ചിരിക്കുമ്പോള്‍ നീയൊരു സൂര്യകാന്തി...

ചിത്രം : ചന്ദ്രകാന്തം(1974)

രചന : ശ്രീകുമാരന്‍ തമ്പി   

സംഗീതം : എം എസ് വിശ്വനാഥന്‍ 

ആലാപനം‌ : കെ പി ബ്രഹ്മാനന്ദന്‍ 

ചിരിക്കുമ്പോള്‍ നീയൊരു സൂര്യകാന്തി...  

കരയുമ്പോള്‍ നീയൊരു കതിരാമ്പല്‍...  

ഉറങ്ങുമ്പോള്‍ എന്‍പ്രിയ രാത്രിഗന്ധി...  

ഉണരുമ്പോള്‍ ഓമന ഉഷമലരി... 

പാടുമ്പോള്‍ നീയൊരു പാലരുവി... 

പളുങ്കൊളി ചിന്നുന്ന തേനരുവീ...

പരിഭവം കൊള്ളുമ്പോള്‍ തേന്‍കുരുവീ...

പഴിചൊല്ലി ചിലക്കുന്ന പൂങ്കുരുവീ...

ചിന്തയില്‍ നീയൊരു നവഹേമന്തം  

ശൃംഗാരസോപാന മണിമകുടം... 

എന്‍ മണിയറയിലെ രതി ലഹരീ...

എന്‍ പ്രേമവീണയിലെ സ്വരലഹരി...

            

അക്കല്‍ദാമ തന്‍...

ചിത്രം : അക്കല്‍ദാമ(1975)

രചന : ഭരണിക്കാവ് ശിവകുമാര്‍ 

സംഗീതം : ശ്യാം 

ആലാപനം : കെ പി ബ്രഹ്മാനന്ദന്‍,എസ് ജാനകി

അക്കല്‍ദാമ തന്‍ താഴ്വരയില്‍ 

പണ്ടൊരിടയപ്പെണ്‍കുഞ്ഞുണ്ടായിരുന്നൂ...

അംഗവിഹീനയാം ആ മണിക്കുഞ്ഞിനു

മാതപിതാക്കളില്ലായിരുന്നു...

ശ്രീ തുളുമ്പും പൈതലിനെ 

ആരുമാരും കൈക്കൊണ്ടില്ലാ 

ആ മണിക്കുഞ്ഞിന്റെ അംഗവൈകല്യം 

വെള്ളിക്കാശിന്നന്നു വിറ്റിരുന്നൂ...

കാനായിലെ പൂപ്പന്തലില്‍

കരുണവര്‍ഷം ചെയ്ത ദേവന്‍...

ആ പിഞ്ചുപൈതലിന്‍ പ്രാര്‍ത്ഥന കേട്ടു

അരുമക്കുഞ്ഞിന്‍ ദുഃഖം പാടെ തീര്‍ന്നു...    

         

ഭൂമിയിലെ നല്ലവര്‍ക്കും 

ദുഖിതര്‍ക്കും പീഡിതര്‍ക്കും 

നിന്ദിതന്മാര്‍ക്കും നിത്യസഹായം 

പരിശുദ്ധാത്മാവെന്നും നല്കീടുന്നൂ...

  

പാട്ട് ഇവിടെ കേട്ടു നോക്കൂ