മുട്ടിവിളിക്കുന്നു...

ചിത്രം : മനസ്വിനി (1968)

രചന : പി ഭാസ്‌ക്കരൻ

സംഗീതം : എം എസ് ബാബുരാജ്

ആലാപനം : എസ് ജാനകി   

മുട്ടിവിളിക്കുന്നു വാതിലില്‍ മധുമാസം

ഉദ്യാനപാലകാ... ഉണരുണരൂ... ഉണരുണരൂ..

പുത്തനാം രഥമേറി വന്നൂ വസന്തറാണി

ഉദ്യാനപാലകാ... ഉണരുണരൂ...

മരതകക്കാടുകള്‍ ആയിരമായിരം

നവരത്ന മണിദീപം കൊളുത്തി വച്ചു..

പരിമളതൈലം പൂശി പവിഴമല്ലികള്‍ കയ്യില്‍

പനിനീര്‍ വീശറിയേന്തി ഒരുങ്ങിയല്ലോ.. 

സ്വപ്നവൃന്ദാവനത്തില്‍ പൂവിറുക്കുവാന്‍ വന്ന

അപ്സരരമണിയാണീ വസന്തം...

മുഗ്ദ്ധമാം പ്രേമത്തിന്‍റെ മുത്തുക്കുടയുമായി

എത്തുക നീ ഇവളെ എതിരേൽക്കുവാൻ.. 

  

          

കാണാൻ പറ്റാത്ത...

ചിത്രം : കുപ്പിവള (1965)
രചന : പി. ഭാസ്ക്കരൻ 
സംഗീതം : എം. എസ്. ബാബുരാജ്‌ 
ആലാപനം : എ. എം. രാജ   

കാണാൻ പറ്റാത്ത കനകത്തിൻ മണിമുത്തേ
കരളിൻറെ കൂട്ടിലെ കുഞ്ഞിത്തത്തേ...
കൽപ്പിച്ചു റബ്ബെനിക്കേകിയ മലർമൊട്ടേ
ഖൽബിൻറെ കണ്ണേ ഉറങ്ങുറങ്ങ്‌...   

കണ്ണില്ലാ ബാപ്പക്ക് കൈവന്ന കണ്ണല്ലേ 
മണ്ണിതിലുണ്ടായ വിണ്ണല്ലേ...
താമരമിഴിയെന്നോ തങ്കത്തിൻ കവിളെന്നോ
തപ്പുന്ന വിരലിനാൽ കാണട്ടെ ഞാൻ...   

കണ്മണീ നിൻമലർ പൂമുഖം കാണാതെ 
കണ്ണടച്ചീടും ഞാൻ എന്നാലും...
ഉമ്മാൻറെ കണ്ണനു ഉപ്പാൻറെ കരളാണ് 
ഉള്ളിലെ മിഴികളാൽ കാണുന്നു ഞാൻ...

എന്നിട്ടും നീയെന്നെ...

ചിത്രം : നസീമ (1983)

രചന : പി ഭാസ്ക്കരന്‍ 

സംഗീതം : ജോണ്‍സണ്‍ 

ആലാപനം : എസ് ജാനകി 

എന്നിട്ടും നീയെന്നെ അറിഞ്ഞില്ലല്ലോ...!

എന്നാര്‍ദ്രനയനങ്ങള്‍ തുടച്ചില്ലല്ലോ...!

എന്നാത്മവിപഞ്ചികാ തന്ത്രികള്‍ മീട്ടിയ 

സ്പന്ദനഗാനമൊന്നും കേട്ടില്ലല്ലോ...!    

അറിയാതെയവിടുന്നെന്‍ അടുത്തുവന്നൂ  

അറിയാതെ തന്നെയെന്നകത്തുവന്നൂ...

ജീവന്‍റെ ജീവനില്‍ സ്വപ്‌നങ്ങള്‍ വിരിച്ചിട്ട

പൂവണിമഞ്ചത്തില്‍ ഭവാനിരുന്നൂ...

നിന്‍ സ്നേഹമകറ്റാനെന്‍ സുന്ദരസങ്കല്‍പം 

ചന്ദനവിശറികൊണ്ട് വീശിയെന്നാലും

വിധുരയാമെന്നുടെ നെടുവീര്‍പ്പിന്‍ ചൂടിനാല്‍ ഞാന്‍ 

അടിമുടി പൊള്ളുകയായിരുന്നൂ...

         

വിണ്ണിലുള്ള താരകമേ...

ചിത്രം : ഉമ്മിണിത്തങ്ക (1961) 

രചന : പി ഭാസ്ക്കരന്‍ 

സംഗീതം : വി ദക്ഷിണാമൂര്‍ത്തി 

ആലാപനം : പി ലീല 

വിണ്ണിലുള്ള താരകമേ 

കണ്മഷി കടം തരുമോ 

വെണ്ണിലാവേ നിന്‍റെ

കണ്ണാടി നീ തരുമോ  

ചമഞ്ഞിട്ടും ചമഞ്ഞിട്ടും

ചന്തം വരുന്നില്ലല്ലോ

ചന്ദനത്താലവുമായ്

ചന്ദ്രാ നീ വന്നിടുമോ

വാടാത്ത പുഷ്പമാല 

തിരുമാറില്‍ ചാര്‍ത്തിടുവാന്‍

കാട്ടുമുല്ലേ കൈനിറയെ

പൂവുകള്‍ നീ തന്നിടേണം

മനതാരിന്‍ മണിവീണ

മായാമനോഹരമായ്   

തിരുമുമ്പില്‍ മീട്ടി മീട്ടി

പാടിടേണം

പ്രേമത്തിന്‍ കൊട്ടാരത്തില്‍

പട്ടാഭിഷേകമല്ലോ

മാരനെപ്പോല്‍ സുന്ദരനാം 

മന്നവനും വന്നുവല്ലോ

ചിരി വേണം കളിവേണം

പൊന്നിന്‍ ചിലങ്കകളേ

മുരളിതന്‍ ഗാനം വേണം

രാക്കുയിലേ..   

ശീതളമാം വെണ്ണിലാവു ചിരിച്ചൂ...

ചിത്രം : അരയന്നം (1981)

രചന : പി ഭാസ്ക്കരന്‍ 

സംഗീതം : പുകഴേന്തി  

ആലാപനം : കെ ജെ യേശുദാസ് 

ശീതളമാം വെണ്ണിലാവു ചിരിച്ചൂ...പ്രേമ-

മാതളപ്പൂ മണമൊഴുകും കാറ്റടിച്ചൂ...

കുടിലില്‍ നിന്നും ഇടയബാലന്‍ മുരളി വായിച്ചൂ...

വരിക സഖീ നീ നിന്റെ വാതയനത്തില്‍...

രാത്രിമുല്ല പൂത്തുനില്‍ക്കും നിന്റെ വാടിയില്‍ 
രാഗമൂകനാം നിന്റെ കാമുകന്‍ നില്‍പ്പൂ...
നിന്‍ സഖിമാരറിയാതെ കൈവളകള്‍ കിലുങ്ങാതെ 
നിന്‍ കിളിവാതില്‍ നീ തുറന്നാലും... 

കല്‍പ്പന തന്‍ സരസ്സിലെ രാഗമരാളം 
സ്വപ്നമാകും പൂഞ്ചിറകു വീശി വീശി... 
മധുരദര്‍ശനേ നിന്റെ മന്ദിരോപാന്തത്തിലിന്ന്
വിരഹദുഃഖവുമായ് കാത്തുനില്‍ക്കുന്നൂ...           

പൊട്ടിക്കാന്‍ ചെന്നപ്പോള്‍...

ചിത്രം : ഓപ്പോള്‍ (1981) 

രചന : പി ഭാസ്ക്കരന്‍ 

സംഗീതം : എം ബി ശ്രീനിവാസന്‍ 

ആലാപനം : കെ ജെ യേശുദാസ് 

പൊട്ടിക്കാന്‍ ചെന്നപ്പോള്‍ പൂങ്കൊടി ചോദിച്ചൂ 

മുറ്റത്തെ മുല്ലയ്ക്ക് മണമുണ്ടോ...?

കെട്ടിപ്പിടിച്ചുകൊണ്ടിളം കാറ്റ് പറഞ്ഞൂ 

മുറ്റത്തെ മുല്ലയ്ക്കേ മണമുള്ളൂ...!   

മുത്തിക്കുടിക്കുമ്പോള്‍ ചെന്തെങ്ങു ചൊല്ലീ 

തെക്കേലെ കരിക്കിനെ മധുരമുള്ളൂ...

ആഞ്ഞിലിക്കൊമ്പത്തെ മുളന്തത്ത പാടി 

അങ്ങേലെപ്പെണ്ണിനേ അഴകുള്ളൂ...

ഇന്നലെ കണ്ട കിനാവുകള്‍ ഞാനെന്റെ 

പൊന്നിട്ട പെട്ടകത്തില്‍ പൂട്ടിവച്ചൂ... 

കണ്ടാല്‍ ചിരിക്കുന്ന കള്ളത്തിയൊരുത്തി

കണ്മുനത്താക്കോലാല്‍ കവര്‍ന്നെടുത്തൂ...

        

പനിനീരു തൂവുന്ന...

ചിത്രം : മുതലാളി(1965)
രചന : പി ഭാസ്ക്കരന്‍
സംഗീതം : പുകഴേന്തി
ആലാപനം : കെ ജെ യേശുദാസ്  


പനിനീരു തൂവുന്ന പൂനിലാവേ
പതിനേഴു താണ്ടിയ പെണ്‍കിടാവേ
മാനസം കണികാണും മാരിവില്ലേ
മായല്ലേ...നീയെന്‍റെ ജീവനല്ലേ...

ഇല്ലില്ലംകാവിലിന്ന് കാത്തിരുന്നൂ-പിന്നെ-
അല്ലിപ്പൂകുളങ്ങരെ കാത്തിരുന്നൂ...
കാണുന്ന നേരത്ത് നാണിപ്പതെന്തിനോ
കാനനക്കിളിപോലെ ഓടുന്നതെന്തിനോ...!

പൂവായ പൂവെല്ലാം ചേര്‍ത്തുവച്ചൂ-നിന്നെ-
പൂജിക്കാന്‍ പൂമാല കോര്‍ത്തുവച്ചൂ...
ആശതന്‍ കോവിലില്‍ അനുരാഗദീപത്തില്‍
ആയിരം തിരിയുമായ്‌ കാക്കുന്നു നിന്നെ ഞാന്‍...

                                    

കനകഗഗനതല കാന്തി മറഞ്ഞു

ചിത്രം : ആരണ്യം(1981)

രചന : പി ഭാസ്കരന്‍

സംഗീതം : പുകഴേന്തി

ആലാപനം : കെ ജെ യേശുദാസ്

കനകഗഗനതല കാന്തി മറഞ്ഞു

കാളിമ വന്നു നിറഞ്ഞൂ...

രാത്രി വരുന്നൂ...താവളമെവിടെ...

യാത്രക്കാരാ ചൊല്ലൂ....

കദനത്തിന്‍ കൊടുംഭാരം പേറി

കഴലും മനവും നീറി...

മിഴിനീര്‍ വീണുനനഞ്ഞൊരു വഴിയില്‍   

നിഴലിന്‍ നീളം ഏറി...

മാനായ്‌ത്തീര്‍ന്നൊരു മാരീചന്‍ പോല്‍

മായികമായൊരു സ്വപ്നം...സ്വപ്നം...

മാടി വിളിപ്പൂ മൂഡാ നിന്നെ!

തേടുവതെന്തീ ഇരുളില്‍...

വഴിയില്‍ക്കാണും കുടിലില്‍ നിന്നൊരു 

വളകിലുക്കം കേള്‍പ്പൂ...

പധികാ ചെല്ലൂ...മുട്ടി വിളിക്കൂ...

പാതയിരുണ്ടു വരുന്നൂ...

താരകങ്ങള്‍ കേള്‍ക്കുന്നൂ...

ചിത്രം : ശ്രീകൃഷ്ണപ്പരുന്ത്(1984)
രചന : പി ഭാസ്കരന്‍
സംഗീതം : കെ രാഘവന്‍
ആലാപനം : വാണി ജയറാം


താരകങ്ങള്‍ കേള്‍ക്കുന്നൂ...
കാറ്റിലൂടെയൊഴുകുന്നൂ...
എന്റെ ശോകസംഗീതം  
ഗദ്ഗദഗീതം...ഗദ്ഗദഗീതം...


ആശ തന്‍ ചിറകടിയില്‍
നേര്ത്തുപോയ് കൂടിതില്‍
ആധിതന്‍ സ്പന്ദനം
മാത്രമേ നെഞ്ചിതില്‍...
നിഴലില്ലാ രൂപമായ്‌
കേഴുന്നൂ ഞാനിതാ....
ദേവാ...നീ വരൂ...
മോചനം നല്‍കാന്‍   


അഴലുകള്‍ അഴികളായ്
ചൂഴുമീ ഗുഹയിതില്‍
കണ്ണുനീര്‍ത്തുള്ളികള്‍ 
മുത്തുപോല്‍ കോര്‍ത്തു ഞാന്‍...
ബന്ധിനിയായ് മരണത്തിന്‍-
നന്ദിനിയായ് കേഴുന്നൂ...
ദേവാ...നീ വരൂ...
ശാപമോക്ഷമേകാന്‍

കളിത്തോഴിമാരെന്നെ കളിയാക്കി...

ചിത്രം : മുറപ്പെണ്ണ്(1965)
രചന : പി ഭാസ്ക്കരന്‍ 
സംഗീതം : ബി എ ചിദംബരനാഥ് 
ആലാപനം : എസ് ജാനകി


കളിത്തോഴിമാരെന്നെ കളിയാക്കി-എന്‍റെ-
കളിത്തോഴിമാരെന്നെ കളിയാക്കി...
ഇടത്തുകണ്ണിടയ്ക്കിടെയിന്നലെ തുടിച്ചപ്പോള്‍    
കളിയാക്കി എന്നെ കളിയാക്കി-എന്‍റെ-
കളിത്തോഴിമാരെന്നെ കളിയാക്കി...

മാനസസരസിങ്കല്‍ പ്രേമത്തിന്‍ കളഹംസം
താമസമാക്കിയെന്നും പറഞ്ഞുണ്ടാക്കീ-
അവര്‍ പറഞ്ഞുണ്ടാക്കി...


അയലത്തെ കല്യാണത്തി-
ന്നവിടുന്നു മുമ്പില്‍ നില്‍ക്കെ
അവരെന്നെ ചൂണ്ടിക്കാട്ടി കളിയാക്കി...
കളഭത്തിന്‍ കിണ്ണമെന്‍റെ കൈതട്ടി മറിഞ്ഞപ്പോള്‍
കിലുകിലെയവര്‍ മണിച്ചിരിമുഴക്കീ...
അവര്‍ ചിരി മുഴക്കി...

          

     
          

ഇരു കണ്ണീര്‍ത്തുള്ളികള്‍...

ചിത്രം : ഇരുട്ടിന്‍റെ ആത്മാവ്(1967)
രചന : പി ഭാസ്കരന്‍
സംഗീതം : എം എസ് ബാബുരാജ്‌  
ആലാപനം : എസ് ജാനകി


ഇരു കണ്ണീര്‍ത്തുള്ളികള്‍ ഒരു സുന്ദരിയുടെ
കരിമിഴികളില്‍ വച്ചു കണ്ടുമുട്ടി
കണ്ടുമുട്ടീ അവര്‍ കണ്ടു മുട്ടി-പിന്നെ
കണ്ടുവന്ന സ്വപ്‌നത്തിന്‍ കഥ ചൊല്ലി
താമരപ്പൊയ്കയിലെ അരയന്നങ്ങളെപ്പോലെ
പ്രേമത്താല്‍ പരസ്പരം കൈനീട്ടീ...      


അടുക്കുവാന്‍ അവര്‍ക്കെന്നും കഴിഞ്ഞില്ലാ 
അകലത്താണകലത്താണിരുപേരും...
കവിളിലേക്കൊഴുകുമ്പോള്‍ ഒരുമിക്കാമെന്നോര്‍ത്തു
കരളില്‍ പ്രതീക്ഷയുമായ് യാത്രതുടര്‍ന്നൂ... 


അടുത്തതില്ലാ അവര്‍ അടുത്തതില്ല
ഒരു നെടുവീര്‍പ്പിന്‍ കൊടുങ്കാറ്റില്‍ പിരിഞ്ഞുപോയി...
മരണത്തിന്‍ ഭീകര മരുഭൂവില്‍ വീണു രണ്ടു-
മഴത്തുള്ളിപോലെയവര്‍ തകര്‍ന്നുപോയീ...   
      

പടച്ചവന്‍ പടച്ചപ്പോള്‍...

ചിത്രം : കായംകുളം കൊച്ചുണ്ണി(1966) 
രചന : പി ഭാസ്കരന്‍
സംഗീതം : ബി എ ചിദംബരനാഥ് 
ആലാപനം : കമുകറ പുരുഷോത്തമന്‍


പടച്ചവന്‍ പടച്ചപ്പോള്‍ മനുഷ്യരെപ്പടച്ചു
മനുജന്‍മാര്‍ മണ്ണിതില്‍ പണക്കാരെപ്പടച്ചു
പണക്കാരന്‍ പാരിലാകെ പാവങ്ങളെപ്പടച്ചു
പാവങ്ങളെന്നവരെ കളിയാക്കി ചിരിച്ചു


ഉലകിതു നന്നാക്കും പണ്ഡിതപ്രസംഗം
അലയടിച്ചെത്തുന്നു കവലകള്‍ തോറും
പശിതിന്നും വയറിന്നു പഴങ്കഞ്ഞി വിളമ്പാന്‍
തുനിയുന്നവനേ ദേവദൂതന്‍ 


പഠിപ്പില്ലാത്തൊരുവന്‍ പാമരനെങ്കിലും
കൊടുക്കുന്ന കയ്യാ,ണവന്‍റെതെങ്കില്‍
അള്ളാവിന്‍ പ്രിയപുത്രനവ,നാണല്ലോ
സ്വര്‍ല്ലോകകൊട്ടാരം അവന്‍റെതല്ലോ        

  

       

അമ്പലവെളിയിലൊരാല്‍ത്തറയില്‍...

ചിത്രം : സ്ത്രീ(1970)

രചന : പി ഭാസ്കരന്‍

സംഗീതം : വി ദക്ഷിണാമൂര്‍ത്തി

ആലാപനം : എസ് ജാനകി

അമ്പലവെളിയിലൊരാല്‍ത്തറയില്‍ 
കൈക്കുമ്പിളില്‍ നാലഞ്ചു പൂക്കളുമായ്‌ 
കണ്ണുനീര്‍ചരടിന്‍മേല്‍
മാലകോര്‍ത്തിരിക്കുന്ന
സന്യാസിനിയാണ് ഞാന്‍-പ്രേമ-
സന്യാസിനിയാണ് ഞാന്‍...


ഉത്സവവേളയില്‍ സ്വപ്നരഥത്തിലെന്‍റെ         
വത്സലദേവന്‍ പുറത്തെഴുന്നള്ളുമ്പോള്‍   
കനവില്‍ നമസ്കരിച്ചു 
നിര്‍വൃതി കൊള്ളുമ്പോള്‍ 
നിഴലില്‍ മറയുന്നു ഞാന്‍-ദൂരെ- 
നിഴലില്‍ മറയുന്നു ഞാന്‍...


എന്തിനെന്നറിയീല എന്‍റെയീ പൂജാമാല്യം
എന്നും ഞാന്‍ കോര്‍ക്കുന്നു വിദൂരതയില്‍
ആരാധനയ്ക്കുമല്ല അലങ്കരിക്കാനുമല്ല
അധകൃതയല്ലോ ഞാന്‍-വെറും-
അധകൃതയല്ലോ ഞാന്‍...     

വാകച്ചാര്‍ത്തു കഴിഞ്ഞൊരു ദേവന്‍റെ...

ചിത്രം : ഇരുട്ടിന്‍റെ ആത്മാവ്(1967)
രചന : പി ഭാസ്കരന്‍
സംഗീതം : എം എസ്  ബാബുരാജ്‌
ആലാപനം : എസ് ജാനകി

വാകച്ചാര്‍ത്തു കഴിഞ്ഞൊരു ദേവന്‍റെ
മോഹന മലര്‍മേനി കണി കാണണം
കണികാണണം...കണ്ണാ...കണികാണണം
കമനീയ മുഖപത്മം കണികാണണം.


മഞ്ഞപ്പട്ടാട ചാര്‍ത്തി       
മണിവേണു കയ്യിലേന്തി
അഞ്ജനക്കണ്ണനുണ്ണീ ഓടിവായോ...
നിറുകയില്‍ പീലികുത്തി
ചുരുള്‍മുടി മേലേകെട്ടി
നീലക്കാര്‍വര്‍ണ്ണനുണ്ണീ ഓടിവായോ...


കാലില്‍ ചിലമ്പുകെട്ടി
പാലക്കാ മോതിരമായി
കാലികള്‍ മേയ്ക്കുമുണ്ണീ ഓടിവായോ...
ദുരിതത്തില്‍ നീന്തുമെന്നെ
സുകൃതത്തിന്‍ തീരംകാട്ടാന്‍
മുരഹരമുകുന്ദാ നീ ഓടിവായോ...      
     

പണ്ടൊരിക്കല്‍ ആറ്റുവക്കില്‍...

ചിത്രം : മായാവി(1965)

രചന : പി ഭാസ്കരന്‍

സംഗീതം : എം എസ് ബാബുരാജ്‌ 

ആലാപനം : പി ലീല

പണ്ടൊരിക്കല്‍ ആറ്റുവക്കില്‍ 

പന്തലിച്ച മാഞ്ചുവട്ടില്‍

കൊച്ചു കൊച്ചു കൊമ്പുകള്‍ കൊണ്ടൊരു 

കൊട്ടാരം കെട്ടി നമ്മള്‍ കൊട്ടാരം കെട്ടി...

രാജാവായ്‌ നീയിരുന്നു

റാണിയായ് നീയിരുന്നു      

കാണാക്കിനാക്കള്‍ കണ്ടതോര്‍മ്മയുണ്ടോ...

ഭവാനോര്‍മ്മയുണ്ടോ...

തൊട്ടടുത്ത മാവില്‍ നിന്നും

കട്ടെടുത്ത മാമ്പഴങ്ങള്‍ 

കാട്ടുകിളി കാഴ്ച വെച്ചതോര്‍മ്മയുണ്ടോ    

പച്ചമണല്‍ പായസമായ് 

അത്തിയില പര്‍പ്പടമായ് 

അത്താഴം ഞാന്‍ വിളമ്പിയതോര്‍മ്മയുണ്ടോ

ഭാവാനോര്‍മ്മയുണ്ടോ...

കണ്മണി നീയെന്‍ കരം പിടിച്ചാല്‍...

ചിത്രം : കുപ്പിവള(1965)
രചന : പി ഭാസ്കരന്‍
സംഗീതം : എം എസ് ബാബുരാജ്‌
ആലാപനം : എ എം രാജ,പി സുശീല


കണ്മണി നീയെന്‍ കരം പിടിച്ചാല്‍
കണ്ണുകളെന്തിനു വേറെ...എനിക്ക്
കണ്ണുകളെന്തിനു വേറെ.
കാണാനുള്ളത് കരളില്‍ പകരാന്‍ 
ഞാനുണ്ടല്ലോ ചാരെ...കണ്ണായ്
ഞാനുണ്ടല്ലോ ചാരെ.


കുപ്പിത്തരിവള കിലുക്കി ഞാനീ
ഖല്‍ബില്‍ മുട്ടിവിളിച്ചാലോ...
വാര്‍മഴവില്ലിന്‍ വളകളണിഞ്ഞൊരു
വസന്തമെന്തെന്നറിയും ഞാന്‍ തൂ-         
വസന്തമെന്തെന്നറിയും ഞാന്‍...


കിളിയൊച്ചയുമായ്‌ നിന്നുടെ കാതില്‍ 
കളിചിരി നാദം കേള്‍പ്പിക്കാം...
സുന്ദരരാവില്‍ നൃത്തം ചെയ്യൂ
ചന്ദ്രികയെന്തെന്നറിയും ഞാന്‍-വെണ്‍-
ചന്ദ്രികയെന്തെന്നറിയും ഞാന്‍...

പാര്‍വണേന്ദുവിന്‍ ദേഹമടക്കി...

ചിത്രം : തുറക്കാത്ത വാതില്‍(1970)
രചന : പി ഭാസ്കരന്‍
സംഗീതം : കെ രാഘവന്‍
ആലാപനം : കെ ജെ യേശുദാസ്


പാര്‍വണേന്ദുവിന്‍ ദേഹമടക്കി
പാതിരാവിന്‍ കല്ലറയില്‍
കരിമുകില്‍ കണ്ണീരടക്കിയടക്കി
ഒരു തിരി വീണ്ടും കൊളുത്തീ-പാവം
ഒരു തിരി വീണ്ടും കൊളുത്തീ


അകലെയകലെയായ് സാഗരവീചികള്‍
അലമുറ വീണ്ടും തുടരുന്നൂ...
കറുത്തതുണിയാല്‍ മൂടിയ ദിക്കുകള്‍
സ്മരണാഞ്ജലികള്‍ നല്‍കുന്നൂ...


വിരഹവിധുരയാം മൂവന്തി ഒരു നവ-
വധുവായ് നാളെ മണിയറ പൂകും...
കടന്നുപോയൊരു കാമുകന്‍ തന്നുടെ
കഥയറിയാതെ കാത്തിരിക്കും...

സുന്ദരസ്വപ്നമേ...

ചിത്രം : ഗുരുവായൂര്‍ കേശവന്‍(1977)
രചന : പി ഭാസ്കരന്‍ 
സംഗീതം : ജി ദേവരാജന്‍
ആലാപനം : കെ ജെ യേശുദാസ്,പി ലീല 


സുന്ദരസ്വപ്നമേ 
നീയെനിക്കേകിയ
വര്‍ണ്ണച്ചിറകുകള്‍ വീശി
പ്രത്യുഷ നിദ്രയിലിന്നലെ ഞാനൊരു
ചിത്രപതംഗമായ് മാറി

രാഗസങ്കല്പ വസന്തവനത്തിലെ
മാകന്ദമഞ്ജരി തേടി
എന്നെ മറന്നു ഞാന്‍ എല്ലാം മറന്നു ഞാന്‍
എന്തിനോ ചുറ്റിപ്പറന്നൂ

താരുണ്യസങ്കല്പ രാസവൃന്ദാവന-
താരാപഥങ്ങളിലൂടെ
പൌര്‍ണമിത്തിങ്കള്‍ ത്തിടമ്പെഴുന്നള്ളിക്കും
പൊന്നമ്പലങ്ങളിലൂടെ
പൂത്താലമേന്തിയ താരകള്‍ നില്‍ക്കുന്ന
ക്ഷേത്രാങ്കണങ്ങളിലൂടെ
എന്നെ മറന്നു ഞാ,നെല്ലാം മറന്നു ഞാന്‍
എന്തിനോ ചുറ്റിപ്പറന്നൂ

മരണദേവനൊരു വരം കൊടുത്താല്‍...

ചിത്രം : വിത്തുകള്‍(1971)
രചന : പി ഭാസ്കരന്‍
സംഗീതം : പുകഴേന്തി
ആലാപനം : കെ ജെ യേശുദാസ്


മരണദേവനൊരു വരം കൊടുത്താല്‍
മരിച്ചവരൊരു ദിനം തിരിച്ചുവന്നാല്‍
കരഞ്ഞവര്‍ ചിലര്‍ പൊട്ടിച്ചിരിക്കും
ചിരിച്ചവര്‍ കണ്ണീര്‍ പൊഴിക്കും


അനുതാപ നാടകവേദിയില്‍ നടക്കും-
അഭിനയം കണ്ടവര്‍ പകയ്ക്കും
അടുത്തവര്‍ അകലും
അകന്നവര്‍ അടുക്കും
അണിയും വേഷം ചിലര്‍ അഴിക്കും


അജ്ഞാതമാനസ മരണപ്രപഞ്ചത്തില്‍
അരമന രഹസ്യങ്ങള്‍ പറയും
ഉയിരോ നിത്യം ഉടലോ നിത്യം
അറിയാത്ത കഥകള്‍ അവര്‍ ചൊല്ലും

പ്രാണസഖി...

ചിത്രം : പരീക്ഷ(1969)

രചന : പി ഭാസ്കരന്‍

സംഗീതം : എം എസ് ബാബുരാജ്‌

ആലാപനം : കെ ജെ യേശുദാസ്

പ്രാണസഖി...

ഞാന്‍ വെറുമൊരു

പാമരനാം പാട്ടുകാരന്‍...

ഗാനലോകവീഥികളില്‍

വേണുവൂതുമാട്ടിടയന്‍...

എങ്കിലുമെന്നോമലാള്‍ക്കു താമസിക്കാനെന്‍ കരളില്‍

തങ്കക്കിനാക്കള്‍ കൊണ്ടൊരു

താജ് മഹല്‍ ഞാനുയര്‍ത്തും...

മായാത്തമധുരഗാന മാലിനിയുടെ കല്‍പ്പടവില്‍

കാണാത്ത പൂങ്കുടിലില്‍

കണ്മണിയെ കൊണ്ടുപോകാം...

പൊന്തിവരും സങ്കല്‍പ്പത്തിന്‍ പൊന്നശോകമലര്‍വനിയില്‍

ചന്തമെഴും ചന്ദ്രികതന്‍ ചന്ദനമണിമന്ദിരത്തില്‍

സുന്ദരവസന്തരാവിന്‍ ഇന്ദ്രനീലമണ്ഡപത്തില്‍

എന്നുമെന്നും താമസിക്കാന്‍

എന്റെ കൂടെ പോരുമോ നീ