സന്ധ്യാസുന്ദരലിപിയില്‍...

ചിത്രം : ചാപ്റ്റേഴ്സ് (2012)

രചന : റഫീക്ക് അഹമ്മദ്

സംഗീതം : മെജോ ജോസഫ്

ആലാപനം : പ്രമോദ്,മഞ്ജരി  

സന്ധ്യാസുന്ദരലിപിയില്‍ 

ഒരു താരമനോഹരകവിത

അതു നീര്‍മിഴിത്തുമ്പിനാലെഴുതൂ....

നിന്‍ ജീവരാഗം പകരൂ...

എന്നോടോതിയ വരിയില്‍

പതിനായിരം രാവുകള്‍ കലരും

ഇനി ഈ അനുരാഗവും കടലായ്...

എന്നാത്മതാളം നിറയും...

മണ്ണിന്‍ വിസ്മയം തരുനിരയില്‍ 

നീളേ പൂവുകളായ്...

വിണ്ണിന്‍ സുസ്മിതം ഇരുളലയില്‍ 

ഏതോ നെയ്ത്തിരിയായ്‌...

ഒഴുകിടുമൊരു കുളിരലയിലെ

മധുമലര്‍മണമായ്...

തഴുകിടുമൊരു പുതുമഴയുടെ  

പരിഭവസുഖമായ്...

ആദ്യാനുരാഗാര്‍ദ്ര ഭാവങ്ങളാലേ 

അത്മാവിലാളുന്നൊരീണങ്ങള്‍...

ഏതോ പൂവണിത്താഴ്വരയില്‍

മായാവാഹിനിയായ്...

മേലേ കാര്‍മുകില്‍ത്തോണിയിലേ 

ഈറന്‍വാര്‍മതിയായ്...

ജനലഴികളില്‍ ഒരുകിളിയുടെ

മൃദുകരമൊഴിയായ്...

നടവഴിയിലെ പരിചിതമൊരു

പദമലരിതളായ്...

ഓരോ ദിനാന്തങ്ങള്‍ വാചാലമായി

മായാമയൂരങ്ങളായ് മാറി...

ആഴിക്കങ്ങേ കരയുണ്ടോ...

ചിത്രം : പടയോട്ടം(1982)

രചന : കാവാലം നാരായണപണിക്കര്‍

സംഗീതം : ഗുണസിംഗ് 

ആലാപനം : കെ ജെ യേശുദാസ്

ആഴിക്കങ്ങേ കരയുണ്ടോ...?

യാമങ്ങള്‍ക്കൊരു മുടിവുണ്ടോ...?  

അടങ്ങാത്തിരമാലവഴിയേ ചെന്നാലീ 

അല്ലിനു തീരമുണ്ടോ...?

നീലമേലാപ്പിന്‍ കീഴിലാലസ്യമാളും ഭൂമിയല്ലേ... 

വേനല്‍ച്ചൂടേറ്റു ദാഹനീരിനു പിടയും ഭൂമിയല്ലേ...

വീണുമടിഞ്ഞും വീണ്ടുമുണര്‍ന്നും

തിരകളൊടുവില്‍ പകരും കദനം ചൂടുന്നൂ...

അല്ലിനു തീരമുണ്ടോ...അല്ലിനു തീരമുണ്ടോ...

അന്തിവിണ്ണിന്‍റെ തങ്കത്താഴിക പൊന്തീ...കാറ്റുറങ്ങീ...

കാവല്‍ കാക്കുന്ന നീലനിഴലുകള്‍ മോഹം പൂണ്ടുനിന്നൂ...

ഉള്ളമുണര്‍ന്നൂ...ചിറകിലുയര്‍ന്നൂ...

തളര്‍ന്നു തനുവിലവശമിവിടെ വീഴുന്നൂ...

അല്ലിനു തീരമുണ്ടോ...അല്ലിനു തീരമുണ്ടോ...

         

                                         

എന്നിട്ടും നീയെന്നെ...

ചിത്രം : നസീമ (1983)

രചന : പി ഭാസ്ക്കരന്‍ 

സംഗീതം : ജോണ്‍സണ്‍ 

ആലാപനം : എസ് ജാനകി 

എന്നിട്ടും നീയെന്നെ അറിഞ്ഞില്ലല്ലോ...!

എന്നാര്‍ദ്രനയനങ്ങള്‍ തുടച്ചില്ലല്ലോ...!

എന്നാത്മവിപഞ്ചികാ തന്ത്രികള്‍ മീട്ടിയ 

സ്പന്ദനഗാനമൊന്നും കേട്ടില്ലല്ലോ...!    

അറിയാതെയവിടുന്നെന്‍ അടുത്തുവന്നൂ  

അറിയാതെ തന്നെയെന്നകത്തുവന്നൂ...

ജീവന്‍റെ ജീവനില്‍ സ്വപ്‌നങ്ങള്‍ വിരിച്ചിട്ട

പൂവണിമഞ്ചത്തില്‍ ഭവാനിരുന്നൂ...

നിന്‍ സ്നേഹമകറ്റാനെന്‍ സുന്ദരസങ്കല്‍പം 

ചന്ദനവിശറികൊണ്ട് വീശിയെന്നാലും

വിധുരയാമെന്നുടെ നെടുവീര്‍പ്പിന്‍ ചൂടിനാല്‍ ഞാന്‍ 

അടിമുടി പൊള്ളുകയായിരുന്നൂ...

         

വിണ്ണിലുള്ള താരകമേ...

ചിത്രം : ഉമ്മിണിത്തങ്ക (1961) 

രചന : പി ഭാസ്ക്കരന്‍ 

സംഗീതം : വി ദക്ഷിണാമൂര്‍ത്തി 

ആലാപനം : പി ലീല 

വിണ്ണിലുള്ള താരകമേ 

കണ്മഷി കടം തരുമോ 

വെണ്ണിലാവേ നിന്‍റെ

കണ്ണാടി നീ തരുമോ  

ചമഞ്ഞിട്ടും ചമഞ്ഞിട്ടും

ചന്തം വരുന്നില്ലല്ലോ

ചന്ദനത്താലവുമായ്

ചന്ദ്രാ നീ വന്നിടുമോ

വാടാത്ത പുഷ്പമാല 

തിരുമാറില്‍ ചാര്‍ത്തിടുവാന്‍

കാട്ടുമുല്ലേ കൈനിറയെ

പൂവുകള്‍ നീ തന്നിടേണം

മനതാരിന്‍ മണിവീണ

മായാമനോഹരമായ്   

തിരുമുമ്പില്‍ മീട്ടി മീട്ടി

പാടിടേണം

പ്രേമത്തിന്‍ കൊട്ടാരത്തില്‍

പട്ടാഭിഷേകമല്ലോ

മാരനെപ്പോല്‍ സുന്ദരനാം 

മന്നവനും വന്നുവല്ലോ

ചിരി വേണം കളിവേണം

പൊന്നിന്‍ ചിലങ്കകളേ

മുരളിതന്‍ ഗാനം വേണം

രാക്കുയിലേ..   

പ്രഭാമയീ...പ്രഭാമയീ...

ചിത്രം : ലേഖയുടെ മരണം ഒരു ഫ്ലാഷ്ബാക്ക് (1983)

രചന : ഓ എന്‍ വി കുറുപ്പ് 

സംഗീതം : എം ബി ശ്രീനിവാസന്‍ 

ആലാപനം : പി ജയചന്ദ്രന്‍ 

പ്രഭാമയീ...പ്രഭാമയീ... 

സുവര്‍ണമുഖി നിന്‍ നെറ്റിയിലാരീ

സൂര്യതിലകം ചാര്‍ത്തി...

പ്രകൃതിയൊരുക്കിയ പന്തലിലാരുടെ 

പ്രതിശ്രുതവധുവായ് നീ വന്നൂ...

വന്നൂ...വന്നൂ...നീ വന്നൂ...

അരുമയായനന്തന്‍ മന്ത്രങ്ങളെഴുതിയ 

അഴകോലും ഒരു തങ്കക്കതിരല്ലെ നീ...

മടിയില്‍ വച്ചതിലെഴും മധുരമാം മന്ത്രങ്ങള്‍

മനസിജ മന്ത്രങ്ങള്‍ ഉരുവിടും ഞാന്‍...പാരില്‍-

മനസിജ മന്ത്രങ്ങള്‍ ഉരുവിടും ഞാന്‍...

ഒളിചിന്നും അരയിലെ കാഞ്ചന കാഞ്ചിയില്‍ 

കളിയാടും ഒരു മുത്തായ്‌ ഇരുന്നെങ്കില്‍...

കളിയാടും ഒരു മുത്തായ്‌ ഇരുന്നെങ്കില്‍...ഞാന്‍

അതിനുള്ളില്‍ പുണരുമീ ഉടയാടത്തളിരിലെ

ഒരു വെറും ഇഴയായ് ഞാന്‍ പടര്‍ന്നുവെങ്കില്‍...

പദ്മതീര്‍ത്ഥക്കരയില്‍...

ചിത്രം : ബാബുമോന്‍ (1975)

രചന : മങ്കൊമ്പ് ഗോപാലകൃഷ്ണന്‍

സംഗീതം : എം എസ് വിശ്വനാഥന്‍ 

ആലാപനം : വാണി ജയറാം 

പദ്മതീര്‍ത്ഥക്കരയില്‍ 

ഒരു പച്ചിലമാളികക്കാട്...

പച്ചിലമാളികക്കാട്ടില്‍ 

ഒരു പിച്ചകപ്പൂമരക്കൊമ്പ്...

പിച്ചകപ്പൂമരക്കൊമ്പില്‍

രണ്ടുചിത്തിരമാസക്കിളികള്‍...

ഓരോ കിളിയെയും പാടിയുറക്കാന്‍ 

ഓമനത്തിങ്കള്‍ത്താരാട്ട്...

ആണ്ടോടാണ്ടെന്‍ പിറന്നാള് 

ആട്ടപ്പിറന്നാള്‍ തിരുനാള് 

അമ്മ ഇടംകവിളുമ്മ വയ്ക്കും

അച്ഛന്‍ വലംകവിളുമ്മ വയ്ക്കും 

താലോചിച്ചു വളര്‍ത്തും ഞാനൊരു-

കടിഞ്ഞൂല്‍ മുത്തല്ലോ-ഞാന്‍-

കടിഞ്ഞൂല്‍ മുത്തല്ലോ..

തുമ്പപ്പൂ വിതറും നീലരാവില്‍

തുള്ളിക്കളിക്കുന്ന പൂനിലാവില്‍  

തുണതേടി പെണ്‍കിളി കാത്തിരിക്കും

ഇണകളില്‍ ആണ്‍കിളി അരികില്‍ വരും

രാവിലുറങ്ങാന്‍ പാട്ടുപാടും 

രാഗവും താളവും ചേര്‍ത്തുപാടും

ഞാന്‍ ചേര്‍ത്തുപാടും...

ആരാരോ ആരീരാരോ...

   

മദ്യപാത്രം മധുരകാവ്യം ...

ചിത്രം : അമ്മയെന്ന സ്ത്രീ(1970)

രചന : വയലാര്‍ രാമവര്‍മ്മ 

സംഗീതം : എ എം രാജ 

ആലാപനം : കെ ജെ യേശുദാസ്  

മദ്യപാത്രം മധുരകാവ്യം 

മത്സഖീ നിന്നനുരാഗം... 

എല്ലാമരികില്‍ എനിക്കുള്ളപ്പോള്‍ 

എന്തിനു മറ്റൊരു സ്വര്‍ഗലോകം...

വെണ്ണിലാവിനെ ലജ്ജയില്‍ മുക്കും

വൈഡൂര്യമല്ലികപ്പൂവേ...

നിന്‍റെ ചൊടികളില്‍ മഞ്ഞുതുള്ളിയോ 

നിന്നിലെ സ്വപ്നത്തിന്‍ വീഞ്ഞോ...

ഇരിക്കൂ...അടുത്തിരിക്കൂ...

എനിക്കു ദാഹിക്കുന്നൂ...

ചുംബനത്തിന് ചുണ്ടുവിടര്‍ത്തും

സിന്ദൂരമുന്തിരിപ്പൂവേ...

എന്‍റെ യൗവനം എന്‍റെ വികാരം

എല്ലാം നിനക്കുമാത്രം...

നിറയ്ക്കൂ...മധു നിറയ്ക്കൂ...

എനിക്കു ദാഹിക്കുന്നൂ...

കറുത്ത ചക്രവാള...

ചിത്രം : അശ്വമേധം(1967)

രചന : വയലാര്‍ രാമവര്‍മ്മ 

സംഗീതം : ജി ദേവരാജന്‍ 

ആലാപനം : പി സുശീല  

കറുത്ത ചക്രവാള മതിലുകള്‍ ചൂളും 

കാരാഗൃഹമാണ് ഭൂമി...ഒരു-

കാരാഗൃഹമാണ് ഭൂമി...

തലയ്ക്കു മുകളില്‍ ശൂന്യാകാശം

താഴേ...നിഴലുകളിഴയും നരകം...

വര്‍ണചിത്രങ്ങള്‍ വരയ്ക്കുവാനെത്തുന്ന 

വൈശാഖസന്ധ്യകളേ...

ഞങ്ങളെ മാത്രം കറുത്തചായം മുക്കി

എന്തിനീ മണ്ണില്‍ വരച്ചു...വികൃതമായ്

എന്തിനീ മണ്ണില്‍ വരച്ചൂ...

വാസനപ്പൂമ്പൊടി തൂകുവാനെത്തുന്ന

വാസന്ത ശില്‍പ്പികളേ...

പൂജയ്ക്കെടുക്കാതെ പുഴുകുത്തി നില്‍ക്കുമീ 

പൂക്കളെ നിങ്ങള്‍ മറന്നോ...കൊഴിയുമീ

പൂക്കളെ നിങ്ങള്‍ മറന്നോ...            

അനുപമേ...അഴകേ...

ചിത്രം : അര നാഴിക നേരം(1970)

രചന : വയലാര്‍ രാമവര്‍മ്മ 

സംഗീതം : ജി ദേവരാജന്‍

ആലാപനം : കെ ജെ യേശുദാസ്

അനുപമേ...അഴകേ...

അല്ലിക്കുടങ്ങളില്‍ അമൃതുമായ് നില്‍ക്കും

അജന്താശില്‍പമേ...

അലങ്കരിക്കൂ എന്‍ അന്തപ്പുരം

അലങ്കരിക്കൂ നീ...

നിത്യതാരുണ്യമേ...നീയെന്‍റെ രാത്രികള്‍ 

നൃത്തം കൊണ്ടു നിറയ്ക്കൂ...ഉന്മാദ- 

നൃത്തം കൊണ്ടു നിറയ്ക്കൂ...

മനസ്സില്‍ മധുമയമന്ദഹാസങ്ങളാല്‍ 

മണിപ്രവാളങ്ങള്‍ പതിക്കൂ...

പതിക്കൂ...പതിക്കൂ...

സ്വര്‍ഗലാവണ്യമേ...നീയെന്‍റെ വീഥികള്‍

പുഷ്പം കൊണ്ടു നിറയ്ക്കൂ...അനുരാഗ-

പുഷ്പം കൊണ്ടു നിറയ്ക്കൂ...

വിടരും കവിളിലെ മുഗ്ദമാം ലജ്ജയാല്‍ 

വിവാഹമാല്യങ്ങള്‍ കൊരുക്കൂ....

കൊരുക്കൂ....കൊരുക്കൂ....

   

ഈശ്വര ചിന്തയിതൊന്നേ...

ചിത്രം : ഭക്തകുചേല(1961)
രചന : തിരുനയനാര്‍ കുറിച്ചി മാധവൻ നായർ     
സംഗീതം : ബ്രദര്‍ ലക്ഷ്മണ്‍ 
ആലാപനം : കമുകറ പുരുഷോത്തമന്‍

ഈശ്വര ചിന്തയിതൊന്നേ മനുജന്
ശാശ്വതമീയുലകിൽ... 
ഇഹപരസുകൃതം ഏകിടുമാർക്കും 
ഇതു സംസാര വിമോചനമാർഗ്ഗം...

കണ്ണിൽ കാണ്മതു കളിയായ്‌ മറയും 
കാണാത്തതു നാം എങ്ങനെ അറിയും?
ഒന്നു നിനയ്ക്കും മറ്റൊന്നാകും 
മന്നിതു മായാനാടകരംഗം... 

പത്തു ലഭിക്കിൽ നൂറിനു ദാഹം...  
നൂറിനെ ആയിരമാക്കാൻ മോഹം...  
ആയിരമോ പതിനായിരമാകണം...  
ആശയ്ക്കുലകിതിൽ അളവുണ്ടാമോ? 

കിട്ടും വകയിൽ തൃപ്തിയാകാതെ, 
കിട്ടാത്തതിനായ് കൈനീട്ടാതെ, 
കർമ്മം ചെയ്യുക നമ്മുടെ ലക്‌ഷ്യം 
കർമ്മഫലം തരും ഈശ്വരനല്ലോ! 

  

കറുത്ത രാവിന്റെ...

ചിത്രം : നരേന്ദ്രന്‍ മകന്‍ ജയകാന്തന്‍ വക(2001) 
രചന : മുല്ലനേഴി 
സംഗീതം : ജോണ്‍സന്‍ 
ആലാപനം : ജി വേണുഗോപാല്‍ 

കറുത്ത രാവിന്റെ കന്നിക്കിടാവൊരു വെളുത്തമുത്ത് 
കടല്‍ കടന്നും കണ്ണീര്‍ കടഞ്ഞും പിറന്ന മുത്ത് 
വെളുത്തമുത്തിനു തണലു നല്‍കാന്‍ നീലക്കുടയുണ്ട് 
വെളുത്തമുത്തിനു കിടന്നുറങ്ങാന്‍ വെളിച്ചപ്പൂവുണ്ട്

വെളിച്ചപ്പൂവിന് തപസ്സിരുന്നൂ താമരപ്പെണ്ണ്
താമരപ്പെണ്ണിന് താലി പണിയാന്‍ താരകപ്പൊന്ന്
പൊന്നുരുക്കി പൊന്നുരുക്കി പൂനിലാവാക്കി 
എന്നിട്ടും മാനത്തെ മുത്തുക്കുടത്തിന്റെ കണ്ണുതുറന്നീലാ

കണ്ണുതുറന്നപ്പോള്‍ അന്തിപ്പെണ്ണിനെ കണ്ടുമോഹിച്ചു
വിണ്ണിന്റെ തീരത്തെ വീട്ടിലേക്കവന്‍ കുതികുതിച്ചു
കുതിച്ചുചെന്നപ്പോള്‍ ഇരുളിന്‍ കൂരയില്‍ അവളൊളിച്ചൂ
മദിച്ചുവന്നൊരു മുത്തോ കടലിന്‍ മടിയില്‍ വീണൂ

                  

ശീതളമാം വെണ്ണിലാവു ചിരിച്ചൂ...

ചിത്രം : അരയന്നം (1981)

രചന : പി ഭാസ്ക്കരന്‍ 

സംഗീതം : പുകഴേന്തി  

ആലാപനം : കെ ജെ യേശുദാസ് 

ശീതളമാം വെണ്ണിലാവു ചിരിച്ചൂ...പ്രേമ-

മാതളപ്പൂ മണമൊഴുകും കാറ്റടിച്ചൂ...

കുടിലില്‍ നിന്നും ഇടയബാലന്‍ മുരളി വായിച്ചൂ...

വരിക സഖീ നീ നിന്റെ വാതയനത്തില്‍...

രാത്രിമുല്ല പൂത്തുനില്‍ക്കും നിന്റെ വാടിയില്‍ 
രാഗമൂകനാം നിന്റെ കാമുകന്‍ നില്‍പ്പൂ...
നിന്‍ സഖിമാരറിയാതെ കൈവളകള്‍ കിലുങ്ങാതെ 
നിന്‍ കിളിവാതില്‍ നീ തുറന്നാലും... 

കല്‍പ്പന തന്‍ സരസ്സിലെ രാഗമരാളം 
സ്വപ്നമാകും പൂഞ്ചിറകു വീശി വീശി... 
മധുരദര്‍ശനേ നിന്റെ മന്ദിരോപാന്തത്തിലിന്ന്
വിരഹദുഃഖവുമായ് കാത്തുനില്‍ക്കുന്നൂ...           

പൊട്ടിക്കാന്‍ ചെന്നപ്പോള്‍...

ചിത്രം : ഓപ്പോള്‍ (1981) 

രചന : പി ഭാസ്ക്കരന്‍ 

സംഗീതം : എം ബി ശ്രീനിവാസന്‍ 

ആലാപനം : കെ ജെ യേശുദാസ് 

പൊട്ടിക്കാന്‍ ചെന്നപ്പോള്‍ പൂങ്കൊടി ചോദിച്ചൂ 

മുറ്റത്തെ മുല്ലയ്ക്ക് മണമുണ്ടോ...?

കെട്ടിപ്പിടിച്ചുകൊണ്ടിളം കാറ്റ് പറഞ്ഞൂ 

മുറ്റത്തെ മുല്ലയ്ക്കേ മണമുള്ളൂ...!   

മുത്തിക്കുടിക്കുമ്പോള്‍ ചെന്തെങ്ങു ചൊല്ലീ 

തെക്കേലെ കരിക്കിനെ മധുരമുള്ളൂ...

ആഞ്ഞിലിക്കൊമ്പത്തെ മുളന്തത്ത പാടി 

അങ്ങേലെപ്പെണ്ണിനേ അഴകുള്ളൂ...

ഇന്നലെ കണ്ട കിനാവുകള്‍ ഞാനെന്റെ 

പൊന്നിട്ട പെട്ടകത്തില്‍ പൂട്ടിവച്ചൂ... 

കണ്ടാല്‍ ചിരിക്കുന്ന കള്ളത്തിയൊരുത്തി

കണ്മുനത്താക്കോലാല്‍ കവര്‍ന്നെടുത്തൂ...

        

ശുഭരാത്രി...

ചിത്രം : വളര്‍ത്തുമൃഗങ്ങള്‍(1981)
രചന : എം ടി വാസുദേവന്‍ നായര്‍
സംഗീതം : എം ബി ശ്രീനിവാസന്‍
ആലാപനം : കെ ജെ യേശുദാസ്

ശുഭരാത്രി...ശുഭരാത്രി...
നിങ്ങള്‍ക്കു നേരുന്നൂ...ശുഭരാത്രി...
ഊരുതെണ്ടുമൊരേകാന്തപഥികനു
കാവല്‍നില്‍ക്കും താരസഖികളേ...
നിങ്ങള്‍ക്കു നന്ദീ...ശുഭരാത്രി...        

പുരാണകിലയുടെ മൈതാനത്തില്‍
ചുവന്നജയപുരിയില്‍...
സിന്ധുതടത്തില്‍ പൂര്‍ണീകരയില്‍
എന്നും മേല്‍പ്പുരയെനിക്കുനല്‍കിയ
നീലവാനമേ...
നിന്‍റെ കൈവിളക്കൊളി കണ്ടുമയങ്ങാന്‍
അനുമതി തന്ന മനസ്സിനു നന്ദി...ശുഭരാത്രി...      

പകലുകള്‍ വെള്ളിപ്പറവകളെങ്ങോ
പറന്നകന്നൂ...
തളര്‍ന്ന തന്ത്രികള്‍ രാഗാലാപം
കഴിഞ്ഞു തേങ്ങീ...
മുടിയഴിച്ച വേഷക്കാരന്‍ സ്വപ്നം തേടിയുറങ്ങീ...
അഭയം കാണാതുഴറും പഥികന്
കൂട്ടിരിക്കും താരസഖികളേ...
നിങ്ങള്‍ക്കു നന്ദീ...
ശുഭരാത്രി...      

                                       

ഏണിപ്പടികള്‍...

ചിത്രം :  അഗ്നിപര്‍വ്വതം(1979)
രചന : ശ്രീകുമാരന്‍ തമ്പി 
സംഗീതം : പുകഴേന്തി
ആലാപനം : പി ജയചന്ദ്രന്‍

ഏണിപ്പടികള്‍ തകര്‍ന്നുവീണാല്‍
ഏറുവതെങ്ങനെ ഞാന്‍...
ഈ ജീവിതമാം നോമ്പരഗോപുരം  
ഏറുവതെങ്ങനെ ഞാന്‍...
ഓമനേ...ഓമനേ...

കടത്തുവഞ്ചി നീ താണുകഴിഞ്ഞാല്‍
കടക്കുമെങ്ങിനീ കണ്ണീര്‍നദി...
തണ്ണീര്‍പ്പന്തലും വെയിലിലെരിഞ്ഞാല്‍
താണ്ടുവതെങ്ങനീ ഗ്രീഷ്മഭൂമി...

പ്രതിജ്ഞ ചെയ്തു നാം 'ഒന്നായ് കഴിയാം'
മരിച്ചു ചെല്ലുന്ന ലോകത്തിലും...
കുത്തുവിളക്കിനെ ഇരുളിലാക്കീ
പൊന്‍തിരിനാളം പൊലിഞ്ഞിടാമോ...     
          

പനിനീരു തൂവുന്ന...

ചിത്രം : മുതലാളി(1965)
രചന : പി ഭാസ്ക്കരന്‍
സംഗീതം : പുകഴേന്തി
ആലാപനം : കെ ജെ യേശുദാസ്  


പനിനീരു തൂവുന്ന പൂനിലാവേ
പതിനേഴു താണ്ടിയ പെണ്‍കിടാവേ
മാനസം കണികാണും മാരിവില്ലേ
മായല്ലേ...നീയെന്‍റെ ജീവനല്ലേ...

ഇല്ലില്ലംകാവിലിന്ന് കാത്തിരുന്നൂ-പിന്നെ-
അല്ലിപ്പൂകുളങ്ങരെ കാത്തിരുന്നൂ...
കാണുന്ന നേരത്ത് നാണിപ്പതെന്തിനോ
കാനനക്കിളിപോലെ ഓടുന്നതെന്തിനോ...!

പൂവായ പൂവെല്ലാം ചേര്‍ത്തുവച്ചൂ-നിന്നെ-
പൂജിക്കാന്‍ പൂമാല കോര്‍ത്തുവച്ചൂ...
ആശതന്‍ കോവിലില്‍ അനുരാഗദീപത്തില്‍
ആയിരം തിരിയുമായ്‌ കാക്കുന്നു നിന്നെ ഞാന്‍...

                                    

ചിരിക്കുന്ന നിലാവിന്‍റെ...

ചിത്രം : കാട്ടിലെ പാട്ട് (1982)
രചന : മുല്ലനേഴി
സംഗീതം : കെ രാഘവന്‍
ആലാപനം : കെ ജെ യേശുദാസ്

ചിരിക്കുന്ന നിലാവിന്‍റെ കണ്ണുനീര്‍പ്പാടം-കൊയ്യാന്‍-
കൊതിക്കുന്ന വിധിയുടെ തടവുകാരന്‍...

ഉറങ്ങാത്ത രാവുകള്‍ ഉണങ്ങാത്ത മുറിവുകള്‍
പാതിചീന്തിയൊരാത്മാവിന്‍ പ്രാണവേദനകള്‍...

മയങ്ങുന്ന പാവതന്‍ വിതുമ്പുന്ന ചുണ്ടുകള്‍
തഴുകലിലലിയാന്‍ നീളും വിരലുകള്‍ തേടി...     

 

അരയന്നമേ...ഇണയരയന്നമേ...

ചിത്രം : വിവാഹിത (1970)
രചന : വയലാര്‍ രാമവര്‍മ്മ  
സംഗീതം : ജി ദേവരാജന്‍ 
ആലാപനം‌ : കെ ജെ യേശുദാസ് 

അരയന്നമേ...ഇണയരയന്നമേ...  
തിരിച്ചുവരുമോ ചെന്താമാരകള്‍ 
തപസ്സിരിക്കും പൊയ്കയില്‍ നീ... 

തടാക തീരത്തൊരു യുവഗായകന്‍ 
താമസിച്ചിരുന്നൊരു കാലം... 
കിളി,നിന്‍ ഹൃദയം കവര്‍ന്നിരുന്നില്ലേ
ജലതരംഗ സംഗീതം... 
പറന്നേ പോയ്‌ നീയകന്നേ പോയ്‌
മറ്റാരുടെയോ വളര്‍ത്തു കിളിയായ്... 

തുഷാരബാഷ്പതിരുമിഴികളുമായ്‌
തേടുന്നൂ ദിവസവും പൂക്കള്‍...
പ്രപഞ്ചം മുഴുവന്‍ നിറയുകയല്ലേ 
വിരഹമൂകസംഗീതം... 
പറന്നേ പോയ്‌ നീയകന്നേ പോയ്‌
മറ്റാരുടെയോ വളര്‍ത്തു കിളിയായ്... 

             

ചിരിക്കുമ്പോള്‍ നീയൊരു സൂര്യകാന്തി...

ചിത്രം : ചന്ദ്രകാന്തം(1974)

രചന : ശ്രീകുമാരന്‍ തമ്പി   

സംഗീതം : എം എസ് വിശ്വനാഥന്‍ 

ആലാപനം‌ : കെ പി ബ്രഹ്മാനന്ദന്‍ 

ചിരിക്കുമ്പോള്‍ നീയൊരു സൂര്യകാന്തി...  

കരയുമ്പോള്‍ നീയൊരു കതിരാമ്പല്‍...  

ഉറങ്ങുമ്പോള്‍ എന്‍പ്രിയ രാത്രിഗന്ധി...  

ഉണരുമ്പോള്‍ ഓമന ഉഷമലരി... 

പാടുമ്പോള്‍ നീയൊരു പാലരുവി... 

പളുങ്കൊളി ചിന്നുന്ന തേനരുവീ...

പരിഭവം കൊള്ളുമ്പോള്‍ തേന്‍കുരുവീ...

പഴിചൊല്ലി ചിലക്കുന്ന പൂങ്കുരുവീ...

ചിന്തയില്‍ നീയൊരു നവഹേമന്തം  

ശൃംഗാരസോപാന മണിമകുടം... 

എന്‍ മണിയറയിലെ രതി ലഹരീ...

എന്‍ പ്രേമവീണയിലെ സ്വരലഹരി...

            

മോഹം മുഖപടമണിഞ്ഞൂ...

ചിത്രം : ആരും അന്യരല്ല (1978)

രചന  : സത്യന്‍ അന്തിക്കാട് 

സംഗീതം : എം കെ അര്‍ജുനന്‍ 

ആലാപനം‌ : കെ ജെ യേശുദാസ്  

മോഹം മുഖപടമണിഞ്ഞൂ...

മൌനം തേങ്ങിക്കരഞ്ഞൂ...

ഇന്നെന്റെ  നൊമ്പരമെന്നോടു ചൊല്ലീ-

'ആരും അന്യരല്ലാ...','ആരും അന്യരല്ലാ...'      

നിഴല്‍ വീണുറങ്ങുമീ വഴിയമ്പലത്തില്‍

നിന്നെ ഞാനിന്നു കണ്ടൂ...-ഞാന്‍-

നിന്റെ മൃദുസ്വരം കേട്ടൂ...

എന്റെ പ്രതിച്ഛായയല്ലേ നീ 

എന്റെ പ്രതിസ്വരമല്ലേ... 

ആരും അന്യരല്ല... നമ്മളാരും അന്യരല്ല...              

എനിക്കായ് മാത്രമീ സൂര്യനുദിക്കില്ല

എനിക്കായ് അമ്പിളി ഉണരില്ലാ-എങ്ങും -

എനിക്കായ് പൂക്കള്‍ വിടരില്ലാ... 

എന്നാത്മസംഗീതമല്ലേ-നീ-

എന്റെ പ്രതിരൂപമല്ലേ...       

ആരും അന്യരല്ല... നമ്മളാരും അന്യരല്ല...              

പ്രഭാതത്തിലെ നിഴലുപോലെ...

ചിത്രം : മധുരനൊമ്പരക്കാറ്റ്(2000)
രചന : യൂസഫലി കേച്ചേരി 
സംഗീതം : വിദ്യാസാഗര്‍
ആലാപനം :കെ ജെ യേശുദാസ്,കെ എസ്  ചിത്ര 

പ്രഭാതത്തിലെ നിഴലുപോലെ ആദ്യമാദ്യം നീയകന്നു നിന്നൂ...
മധ്യാഹ്ന നിഴലുപോലെ പിന്നെ നീ,യടുത്തു വന്നൂ...
നമ്മളൊന്നായ് ചേര്‍ന്നൂ...
പ്രദോഷത്തിലെ നിഴലുപോലെ ദൂരെയിരുളില്‍ മായല്ലെ...
ഓമലാളേ...ഇനിയെന്‍ ഓമലാളേ...

നീണ്ട വനവാസം കഴിഞ്ഞു വീണ്ടുമുഷസ്സു തെളിഞ്ഞൂ 
കൊഴിഞ്ഞ പീലികള്‍ പെറുക്കി ഞാനിനി തുടരുമീ സഹയാത്ര... 
തകര്‍ന്ന തന്ത്രികള്‍ കൂട്ടിയിണക്കി തരളതംബുരു മീട്ടാം... 
കദനമൊഴുകും ഹൃദയമിനി നാം കവനസുന്ദരമാക്കാം... 

കാത്തുകാത്തീ മരുവിലിന്നൊരു വേനല്‍മഴയും വന്നൂ....
പ്രാണനാളം വേണുവാക്കി പാട്ടുപാടിത്തന്നൂ... 
ഭാവപുഷ്കലലോചനങ്ങള്‍ ഭദ്രദീപികയേന്തീ
നിശിതനിശയിലെ ഇരുളുനീക്കി കളഭകൌമുദി ചാര്‍ത്തി...                  

          

വയല്‍വരമ്പില്‍ ചിലമ്പുതുള്ളി

ചിത്രം : കല്പവൃക്ഷം(1978) 
രചന : ശ്രീകുമാരന്‍ തമ്പി 
സംഗീതം : വി ദക്ഷിണാമൂര്‍ത്തി 
ആലാപനം : കെ ജെ യേശുദാസ് 

വയല്‍വരമ്പില്‍ ചിലമ്പുതുള്ളി 
വയല്‍പ്പൂക്കളില്‍ തേന്‍ തുളുമ്പി
ഇലയനങ്ങിയ താളമോ ഇളംകാറ്റിന്‍ രാഗമൊ      
കണങ്കാലിലെ കൊലുസുകളോ...കളിയാക്കിയതാര്-
എന്നെ കളിയാക്കിയതാര്...?    

ഇടവപ്പാതിമേഘമേ... ഇതിലെ വാ-എന്‍-
ഇടനെഞ്ചിലെ മിന്നല്‍പ്പൂ ചൂടിപ്പോകാം... 
മടമുറിഞ്ഞ മനസ്സിലെ കൈത്തോടിന്നലകളില്‍
കനവൊഴുകും കളിവഞ്ചികള്‍ കണ്ടുപോകാം...

തിരുവാതിര ഞാറ്റുവേലപ്പൂക്കളേ-ഈ-
തിരുമധുരം നേദിക്കാന്‍ കൂടെവരൂ... 
പ്രണയമെന്ന ദേവത വരമരുളും കോവിലില്‍ 
തിരുവിളക്ക് കൊളുത്തുവാന്‍ കൂട്ടുപോരൂ...