താളുകള്‍

1990-1999 എന്ന ലേബല്‍ ഉള്ള പോസ്റ്റുകള്‍ കാണിക്കുന്നു. എല്ലാ പോസ്റ്റുകളും കാണിക്കൂ
1990-1999 എന്ന ലേബല്‍ ഉള്ള പോസ്റ്റുകള്‍ കാണിക്കുന്നു. എല്ലാ പോസ്റ്റുകളും കാണിക്കൂ

ബുധനാഴ്‌ച, മേയ് 27, 2015

മറക്കുമോ നീയെൻറെ...

ചിത്രം : കാരുണ്യം (1997) 
രചന : കൈതപ്രം ദാമോദരൻ നമ്പൂതിരി 
സംഗീതം : കൈതപ്രം ദാമോദരൻ നമ്പൂതിരി
ആലാപനം‌ : കെ ജെ യേശുദാസ് 

മറക്കുമോ നീയെൻറെ മൗനഗാനം 
ഒരുനാളും നിലയ്ക്കാത്ത വേണുഗാനം...
കാണാതിരുന്നാൽ കരയുന്ന മിഴികളേ 
കാണുമ്പോളെല്ലാം മറക്കുന്ന ഹൃദയമേ...

തെളിയാത്ത പേന കൊ,ണ്ടെൻറെ കൈവെള്ളയിൽ 
എഴുതിയ ചിത്രങ്ങൾ മറന്നുപോയോ...?
വടക്കിണി കോലായിൽ വിഷുവിളക്കറിയാതെ 
ഞാൻ തന്ന കൈനീട്ടമോർമ്മയില്ലേ...?
വിടപറഞ്ഞകന്നാലും മാടിമാടി വിളിക്കുന്നു 
മനസ്സിലെ നൂറുനൂറു മയിൽപ്പീലികൾ...

ഒന്നുതൊടുമ്പോൾ നീ താമരപ്പൂപോലെ 
മിഴികൂമ്പി നിന്നൊരാ സന്ധ്യകളും,
മുറിവേറ്റ കരളിന് മരുന്നായ് മാറും നിൻ 
ആയിരം നാവുള്ള സാന്ത്വനവും,
മറക്കാൻ കൊതിച്ചാലും തിരിനീട്ടിയുണർത്തുന്നു
മിഴി നിറഞ്ഞൊഴുകുന്ന പ്രിയനൊമ്പരം...

സ്നേഹത്തിൻ പൂഞ്ചോലത്തീരത്തിൽ...

ചിത്രം : പപ്പയുടെ സ്വന്തം അപ്പൂസ് (1992)
രചന : ബിച്ചു തിരുമല 
സംഗീതം : ഇളയരാജ 
ആലാപനം : കെ ജെ യേശുദാസ്  

സ്നേഹത്തിൻ പൂഞ്ചോലത്തീരത്തിൽ  
നാമെത്തും നേരം...ഇന്നേരം...
മോഹത്തിൻ പൂനുള്ളി 
മാല്യങ്ങൾ കോർക്കുന്ന കാലം...പൂക്കാലം...
പൂജിപ്പൂ നീ...പൂജിപ്പൂ ഞാൻ...
പനിനീരും തേനും കണ്ണീരായ് താനേ...  

വെള്ളിനിലാ നാട്ടിലെ പൌർണമി തൻ വീട്ടിലെ 

പൊന്നുരുകും പാട്ടിലെ രാഗദേവതേ...
പാൽക്കടലിൻ മങ്കതൻ പ്രാണസുധാ ഗംഗതൻ
മന്ത്രജലം വീഴ്ത്തിയെൻ കണ്ണനെ നീയിങ്ങു താ...      
മേഘപ്പൂങ്കാറ്റിൻറെ പള്ളിത്തേരേറി
നക്ഷത്രക്കൂടാരക്കീഴിൽ വാ ദേവീ...
ആലംബം നീയേ...ആധാരം നീയേ...       

ഏതമൃതും തോൽക്കുമീ തേനിനെ നീ തന്നുപോയ് 

ഓർമ്മകൾ തൻ പൊയ്കയിൽ മഞ്ഞുതുള്ളിയായ്
എന്നുയിരിൻ രാഗവും താളവുമായ് എന്നുമെൻ 
കണ്ണനെ ഞാൻ പോറ്റിടാം പൊന്നുപോലെ കാത്തിടാം 
പുന്നാരത്തേനേ നിൻ ഏതിഷ്ടംപോലും
എന്നെക്കൊണ്ടാവുംപോൽ എല്ലാം ഞാൻ ചെയ്യാം    
വീഴല്ലേ തേനേ...വാടല്ലേ പൂവേ...       


ഞായറാഴ്‌ച, സെപ്റ്റംബർ 23, 2012

തരളിത രാവില്‍ മയങ്ങിയോ...


ചിത്രം : സൂര്യമാനസം(1992)
രചന : കൈതപ്രം ദാമോദരന്‍ നമ്പൂതിരി
സംഗീതം : എം എം കീരവാണി 
ആലാപനം : കെ ജെ യേശുദാസ് 

തരളിത രാവില്‍ മയങ്ങിയോ
സൂര്യമാനസം...?
വഴിയറിയാതെ വിതുമ്പിയോ
മേഘനൊമ്പരം...?
ഏതു വിമൂകതലങ്ങളില്‍
ജീവിതനൌകയിതേറുമോ...?  
ദൂരെ...ദൂരെയായെന്‍ തീരമില്ലയോ...?

എവിടേ...ശ്യാമകാനനരംഗം...?
എവിടേ...തൂവലൊഴിയും സ്വപ്നം...?
കിളികളും പൂക്കളും നിറയുമെന്‍ പ്രിയവനം...
ഹൃദയം നിറയുമാര്‍ദ്രതയില്‍ 
പറയൂ  സ്നേഹകോകിലമേ...
ദൂരെ...ദൂരെയായെന്‍ തീരമില്ലയോ...?

ഉണരൂ...മോഹവീണയിലുണരൂ...
സ്വരമായ് രാഗസൗരഭമണിയൂ...
പുണരുമീ കൈകളില്‍ തഴുകുമെന്‍ കേളിയില്‍    
കരളില്‍ വിടരുമാശകളായ്...
മൊഴിയൂ...സ്നേഹകോകിലമേ...
ദൂരെ...ദൂരെയായെന്‍ തീരമില്ലയോ...? 


ശനിയാഴ്‌ച, സെപ്റ്റംബർ 22, 2012

കരയുടെ മാറില്‍ തലോടി...

ചിത്രം : തിരകള്‍ക്കപ്പുറം(1998)
രചന :  യൂസഫലി കേച്ചേരി 
സംഗീതം : ജോണ്‍സന്‍
ആലാപനം : പി ലീല,കെ ജെ യേശുദാസ് 

കരയുടെ മാറില്‍ തലോടി
തിരയൊരു താരാട്ടു പാടി
ഇനി നീയുറങ്ങെന്റെ  സീതമ്മ...
കാവലിനുണ്ടല്ലോ കടലമ്മ... 
ആരീരാരോ...ആരാരോ...

നീറുംമനസ്സിലും നീരാഴിച്ചുണ്ടിലും  
നില്‍ക്കാത്ത പാട്ടാണ്...
പെണ്ണിന്‍ കരളിലെ പാട്ടിനു താളമായ്
കണ്ണീരു കൂട്ടാണ്...
ഈണമുതിരുന്ന നെഞ്ചകത്തെപ്പോഴും 
ദുഃഖത്തിന്‍ കൂടാണ്... പെരും-
ദുഃഖത്തിന്‍ കൂടാണ് 

തിരകള്‍ക്കപ്പുറം കടലമ്മയ്ക്കൊരു
മാണിക്യകൊട്ടാരം...
അതിനുള്ളില്‍ കടലമ്മ മക്കള്‍ തന്‍ നോവാറ്റാന്‍
പാടുന്നു രാരീരം...നീട്ടി-
പാടുന്നു രാരീരം



തിങ്കളാഴ്‌ച, സെപ്റ്റംബർ 17, 2012

മഞ്ഞുപെയ്യുന്ന രാത്രിയില്‍...

ചിത്രം : പുറപ്പാട്(1990) 
രചന : ഓ എന്‍ വി കുറുപ്പ് 
സംഗീതം : ഔസേപ്പച്ചന്‍ 
ആലാപനം : എം ജി ശ്രീകുമാര്‍ 

മഞ്ഞു പെയ്യുന്ന രാത്രിയില്‍ 
എന്റെ മണ്‍ചിരാതും കെടുത്തീ ഞാന്‍ 
അമ്മ കൈവിട്ട പിഞ്ചുപൈതലൊ-
ന്നെന്‍  മനസ്സില്‍ കരഞ്ഞുവോ?
എന്‍ മനസ്സില്‍ കരഞ്ഞുവോ?

സ്വര്‍ണപുഷ്പങ്ങള്‍ കയ്യിലേന്തിയ   
സന്ധ്യയും പോയ്മറഞ്ഞൂ...
ഈറനാമതിന്‍ ഓര്‍മ്മകള്‍ പേറി 
ഈ വഴി ഞാനലയുന്നൂ...
കാതിലിറ്റിറ്റു വീഴുന്നുണ്ടേതോ 
കാട്ടുപക്ഷിതന്‍ നൊമ്പരം.

കണ്ണുചിമ്മുന്ന താരകങ്ങളേ
നിങ്ങളില്‍ത്തിരയുന്നു ഞാന്‍ 
എന്നില്‍ നിന്നുമകന്നൊരാ
സ്നേഹസുന്ദരമുഖഛയകള്‍ 
വേദനയോടെ വേര്‍പിരിഞ്ഞാലും 
മാധുരി തൂകുമോര്‍മ്മകള്‍... 






ബുധനാഴ്‌ച, ജൂലൈ 11, 2012

എന്നോടൊത്തുണരുന്ന...

ചിത്രം : സുകൃതം(1994) 
രചന : ഓ എന്‍ വി കുറുപ്പ് 
സംഗീതം : ബോംബെ രവി 
ആലാപനം : കെ ജെ യേശുദാസ് 

പോരൂ...പോരൂ...
എന്നൊടൊത്തുണരുന്ന പുലരികളേ...
എന്നൊടൊത്തു കിനാവുകണ്ടു-
ചിരിക്കുമിരവുകളേ...    
യാത്ര തുടരുന്നൂ...ശുഭയാത്ര നേര്‍ന്നു വരൂ... 

ഒരു കുടന്ന നിലാവു കൊണ്ടെന്‍
നെറുകയില്‍ കുളിര്‍തീര്‍ത്ഥമാടിയ നിശകളേ... 
നിഴലുമായിണചേര്‍ന്നു നൃത്തംചെയ്ത പകലുകളേ...
പോരൂ...പോരൂ...
യാത്ര തുടരുന്നൂ...ശുഭയാത്ര നേര്‍ന്നു വരൂ... 

തുളസി വെറ്റില തിന്നു ചുണ്ടു
തുടുത്ത സന്ധ്യകളേ...
തുയിലുണര്‍ത്താന്‍ വന്നൊരോണ-
ക്കിളികളേ നന്ദി...
അമൃതവര്‍ഷിണിയായ വര്‍ഷാകാലമുകിലുകളേ...
ഹൃദയമെരിയേ അലരിമലരായ്
പൂത്തിറങ്ങിയ വേനലേ...
നന്ദി...നന്ദി...
യാത്ര തുടരുന്നൂ...ശുഭയാത്ര നേര്‍ന്നു വരൂ... 
                            


ഞായറാഴ്‌ച, മാർച്ച് 25, 2012

കരിവരിവണ്ടുകള്‍...

ചിത്രം : ദേവരാഗം(1996)
രചന : എം ഡി രാജേന്ദ്രന്‍ 
സംഗീതം : കീരവാണി
ആലാപനം : പി ജയചന്ദ്രന്‍


കരിവരിവണ്ടുകള്‍ കുറുനിരകള്‍
കുളിര്‍നെറ്റി മുകരും ചാരുതകള്‍
മാരന്റെ ധനുസ്സുകള്‍ കുനുചില്ലകള്‍
നീലോല്പലങ്ങള്‍ നീര്‍മിഴികള്‍


മാന്തളിരധരം കവിളുകളില്‍
ചെന്താമരവിടരും ദളസൌഭഗം 
കുളിരണിച്ചോലകള്‍ നുണക്കുഴികള്‍
മധുമന്ദഹാസത്തിന്‍ വാഹിനികള്‍


ശംഖോടിടഞ്ഞ ഗളതലമോ
കൈകളോ ജലപുഷ്പവളയങ്ങളോ     
നിറമാറില്‍ യൌവനകലശങ്ങള്‍
മൃദുരോമരാജിതന്‍ താഴ്വരകള്‍ 


അരയാലിന്നിലകളോ അണിവയറോ
ആരോമല്‍പ്പൊക്കിള്‍ച്ചുഴിപ്പോയ്കയോ
പ്രാണഹര്‍ഷങ്ങള്‍ തന്‍ തൂണീരമോ
നാഭീതടനീലിമയോ


പിന്നഴകോ മണിത്തംബുരുവോ
പൊന്‍ത്താഴമ്പൂമൊട്ടോ കണങ്കാലോ
മാഹേന്ദ്രനീലദ്യുതി വിടര്‍ത്തും
ശ്രീമഹാലക്ഷ്മി നീ സുരസുന്ദരീ...                   
നീ സുരസുന്ദരീ...നീ സുരസുന്ദരീ


വെള്ളിയാഴ്‌ച, മാർച്ച് 16, 2012

ചുംബനപ്പൂകൊണ്ടുമൂടി...

ചിത്രം : ബന്ധുക്കള്‍ ശത്രുക്കള്‍ (1993)
രചന : ശ്രീകുമാരന്‍ തമ്പി
സംഗീതം: ശ്രീകുമാരന്‍ തമ്പി 
ആലാപനം : കെ ജെ യേശുദാസ്‌ 


ചുംബനപ്പൂകൊണ്ടുമൂടി
എന്റെ തമ്പുരാട്ടീ നിന്നെ ഉറക്കാം...
ഉമ്മതന്‍ ഉണ്മയാം കണ്ണുനീ-
രനുരാഗത്തേനെന്നു ചൊല്ലി ഞാനൂട്ടാം...


കാണുന്ന സ്വപ്‌നങ്ങള്‍ എല്ലാം ഫലിച്ചാല്‍
കാലത്തിന്‍ കല്‍പ്പനയ്ക്കെന്തു മൂല്യം...
നമ്മുടെ ഭാജനം എന്നും നിറഞ്ഞാല്‍
നാരായണനെന്തിനമ്പലങ്ങള്‍...
നെടുവീര്‍പ്പു ഞാനിനി പൂമാലയാക്കും
ഗദ്ഗദങ്ങള്‍ പോലും പ്രാര്‍ത്ഥനയാക്കും


കത്തിയെരിയുമീ ഗ്രീഷ്മത്തിനക്കരെ
പൂക്കാലമുണ്ടായിരിക്കാം...
മങ്ങിയ നിന്മനം വീണ്ടും തെളിഞ്ഞതില്‍ 
പൂര്‍ണബിംബം പതിഞ്ഞേക്കാം...
അന്നോളം നീയെന്റെ മകളായിരിക്കും
അല്ലലറിയാത്ത കുഞ്ഞായിരിക്കും