താളുകള്‍

എം എസ് വിശ്വനാഥന്‍ എന്ന ലേബല്‍ ഉള്ള പോസ്റ്റുകള്‍ കാണിക്കുന്നു. എല്ലാ പോസ്റ്റുകളും കാണിക്കൂ
എം എസ് വിശ്വനാഥന്‍ എന്ന ലേബല്‍ ഉള്ള പോസ്റ്റുകള്‍ കാണിക്കുന്നു. എല്ലാ പോസ്റ്റുകളും കാണിക്കൂ

ചൊവ്വാഴ്ച, ജൂൺ 13, 2017

ആകാശമകലേ....

ചിത്രം : വേനലിൽ ഒരു മഴ (1979)
രചന : ശ്രീകുമാരൻ തമ്പി
സംഗീതം : എം എസ് വിശ്വനാഥൻ
ആലാപനം : വാണി ജയറാം


ആകാശമകലേയെന്നാരു പറഞ്ഞൂ
ആ നീലമേഘങ്ങള്‍ അരികിലണഞ്ഞൂ
ആനന്ദവാനത്തിന്‍ പട്ടം പറന്നൂ
ഞാനുമെന്‍ ഗാനവും ചേര്‍ന്ന് പറന്നൂ

ആലോലമാലോലം ഇളകിയാടും
ആ വര്‍ണ്ണ കടലാസ്സിന്‍ പൂഞ്ഞൊറികള്‍
അവനെന്നും സ്വപ്നത്തില്‍ എനിക്ക് തരും
അരമനക്കട്ടിലിന്‍ തോരണങ്ങള്‍...
ആ മണിയറക്കട്ടിലിന്‍ തോരണങ്ങള്‍...

അംബരസീമയെന്‍ മനസ്സ് പോലെ
അനുരാഗപതംഗത്തിന്‍ നൂലുപോലെ
അവിടേക്ക് മോഹത്തെ നയിച്ചവനോ   
അലയടിച്ചുയരുന്ന തെന്നല്‍ പോലെ..എന്‍
ചിറകടിച്ചുയരുന്ന തെന്നല്‍ പോലെ...


ബുധനാഴ്‌ച, മേയ് 27, 2015

പൂജയ്ക്കൊരുങ്ങി നിൽക്കും...

ചിത്രം : വേനലിൽ ഒരു മഴ (1979)
രചന : ശ്രീകുമാരൻ തമ്പി 
സംഗീതം : എം എസ് വിശ്വനാഥൻ 
ആലാപനം : കെ ജെ യേശുദാസ് 

പൂജയ്ക്കൊരുങ്ങി നിൽക്കും പൊന്നമ്പലമേട്...
പൂത്താലമേന്തി നിൽക്കും പൊന്നാര്യൻ കാവ്...
പൂവിളിപ്പാട്ടിൽ പൂന്തെന്നൽത്തേരിൽ
പൂക്കാലം വന്നു...പൂക്കാലം...  

പ്രദക്ഷിണം വയ്ക്കുന്ന പനിനീർപ്പൂഞ്ചോല
മലയോരം ചാർത്തുന്ന മണിമുത്തുമാല...
വളഞ്ഞു പുളഞ്ഞൊഴുകും മലയടിപ്പാത
മൌനങ്ങൾ മൂളുന്ന യൗവനഗാഥ...            

നറുമലർക്കുടചൂടും പൊടിക്കടമ്പകലെ 
നാണത്തിൽ മുങ്ങിയ കന്യകയിവളേ...    
പതിവായ് പാടുന്ന പവിഴപ്പൂങ്കുരുവി 
പരിഭവം പറയുന്ന കാമുകിയിവളേ...  

  

തിങ്കളാഴ്‌ച, നവംബർ 03, 2014

ആയിരം ഇതളുള്ള താമരപ്പൂവിൽ

ചിത്രം : അമ്മേ ഭഗവതീ (1986)
രചന : ശ്രീകുമാരൻ തമ്പി 
സംഗീതം : എം എസ് വിശ്വനാഥൻ
ആലാപനം : കെ ജെ യേശുദാസ് , എസ് ജാനകി   

ആയിരം ഇതളുള്ള താമരപ്പൂവിൽ 
അമരുമെന്നമ്മയെ കൈതൊഴുന്നേൻ 
അഭയം തരൂ ലളിതാംബികയേ
ആദിപ്രകൃതിയെ കൈതൊഴുന്നേൻ
ആ മൂലപ്രകൃതിയെ കൈതൊഴുന്നേൻ
അമ്മേ നാരായണാ...ദേവീ നാരായണാ..
ലക്ഷ്മീ നാരായണാ...ഭദ്രേ നാരായണാ...

സത്യമായ് വന്നെന്നെ പുല്കിയതും 

അസത്യമായ് വന്നെന്നെ തള്ളിയതും 
സ്വപ്‌നങ്ങൾ തൻ മാനം കാണിച്ചതും 
ദുഃഖത്തിൻ കടലിൽ നീന്തിച്ചതും 
നീ തന്നെയല്ലേ എൻ അംബികേ 
നീ തന്നെയല്ലേ മൂകാംബികേ 
അമ്മേ നാരായണാ...ദേവീ നാരായണാ..
ലക്ഷ്മീ നാരായണാ...ഭദ്രേ നാരായണാ...

ദാരിദ്ര്യദുഃഖമകറ്റിടേണം

നിരാമയീ നീയെന്നെ കാത്തിടേണം 
എൻറെ നിശ്വാസമേ നിൻറെ ഗാനം 
എൻറെ വിശ്വാസമേ നിൻറെ നാമം 
കൊല്ലൂരിൽ വാഴുന്ന വരദായിനീ 
ചോറ്റാനിക്കര മേവും നാരായണീ   


  

തിങ്കളാഴ്‌ച, ഏപ്രിൽ 29, 2013

പദ്മതീര്‍ത്ഥക്കരയില്‍...

ചിത്രം : ബാബുമോന്‍ (1975)
രചന : മങ്കൊമ്പ് ഗോപാലകൃഷ്ണന്‍
സംഗീതം : എം എസ് വിശ്വനാഥന്‍ 
ആലാപനം : വാണി ജയറാം 

പദ്മതീര്‍ത്ഥക്കരയില്‍ 
ഒരു പച്ചിലമാളികക്കാട്...
പച്ചിലമാളികക്കാട്ടില്‍ 
ഒരു പിച്ചകപ്പൂമരക്കൊമ്പ്...
പിച്ചകപ്പൂമരക്കൊമ്പില്‍
രണ്ടുചിത്തിരമാസക്കിളികള്‍...
ഓരോ കിളിയെയും പാടിയുറക്കാന്‍ 
ഓമനത്തിങ്കള്‍ത്താരാട്ട്...

ആണ്ടോടാണ്ടെന്‍ പിറന്നാള് 
ആട്ടപ്പിറന്നാള്‍ തിരുനാള് 
അമ്മ ഇടംകവിളുമ്മ വയ്ക്കും
അച്ഛന്‍ വലംകവിളുമ്മ വയ്ക്കും 
താലോചിച്ചു വളര്‍ത്തും ഞാനൊരു-
കടിഞ്ഞൂല്‍ മുത്തല്ലോ-ഞാന്‍-
കടിഞ്ഞൂല്‍ മുത്തല്ലോ..

തുമ്പപ്പൂ വിതറും നീലരാവില്‍
തുള്ളിക്കളിക്കുന്ന പൂനിലാവില്‍  
തുണതേടി പെണ്‍കിളി കാത്തിരിക്കും
ഇണകളില്‍ ആണ്‍കിളി അരികില്‍ വരും
രാവിലുറങ്ങാന്‍ പാട്ടുപാടും 
രാഗവും താളവും ചേര്‍ത്തുപാടും
ഞാന്‍ ചേര്‍ത്തുപാടും...
ആരാരോ ആരീരാരോ...

   

ശനിയാഴ്‌ച, ഫെബ്രുവരി 23, 2013

ചിരിക്കുമ്പോള്‍ നീയൊരു സൂര്യകാന്തി...

ചിത്രം : ചന്ദ്രകാന്തം(1974)
രചന : ശ്രീകുമാരന്‍ തമ്പി   
സംഗീതം : എം എസ് വിശ്വനാഥന്‍ 
ആലാപനം‌ : കെ പി ബ്രഹ്മാനന്ദന്‍ 

ചിരിക്കുമ്പോള്‍ നീയൊരു സൂര്യകാന്തി...  
കരയുമ്പോള്‍ നീയൊരു കതിരാമ്പല്‍...  
ഉറങ്ങുമ്പോള്‍ എന്‍പ്രിയ രാത്രിഗന്ധി...  
ഉണരുമ്പോള്‍ ഓമന ഉഷമലരി... 

പാടുമ്പോള്‍ നീയൊരു പാലരുവി... 
പളുങ്കൊളി ചിന്നുന്ന തേനരുവീ...
പരിഭവം കൊള്ളുമ്പോള്‍ തേന്‍കുരുവീ...
പഴിചൊല്ലി ചിലക്കുന്ന പൂങ്കുരുവീ...

ചിന്തയില്‍ നീയൊരു നവഹേമന്തം  
ശൃംഗാരസോപാന മണിമകുടം... 
എന്‍ മണിയറയിലെ രതി ലഹരീ...
എന്‍ പ്രേമവീണയിലെ സ്വരലഹരി...

            






വ്യാഴാഴ്‌ച, ഡിസംബർ 15, 2011

കര്‍പ്പൂര ദീപത്തിന്‍ കാന്തിയില്‍...

ചിത്രം : ദിവ്യദര്‍ശനം(1973) 
രചന : ശ്രീകുമാരന്‍ തമ്പി
സംഗീതം : എം എസ് വിശ്വനാഥന്‍
ആലാപനം : പി ജയചന്ദ്രന്‍,പി വസന്ത


കര്‍പ്പൂര ദീപത്തിന്‍ കാന്തിയില്‍
കണ്ടു ഞാന്‍ നിന്നെയാ സന്ധ്യയില്‍
ദീപാരാധന നേരത്ത് നിന്മിഴി-
ദീപങ്ങള്‍ തൊഴുതു ഞാന്‍ നിന്നൂ...


സ്വര്‍ണക്കൊടിമരച്ഛായയില്‍
നിന്നൂനീ,യന്നൊരു സന്ധ്യയില്‍ 
ഏതോ മാസ്മര ലഹരിയിലെന്‍മനം
ഏകാന്തമന്ദിരമായ്...എന്‍ മനം 
ഏകാന്തമന്ദിരമായ്...


ആശ്വതിയുത്സവത്തേരു കണ്ടു
ആനക്കൊട്ടിലില്‍ നിന്നപ്പോള്‍
അമ്പലപ്പൊയ്ക തന്‍ അരമതിലില്‍ നീ
അമ്പെയ്യും കണ്ണുമായ് നിന്നിരുന്നു...
ആ രാവിലറിയാതെ ഞാന്‍ കരഞ്ഞൂ...
അനുരാഗനൊമ്പരം ഞാന്‍ നുകര്‍ന്നൂ...


കൂത്തമ്പലത്തിലെ പൂത്തറയില്‍
കൂടിയാട്ടം കണ്ടിരുന്നപ്പോള്‍
ഓട്ടുവളകള്‍ തന്‍ പാട്ടിലൂടോമന-
രാത്രിസന്ദേശം അയച്ചു തന്നൂ...
കാതോര്‍ത്തിരുന്ന ഞാന്‍ ഓടിവന്നൂ....
കാവിലിലഞ്ഞികള്‍ പൂ ചൊരിഞ്ഞൂ...        
         
            

വ്യാഴാഴ്‌ച, മേയ് 05, 2011

നഷ്ടവസന്തത്തിന്‍ തപ്തനിശ്വാസമേ...

ചിത്രം : ഉള്‍ക്കടല്‍(1979)
രചന : ഓ എന്‍ വി കുറുപ്പ് 
സംഗീതം : എം എസ് വിശ്വനാഥന്‍
ആലാപനം : കെ ജെ യേശുദാസ്

നഷ്ടവസന്തത്തിന്‍ തപ്തനിശ്വാസമേ
മുഗ്ദ്ധലജ്ജാവതീ...
മുഗ്ദ്ധലജ്ജാവതീ ലാവണ്യമേ...

മുത്തുക്കുട ഞാന്‍ നിവര്‍ത്തി നില്പൂ
വരൂ...നീ വരൂ...
മുത്തുക്കുട ഞാന്‍ നിവര്‍ത്തി നില്പൂ
ഭദ്രദീപം ഞാന്‍ ഒരുക്കി നില്പൂ...
എന്‍ ഗ്രാമ ഭൂമി തന്‍ സീമന്ത രേഖയില്‍
കുങ്കുമപ്പൂങ്കുറി ചാര്‍ത്തും പോലെ...

സന്ധ്യതന്‍ ചുംബനമുദ്രപോല്‍...
സന്ധ്യതന്‍ ചുംബനമുദ്രപോല്‍...
സുസ്മിത സ്പന്ദനംപോല്‍...
നീ കടന്നു വരൂ....
എന്‍റെ മനസ്സിന്‍റെ അങ്കണമാകെ
നീ വര്‍ണ്ണാങ്കിതമാക്കൂ

നിന്‍ പ്രേമലജ്ജാപരിഭവ ഭംഗികള്‍
എല്ലാം കൊരുത്തൊരു മാല്യവുമായ്
മന്ദം പളുങ്കുചിറകുകള്‍ വീശി നീ
വന്നണയൂ ദേവദൂതിപോലെ
എന്‍റെ ശാരോണ്‍ താഴ്വരയിലെ പൊന്നുഷ-
സങ്കീര്‍ത്തനമാക്കൂ...




വീണപൂവേ...

ചിത്രം : ജീവിക്കാന്‍ മറന്നു പോയ സ്ത്രീ(1974)
രചന : വയലാര്‍ രാമവര്‍മ്മ
സംഗീതം : എം എസ് വിശ്വനാഥന്‍
ആലാപനം : കെ ജെ യേശുദാസ്


വീണപൂവേ...
കുമാരനാശാന്റെ വീണപൂവേ..
വിശ്വദര്‍ശന ചക്രവാളത്തിലെ
നക്ഷത്രമല്ലേ നീ...
ഒരു ശുക്രനക്ഷത്രമല്ലേ നീ...

വികാരവതി നീ വിരിഞ്ഞു നിന്നപ്പോള്‍
വിരല്‍ തോട്ടുണര്‍ത്തിയ ഭാവനകള്‍
കവിഭാവനകള്‍
നിന്നെ കാമുകിമാരുടെ ചുണ്ടിലെ
നിശീഥകുമുദമാക്കി...കവികള്‍
മന്മഥന്‍ കുലക്കും സ്വര്‍ണ്ണധനുസ്സിലെ
മല്ലീശരമാക്കി...

വിഷാദവതി നീ കൊഴിഞ്ഞു വീണപ്പോള്‍
വിരഹമുണര്‍ത്തിയ വേദനകള്‍
നിന്‍ വേദനകള്‍...
വര്‍ണ്ണപ്പീലിത്തൂലിക കൊണ്ടൊരു
വസന്തതിലകമാക്കി...ആശാന്‍
വിണ്ണിലെ കല്പദ്രുമത്തിന്റെ കൊമ്പിലെ
വാടാമലരാക്കി...