ചിത്രം : സുകൃതം(1994)
രചന : ഓ എന്‍ വി കുറുപ്പ്
സംഗീതം : ബോംബെ രവി
ആലാപനം : കെ ജെ യേശുദാസ്
എന്നൊടൊത്തുണരുന്ന പുലരികളേ...
എന്നൊടൊത്തു കിനാവുകണ്ടു-
ചിരിക്കുമിരവുകളേ...
യാത്ര തുടരുന്നൂ...ശുഭയാത്ര നേര്‍ന്നു വരൂ...
ഒരു കുടന്ന നിലാവു കൊണ്ടെന്‍
നെറുകയില്‍ കുളിര്‍തീര്‍ത്ഥമാടിയ നിശകളേ...
നിഴലുമായിണചേര്‍ന്നു നൃത്തംചെയ്ത പകലുകളേ...
പോരൂ...പോരൂ...
യാത്ര തുടരുന്നൂ...ശുഭയാത്ര നേര്‍ന്നു വരൂ...
തുളസി വെറ്റില തിന്നു ചുണ്ടു
തുടുത്ത സന്ധ്യകളേ...
തുയിലുണര്‍ത്താന്‍ വന്നൊരോണ-
ക്കിളികളേ നന്ദി...
അമൃതവര്‍ഷിണിയായ വര്‍ഷാകാലമുകിലുകളേ...
ഹൃദയമെരിയേ അലരിമലരായ്
പൂത്തിറങ്ങിയ വേനലേ...
നന്ദി...നന്ദി...
യാത്ര തുടരുന്നൂ...ശുഭയാത്ര നേര്‍ന്നു വരൂ...
