവങ്ങളെന്നവരെ കളിയാക്കി ചിരിച്ചു


ഉലകിതു നന്നാക്കും പണ്ഡിതപ്രസംഗം
അലയടിച്ചെത്തുന്നു കവലകള്‍ തോറും
പശിതിന്നും വയറിന്നു പഴങ്കഞ്ഞി വിളമ്പാന്‍
തുനിയുന്നവനേ ദേവദൂതന്‍ 


പഠിപ്പില്ലാത്തൊരുവന്‍ പാമരനെങ്കിലും
കൊടുക്കുന്ന കയ്യാ,ണവന്‍റെതെങ്കില്‍
അള്ളാവിന്‍ പ്രിയപുത്രനവ,നാണല്ലോ
സ്വര്‍ല്ലോകകൊട്ടാരം അവന്‍റെതല്ലോ        

  

       

സുന്ദരരാവില്‍...

ചിത്രം : കൊച്ചനിയത്തി(1971) 

രചന : ശ്രീകുമാരന്‍ തമ്പി

സംഗീതം : പുകഴേന്തി

ആലാപനം : എസ്.ജാനകി 

സുന്ദരരാവില്‍ ചന്ദനമുകിലില്‍ 

മന്ത്രങ്ങളെഴുതും ചന്ദ്രികേ 

അനുരാഗത്തിന്‍ ആദ്യനൊമ്പരം

ആത്മനാഥനോടെങ്ങിനെ പറയും

വാസരസ്വപ്നം വാനില്‍വിടരും

വാടിക്കൊഴിയും രാവിന്‍മടിയില്‍

ആയിരം കഥകള്‍ പറയാന്‍ കൊതിക്കും 

അരികത്തു കണ്ടാല്‍ അടിമുടി വിറക്കും

എങ്ങിനെ...എങ്ങിനെ...

പറയുവതെങ്ങിനെ...

ആ വിളി കേള്‍ക്കാന്‍ ആ മാറില്‍ ചായാന്‍

ആ കാലടിയില്‍ മലരായ് വീഴാന്‍ 

ആത്മാവാം കിളി കൊതികൊള്ളുന്നു

അന്തര്‍ദ്ദാഹമിതെങ്ങിനെ പറയും

എങ്ങിനെ...എങ്ങിനെ...

പറയുവതെങ്ങിനെ...

       

ആദിയില്‍ വചനമുണ്ടായി...

ചിത്രം : ചേട്ടത്തി(1965) 
രചന : വയലാര്‍ രാമവര്‍മ്മ 
സംഗീതം : എം എസ് ബാബുരാജ്‌
ആലാപനം : കെ ജെ യേശുദാസ്


ആദിയില്‍ വചനമുണ്ടായി
ആ വചനം രൂപമായി
പ്രളയജലധിയില്‍ പ്രണവരൂപിയായ്     
പ്രപഞ്ചശില്പിയുറങ്ങിയുണര്‍ന്നൂ  


അശ്രുസമുദ്രതിരകളിലങ്ങനെ 
ചിപ്പികളുണ്ടായീ...
മുത്തുച്ചിപ്പികളുണ്ടായീ...
കണ്ണുനീര്‍മുത്തിനു പെണ്ണെന്നു പേരിട്ടൂ
കാലമാം അജ്ഞാതശില്പി...


കരയില്‍ വന്നവര്‍ വന്നവരതിനെ
കാമവല വീശി...കണ്ണാല്‍
കാമ വലവീശി...
കവികള്‍ പാടി- കാണാദ്വീപിലെ-
പവിഴമല്ലോ സ്ത്രീഹൃദയം.

          
 (പാട്ടിലൂടെയും ചിത്രങ്ങളിലൂടെയും അല്ലാതെ ജീവനോടെ ശ്രീ.വയലാര്‍ രാമവര്‍മ്മയെ കാണാന്‍ ഈ ഗാനത്തിലൂടെ മാത്രമേ നമുക്ക് കഴിയൂ...)

അമ്പലവെളിയിലൊരാല്‍ത്തറയില്‍...

ചിത്രം : സ്ത്രീ(1970)

രചന : പി ഭാസ്കരന്‍

സംഗീതം : വി ദക്ഷിണാമൂര്‍ത്തി

ആലാപനം : എസ് ജാനകി

അമ്പലവെളിയിലൊരാല്‍ത്തറയില്‍ 
കൈക്കുമ്പിളില്‍ നാലഞ്ചു പൂക്കളുമായ്‌ 
കണ്ണുനീര്‍ചരടിന്‍മേല്‍
മാലകോര്‍ത്തിരിക്കുന്ന
സന്യാസിനിയാണ് ഞാന്‍-പ്രേമ-
സന്യാസിനിയാണ് ഞാന്‍...


ഉത്സവവേളയില്‍ സ്വപ്നരഥത്തിലെന്‍റെ         
വത്സലദേവന്‍ പുറത്തെഴുന്നള്ളുമ്പോള്‍   
കനവില്‍ നമസ്കരിച്ചു 
നിര്‍വൃതി കൊള്ളുമ്പോള്‍ 
നിഴലില്‍ മറയുന്നു ഞാന്‍-ദൂരെ- 
നിഴലില്‍ മറയുന്നു ഞാന്‍...


എന്തിനെന്നറിയീല എന്‍റെയീ പൂജാമാല്യം
എന്നും ഞാന്‍ കോര്‍ക്കുന്നു വിദൂരതയില്‍
ആരാധനയ്ക്കുമല്ല അലങ്കരിക്കാനുമല്ല
അധകൃതയല്ലോ ഞാന്‍-വെറും-
അധകൃതയല്ലോ ഞാന്‍...     

പ്രേമ ഭിക്ഷുകീ...

ചിത്രം : പുനര്‍ജ്ജന്‍മം(1972)  

രചന : വയലാര്‍ രാമവര്‍മ

സംഗീതം : ജി ദേവരാജന്‍

ആലാപനം : കെ ജെ യേശുദാസ്

പ്രേമ ഭിക്ഷുകീ...ഭിക്ഷുകീ...

ഏതു ജന്മത്തില്‍ ഏതു സന്ധ്യയില്‍

എവിടെ വച്ചു നാം കണ്ടു

ആദ്യമായ്

എവിടെ വച്ചു നാം കണ്ടു

ചിരിച്ചും കരഞ്ഞും തലമുറകള്‍ വന്നൂ

ചവുട്ടിക്കുഴച്ചിട്ട വീഥികളില്‍

പൊഴിഞ്ഞ നമ്മള്‍ തന്‍ കാലടിപ്പാടുകള്‍

പൊടികൊണ്ടു മൂടിക്കിടന്നൂ...

എത്രനാള്‍

പൊടികൊണ്ടു മൂടിക്കിടന്നൂ...

മറക്കാന്‍ കഴിഞ്ഞിരുന്നെങ്കില്‍

വീണ്ടും അടുക്കാതിരുന്നെങ്കില്‍...ഭിക്ഷുകീ...

നടന്നും തളര്‍ന്നും വഴിയമ്പലത്തിലെ

നടക്കല്‍ വിളക്കിന്റെ കാല്‍ച്ചുവട്ടില്‍

വിടര്‍ന്ന നമ്മള്‍ തന്‍ മാനസപ്പൂവുകള്‍

വിധിവന്നു നുള്ളിക്കളഞ്ഞൂ...

ഇപ്പോഴും

വിധിവന്നു നുള്ളിക്കളഞ്ഞൂ...

മറക്കാന്‍ കഴിഞ്ഞിരുന്നെങ്കില്‍

വീണ്ടും അടുക്കാതിരുന്നെങ്കില്‍...ഭിക്ഷുകീ...

ഏഴു സുന്ദരരാത്രികള്‍…

ചിത്രം : അശ്വമേധം(1967).

രചന : വയലാര്‍ രാമവര്‍മ.

സംഗീതം : ജി ദേവരാജന്‍.

ആലാപനം : പി സുശീല.

ഏഴു സുന്ദരരാത്രികള്‍…

ഏകാന്ത സുന്ദരരാത്രികള്‍…

വികാര തരളിത ഗാത്രികള്‍-

വിവാഹപൂര്‍വ്വരാത്രികള്‍ …

ഇനി ഏഴു സുന്ദരരാത്രികള്‍

മാനസ സരസ്സില്‍ പറന്നിറങ്ങിയ

മരാളകന്യകളേ...മനോഹരാംഗികളേ…

നിങ്ങടെ പവിഴച്ചുണ്ടില്‍ നിന്നൊരു

മംഗളപത്രമെനിക്കു തരൂ...

ഈ പൂ...ഇത്തിരിപ്പൂ…

പകരമിപ്പൂവു തരാം...

വാസരസ്വപ്നം ചിറകുകള്‍ നല്‍കിയ

വസന്തദൂതികളേ…വിരുന്നുകാരികളേ …

നിങ്ങടെ സ്വര്‍ണ്ണത്തളികയില്‍ നിന്നൊരു

സംഗമദീപമെനിക്കു തരൂ…

ഈ പൂ... ഇത്തിരിപ്പൂ...

പകരമിപ്പൂവു തരാം

ആത്മവിദ്യാലയമേ...

ചിത്രം : ഹരിശ്ചന്ദ്ര(1955)

രചന : തിരുനൈനാര്‍ കുറിച്ചി

സംഗീതം : ബ്രദര്‍ ലക്ഷ്മണ്‍

ആലാപനം : കമുകറ പുരുഷോത്തമന്‍    

   

ആത്മവിദ്യാലയമേ...

അവനിയില്‍ ആത്മവിദ്യാലയമേ

അഴിനിലയില്ല ജീവിതമെല്ലാം 

ആറടിമണ്ണില്‍ നീറിയൊടുങ്ങും

തിലകം ചാര്‍ത്തി ചീകിയുമഴകായ്‌ 

പലനാള്‍ പോറ്റിയ പുണ്യശിരസ്സേ

ഉലകം വെല്ലാന്‍ ഉഴറിയ നീയോ 

വിലപിടിയാത്തൊരു തലയോടായി

ഇല്ലാ ജാതികള്‍ ഭേദവിചാരം

ഇവിടെ പൂക്കവര്‍ ഒരു പിടിചാരം

മന്നവനാട്ടെ യാചകനാട്ടെ

വന്നിടുമൊടുവില്‍ വന്‍ചിത നടുവില്‍  

              

വാകച്ചാര്‍ത്തു കഴിഞ്ഞൊരു ദേവന്‍റെ...

ചിത്രം : ഇരുട്ടിന്‍റെ ആത്മാവ്(1967)
രചന : പി ഭാസ്കരന്‍
സംഗീതം : എം എസ്  ബാബുരാജ്‌
ആലാപനം : എസ് ജാനകി

വാകച്ചാര്‍ത്തു കഴിഞ്ഞൊരു ദേവന്‍റെ
മോഹന മലര്‍മേനി കണി കാണണം
കണികാണണം...കണ്ണാ...കണികാണണം
കമനീയ മുഖപത്മം കണികാണണം.


മഞ്ഞപ്പട്ടാട ചാര്‍ത്തി       
മണിവേണു കയ്യിലേന്തി
അഞ്ജനക്കണ്ണനുണ്ണീ ഓടിവായോ...
നിറുകയില്‍ പീലികുത്തി
ചുരുള്‍മുടി മേലേകെട്ടി
നീലക്കാര്‍വര്‍ണ്ണനുണ്ണീ ഓടിവായോ...


കാലില്‍ ചിലമ്പുകെട്ടി
പാലക്കാ മോതിരമായി
കാലികള്‍ മേയ്ക്കുമുണ്ണീ ഓടിവായോ...
ദുരിതത്തില്‍ നീന്തുമെന്നെ
സുകൃതത്തിന്‍ തീരംകാട്ടാന്‍
മുരഹരമുകുന്ദാ നീ ഓടിവായോ...      
     

മലരമ്പനറിഞ്ഞില്ലാ...

ചിത്രം : രക്തപുഷ്പം(1970)
രചന : ശ്രീകുമാരന്‍ തമ്പി
സംഗീതം : എം കെ അര്‍ജ്ജുനന്‍
ആലാപനം : പി ജയചന്ദ്രന്‍,എസ് ജാനകി


മലരമ്പനറിഞ്ഞില്ലാ...മധുമാസമറിഞ്ഞില്ലാ... 
മലര്‍ചൂടിയെന്‍ മനസ്സില്‍ ഒരു മോഹം
അധരമറിഞ്ഞില്ല ഹൃദയമറിഞ്ഞില്ല 
അറിയാതെ മൂളിപ്പോയ് ഒരു രാഗം


ഇളംകാറ്ററിഞ്ഞില്ലാ...ഇലകളറിഞ്ഞില്ലാ...
ഇവിടൊരു പാട്ടുകാരന്‍ മറഞ്ഞു നിന്നൂ 
ചിരി തൂകി...
ചിരിതൂകിയൊഴുകുന്ന ധനുമാസചന്ദ്രിക
വനമാകെ മധുമാരി ചൊരിഞ്ഞു നിന്നൂ...


മലരമ്പനറിഞ്ഞില്ലാ...മധുമാസമറിഞ്ഞില്ലാ...
മലര്‍ചൂടിയൊരു മോഹം കന്യകയില്‍...
അധരമറിഞ്ഞില്ല ഹൃദയമറിഞ്ഞില്ല
അറിയാതെ അവള്‍ പാടി ഹൃദയരാഗം 


കരയുന്ന കാട്ടുപൂവിന്‍ കരളിലെ നിത്യദാഹം
കണ്ടുനില്‍ക്കും കളിത്തെന്നല്‍ അറിയുന്നില്ല...
കദനത്തിന്നുള്ളില്‍ നിന്നും കൈപിടിച്ചുകയറ്റിയ
കരുണതന്‍ കാല്‍ക്കലിപ്പൂ കൊഴിഞ്ഞുവെങ്കില്‍...