മോഹം മുഖപടമണിഞ്ഞൂ...

ചിത്രം : ആരും അന്യരല്ല (1978)

രചന  : സത്യന്‍ അന്തിക്കാട് 

സംഗീതം : എം കെ അര്‍ജുനന്‍ 

ആലാപനം‌ : കെ ജെ യേശുദാസ്  

മോഹം മുഖപടമണിഞ്ഞൂ...

മൌനം തേങ്ങിക്കരഞ്ഞൂ...

ഇന്നെന്റെ  നൊമ്പരമെന്നോടു ചൊല്ലീ-

'ആരും അന്യരല്ലാ...','ആരും അന്യരല്ലാ...'      

നിഴല്‍ വീണുറങ്ങുമീ വഴിയമ്പലത്തില്‍

നിന്നെ ഞാനിന്നു കണ്ടൂ...-ഞാന്‍-

നിന്റെ മൃദുസ്വരം കേട്ടൂ...

എന്റെ പ്രതിച്ഛായയല്ലേ നീ 

എന്റെ പ്രതിസ്വരമല്ലേ... 

ആരും അന്യരല്ല... നമ്മളാരും അന്യരല്ല...              

എനിക്കായ് മാത്രമീ സൂര്യനുദിക്കില്ല

എനിക്കായ് അമ്പിളി ഉണരില്ലാ-എങ്ങും -

എനിക്കായ് പൂക്കള്‍ വിടരില്ലാ... 

എന്നാത്മസംഗീതമല്ലേ-നീ-

എന്റെ പ്രതിരൂപമല്ലേ...       

ആരും അന്യരല്ല... നമ്മളാരും അന്യരല്ല...              

മലരമ്പനറിഞ്ഞില്ലാ...

ചിത്രം : രക്തപുഷ്പം(1970)
രചന : ശ്രീകുമാരന്‍ തമ്പി
സംഗീതം : എം കെ അര്‍ജ്ജുനന്‍
ആലാപനം : പി ജയചന്ദ്രന്‍,എസ് ജാനകി


മലരമ്പനറിഞ്ഞില്ലാ...മധുമാസമറിഞ്ഞില്ലാ... 
മലര്‍ചൂടിയെന്‍ മനസ്സില്‍ ഒരു മോഹം
അധരമറിഞ്ഞില്ല ഹൃദയമറിഞ്ഞില്ല 
അറിയാതെ മൂളിപ്പോയ് ഒരു രാഗം


ഇളംകാറ്ററിഞ്ഞില്ലാ...ഇലകളറിഞ്ഞില്ലാ...
ഇവിടൊരു പാട്ടുകാരന്‍ മറഞ്ഞു നിന്നൂ 
ചിരി തൂകി...
ചിരിതൂകിയൊഴുകുന്ന ധനുമാസചന്ദ്രിക
വനമാകെ മധുമാരി ചൊരിഞ്ഞു നിന്നൂ...


മലരമ്പനറിഞ്ഞില്ലാ...മധുമാസമറിഞ്ഞില്ലാ...
മലര്‍ചൂടിയൊരു മോഹം കന്യകയില്‍...
അധരമറിഞ്ഞില്ല ഹൃദയമറിഞ്ഞില്ല
അറിയാതെ അവള്‍ പാടി ഹൃദയരാഗം 


കരയുന്ന കാട്ടുപൂവിന്‍ കരളിലെ നിത്യദാഹം
കണ്ടുനില്‍ക്കും കളിത്തെന്നല്‍ അറിയുന്നില്ല...
കദനത്തിന്നുള്ളില്‍ നിന്നും കൈപിടിച്ചുകയറ്റിയ
കരുണതന്‍ കാല്‍ക്കലിപ്പൂ കൊഴിഞ്ഞുവെങ്കില്‍...      


       

കസ്തൂരി മണക്കുന്നല്ലോ...

ചിത്രം : പിക്നിക്‌(1975)

രചന : ശ്രീകുമാരന്‍ തമ്പി.

സംഗീതം : എം കെ അര്‍ജുനന്‍.
ആലാപനം : കെ ജെ യേശുദാസ്


കസ്തൂരി മണക്കുന്നല്ലോ കാറ്റേ 
നീ വരുമ്പോള്‍
കണ്മണിയെ കണ്ടുവോ നീ 
കവിളിണ തഴുകിയോ നീ
വെള്ളിമണി കിലുങ്ങുന്നല്ലോ തുള്ളി തുള്ളി 
നീ വരുമ്പോള്‍ 
കള്ളിയവള്‍ കളി പറഞ്ഞോ 
കാമുകന്‍റെ കഥ പറഞ്ഞോ


നീലാഞ്ജന പുഴയില്‍ നീരാടി നിന്നനേരം
നീ നല്‍കും കുളിരലയില്‍ പൂമേനി പൂത്തനേരം
എന്‍ നെഞ്ചില്‍ ചാഞ്ഞിടുമാ തളിര്‍മരമിന്നുലഞ്ഞോ
എന്‍ രാഗ മുദ്രചൂടും ചെഞ്ചുണ്ടു വിതുമ്പി നിന്നോ


നല്ലോമല്‍ കണ്ണുകളില്‍ നക്ഷത്രപ്പൂവിരിയും
നാണത്താല്‍ നനഞ്ഞ കവിള്‍ത്താരുകളില്‍ സന്ധ്യപൂക്കും
ചെന്തളിര്‍ ചുണ്ടിണയില്‍ മുന്തിരിതേന്‍ കിനിയും 
തേന്‍ചോരും വാക്കിലെന്‍റെ പേരു തുളുമ്പിനില്‍ക്കും