താളുകള്‍

കൈതപ്രം എന്ന ലേബല്‍ ഉള്ള പോസ്റ്റുകള്‍ കാണിക്കുന്നു. എല്ലാ പോസ്റ്റുകളും കാണിക്കൂ
കൈതപ്രം എന്ന ലേബല്‍ ഉള്ള പോസ്റ്റുകള്‍ കാണിക്കുന്നു. എല്ലാ പോസ്റ്റുകളും കാണിക്കൂ

ബുധനാഴ്‌ച, മേയ് 27, 2015

മറക്കുമോ നീയെൻറെ...

ചിത്രം : കാരുണ്യം (1997) 
രചന : കൈതപ്രം ദാമോദരൻ നമ്പൂതിരി 
സംഗീതം : കൈതപ്രം ദാമോദരൻ നമ്പൂതിരി
ആലാപനം‌ : കെ ജെ യേശുദാസ് 

മറക്കുമോ നീയെൻറെ മൗനഗാനം 
ഒരുനാളും നിലയ്ക്കാത്ത വേണുഗാനം...
കാണാതിരുന്നാൽ കരയുന്ന മിഴികളേ 
കാണുമ്പോളെല്ലാം മറക്കുന്ന ഹൃദയമേ...

തെളിയാത്ത പേന കൊ,ണ്ടെൻറെ കൈവെള്ളയിൽ 
എഴുതിയ ചിത്രങ്ങൾ മറന്നുപോയോ...?
വടക്കിണി കോലായിൽ വിഷുവിളക്കറിയാതെ 
ഞാൻ തന്ന കൈനീട്ടമോർമ്മയില്ലേ...?
വിടപറഞ്ഞകന്നാലും മാടിമാടി വിളിക്കുന്നു 
മനസ്സിലെ നൂറുനൂറു മയിൽപ്പീലികൾ...

ഒന്നുതൊടുമ്പോൾ നീ താമരപ്പൂപോലെ 
മിഴികൂമ്പി നിന്നൊരാ സന്ധ്യകളും,
മുറിവേറ്റ കരളിന് മരുന്നായ് മാറും നിൻ 
ആയിരം നാവുള്ള സാന്ത്വനവും,
മറക്കാൻ കൊതിച്ചാലും തിരിനീട്ടിയുണർത്തുന്നു
മിഴി നിറഞ്ഞൊഴുകുന്ന പ്രിയനൊമ്പരം...

ഞായറാഴ്‌ച, സെപ്റ്റംബർ 23, 2012

തരളിത രാവില്‍ മയങ്ങിയോ...


ചിത്രം : സൂര്യമാനസം(1992)
രചന : കൈതപ്രം ദാമോദരന്‍ നമ്പൂതിരി
സംഗീതം : എം എം കീരവാണി 
ആലാപനം : കെ ജെ യേശുദാസ് 

തരളിത രാവില്‍ മയങ്ങിയോ
സൂര്യമാനസം...?
വഴിയറിയാതെ വിതുമ്പിയോ
മേഘനൊമ്പരം...?
ഏതു വിമൂകതലങ്ങളില്‍
ജീവിതനൌകയിതേറുമോ...?  
ദൂരെ...ദൂരെയായെന്‍ തീരമില്ലയോ...?

എവിടേ...ശ്യാമകാനനരംഗം...?
എവിടേ...തൂവലൊഴിയും സ്വപ്നം...?
കിളികളും പൂക്കളും നിറയുമെന്‍ പ്രിയവനം...
ഹൃദയം നിറയുമാര്‍ദ്രതയില്‍ 
പറയൂ  സ്നേഹകോകിലമേ...
ദൂരെ...ദൂരെയായെന്‍ തീരമില്ലയോ...?

ഉണരൂ...മോഹവീണയിലുണരൂ...
സ്വരമായ് രാഗസൗരഭമണിയൂ...
പുണരുമീ കൈകളില്‍ തഴുകുമെന്‍ കേളിയില്‍    
കരളില്‍ വിടരുമാശകളായ്...
മൊഴിയൂ...സ്നേഹകോകിലമേ...
ദൂരെ...ദൂരെയായെന്‍ തീരമില്ലയോ...? 


ബുധനാഴ്‌ച, സെപ്റ്റംബർ 19, 2012

ആറ്റുനോറ്റുണ്ടായൊരുണ്ണി...

ചിത്രം : ശാന്തം(2000)
രചന : കൈതപ്രം ദാമോദരന്‍ നമ്പൂതിരി
സംഗീതം : കൈതപ്രം ദാമോദരന്‍ നമ്പൂതിരി
ആലാപനം : കെ എസ് ചിത്ര
  
ആറ്റുനോറ്റുണ്ടായൊരുണ്ണി 
അമ്മ കാത്തുകാത്തുണ്ടായൊരുണ്ണി 
അമ്പോറ്റിക്കണ്ണന്റെ മുമ്പില്‍ 
അമ്മ കുമ്പിട്ടു കിട്ടിയ പുണ്യം
ചോടൊന്നു വയ്ക്കുമ്പോള്‍
അമ്മയ്ക്കു നെഞ്ചില്‍
കുളിരാംകുരുന്നാകുമുണ്ണീ   

കൊഞ്ചുന്ന കിങ്ങിണി കെട്ടിത്തരാമമ്മ 
മോതിരമിട്ടു തരാം...
നാക്കത്തു തേനും വയമ്പും തേച്ചമ്മ
മാറോടു ചേര്‍ത്തുറക്കാം... 
കൈവളരുന്നതും കാല്‍വളരുന്നതും
കണ്ടോണ്ടമ്മയിരിക്കാം...

വീടോളം നീ തെളിഞ്ഞുണരുണ്ണീ    
നാടോളം നീ വളര്...
മണ്ണോളം നീ ക്ഷമിക്കാന്‍ പഠിക്കുണ്ണി  
അമ്മയോളം നീ സഹിക്ക്...
സ്നേഹം കൊണ്ടൊരു തോണിയുണ്ടാക്ക്
കാലത്തിനറ്റത്തുപോകാന്‍...     


ശനിയാഴ്‌ച, മാർച്ച് 24, 2012

അളകങ്ങള്‍ മാടി,യെന്‍...

ചിത്രം : ശിങ്കാരി ബോലോന(2003)
രചന : കൈതപ്രം ദാമോദരന്‍ നമ്പൂതിരി 
സംഗീതം : മോഹന്‍ സിതാര 
ആലാപനം : സുജാത


അളകങ്ങള്‍ മാടി,യെന്‍ നെറുകയില്‍ ചുംബിച്ചു
പുഞ്ചിരിച്ചകലുന്ന കൈത്തെന്നലേ...
പുഴകളില്‍ ഗാനമായ് ഒഴുകുമാ മധുരം
കോരിക്കുടിക്കുവാന്‍ തോന്നും-കയ്യില്‍-
കോരിക്കുടിക്കുവാന്‍ തോന്നും...


സായന്തനത്തിന്റെ നിഴലാനയേറിയെ-
ന്നരികിലിന്നെത്തുന്ന സന്ധ്യേ...സന്ധ്യേ...
പ്രകൃതിയെ കുങ്കുമം ചാര്‍ത്തുമാ കൈകളെ  
മാറോടു ചേര്‍ക്കുവാന്‍ തോന്നും-എന്നും-  
മാറോടു ചേര്‍ക്കുവാന്‍ തോന്നും...


കാടിനെ കുളിരില്‍ക്കുളിപ്പിച്ചു നൃത്തം-
പഠിപ്പിച്ച മൃദുവര്‍ഷമേ...
നിന്‍ മഴത്തുള്ളിതന്‍ നെഞ്ചില്‍ കിരണമായ്
നിറമാര്‍ന്നു നില്‍ക്കുവാന്‍ തോന്നും-എന്നും-      
നിറമാര്‍ന്നു നില്‍ക്കുവാന്‍ തോന്നും...









തിങ്കളാഴ്‌ച, ജൂലൈ 19, 2010

ഹൃദയഗീതമായ് കേള്‍പ്പു...

ചിത്രം : അമ്മക്കിളിക്കൂട്(2003)
രചന : കൈതപ്രം ദാമോദരന്‍ നമ്പൂതിരി 
സംഗീതം : രവീന്ദ്രന്‍
ആലാപനം : പി.സുശീല




ഹൃദയഗീതമായ് കേള്‍പ്പു ഞങ്ങളാ
സ്നേഹഗാനധാര...
വിശ്വമാകവേ പുല്കിനില്‍ക്കുമാ
ജീവരാഗധാര...
അലയാഴി പോലെ....തൊഴു കൈകളോടെ....
ആ പ്രേമമന്ത്രനെടുവീര്‍പ്പു ഞങ്ങള്‍ പാടുന്നൂ...

നിന്‍റെ മനോഹര നാമാവലികള്‍
പാടി,കടലും തിരയും...
നിന്നോടലിയാന്‍ ശ്രുതിമീട്ടുന്നൂ
പാവം മാനവജന്‍മം.
ഒന്നു നീ കൈചേര്‍ക്കുകില്‍
കരളില്‍ നിറയുമമൃതം...അമൃതം...

ജീവിതവീഥിയില്‍ ഇരുളണയുമ്പോള്‍
സാന്ത്വനഗാനം നീളേ...
കണ്ണുംകരളും കര്‍മ്മകാണ്ഡങ്ങളും
കനിവും പൊരുളും നീയേ...
ശ്വാസവും ആശ്വാസവും
തവപദങ്ങള്‍ മാത്രം...