ചിത്രം : പുറപ്പാട്(1990)
രചന : ഓ എന്‍ വി കുറുപ്പ്
സംഗീതം : ഔസേപ്പച്ചന്‍
ആലാപനം : എം ജി ശ്രീകുമാര്‍
മഞ്ഞു പെയ്യുന്ന രാത്രിയില്‍
എന്റെ മണ്‍ചിരാതും കെടുത്തീ ഞാന്‍
അമ്മ കൈവിട്ട പിഞ്ചുപൈതലൊ-
ന്നെന്‍ മനസ്സില്‍ കരഞ്ഞുവോ?
എന്‍ മനസ്സില്‍ കരഞ്ഞുവോ?
സ്വര്‍ണപുഷ്പങ്ങള്‍ കയ്യിലേന്തിയ
സന്ധ്യയും പോയ്മറഞ്ഞൂ...
ഈറനാമതിന്‍ ഓര്‍മ്മകള്‍ പേറി
ഈ വഴി ഞാനലയുന്നൂ...
കാതിലിറ്റിറ്റു വീഴുന്നുണ്ടേതോ
കാട്ടുപക്ഷിതന്‍ നൊമ്പരം.
കണ്ണുചിമ്മുന്ന താരകങ്ങളേ
നിങ്ങളില്‍ത്തിരയുന്നു ഞാന്‍
എന്നില്‍ നിന്നുമകന്നൊരാ
സ്നേഹസുന്ദരമുഖഛയകള്‍
വേദനയോടെ വേര്‍പിരിഞ്ഞാലും
മാധുരി തൂകുമോര്‍മ്മകള്‍...
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ