ചിത്രം : അശ്വമേധം(1967)
രചന : വയലാര് രാമവര്മ്മ
സംഗീതം : ജി ദേവരാജന്
ആലാപനം : പി സുശീല
കറുത്ത ചക്രവാള മതിലുകള് ചൂളും
കാരാഗൃഹമാണ് ഭൂമി...ഒരു-
കാരാഗൃഹമാണ് ഭൂമി...
തലയ്ക്കു മുകളില് ശൂന്യാകാശം
താഴേ...നിഴലുകളിഴയും നരകം...
വര്ണചിത്രങ്ങള് വരയ്ക്കുവാനെത്തുന്ന
വൈശാഖസന്ധ്യകളേ...
ഞങ്ങളെ മാത്രം കറുത്തചായം മുക്കി
എന്തിനീ മണ്ണില് വരച്ചു...വികൃതമായ്
എന്തിനീ മണ്ണില് വരച്ചൂ...
വാസനപ്പൂമ്പൊടി തൂകുവാനെത്തുന്ന
വാസന്ത ശില്പ്പികളേ...
പൂജയ്ക്കെടുക്കാതെ പുഴുകുത്തി നില്ക്കുമീ
പൂക്കളെ നിങ്ങള് മറന്നോ...കൊഴിയുമീ
പൂക്കളെ നിങ്ങള് മറന്നോ...
