ചിത്രം : ബാബുമോന്‍ (1975)
രചന : മങ്കൊമ്പ് ഗോപാലകൃഷ്ണന്‍
സംഗീതം : എം എസ് വിശ്വനാഥന്‍
ആലാപനം : വാണി ജയറാം
പദ്മതീര്‍ത്ഥക്കരയില്‍
ഒരു പച്ചിലമാളികക്കാട്...
പച്ചിലമാളികക്കാട്ടില്‍
ഒരു പിച്ചകപ്പൂമരക്കൊമ്പ്...
പിച്ചകപ്പൂമരക്കൊമ്പില്‍
രണ്ടുചിത്തിരമാസക്കിളികള്‍...
ഓരോ കിളിയെയും പാടിയുറക്കാന്‍
ഓമനത്തിങ്കള്‍ത്താരാട്ട്...
ആണ്ടോടാണ്ടെന്‍ പിറന്നാള്
ആട്ടപ്പിറന്നാള്‍ തിരുനാള്
അമ്മ ഇടംകവിളുമ്മ വയ്ക്കും
അച്ഛന്‍ വലംകവിളുമ്മ വയ്ക്കും
താലോചിച്ചു വളര്‍ത്തും ഞാനൊരു-
കടിഞ്ഞൂല്‍ മുത്തല്ലോ-ഞാന്‍-
കടിഞ്ഞൂല്‍ മുത്തല്ലോ..
തുമ്പപ്പൂ വിതറും നീലരാവില്‍
തുള്ളിക്കളിക്കുന്ന പൂനിലാവില്‍
തുണതേടി പെണ്‍കിളി കാത്തിരിക്കും
ഇണകളില്‍ ആണ്‍കിളി അരികില്‍ വരും
രാവിലുറങ്ങാന്‍ പാട്ടുപാടും
രാഗവും താളവും ചേര്‍ത്തുപാടും
ഞാന്‍ ചേര്‍ത്തുപാടും...
ആരാരോ ആരീരാരോ...
