മുട്ടിവിളിക്കുന്നു...

ചിത്രം : മനസ്വിനി (1968)

രചന : പി ഭാസ്‌ക്കരൻ

സംഗീതം : എം എസ് ബാബുരാജ്

ആലാപനം : എസ് ജാനകി   

മുട്ടിവിളിക്കുന്നു വാതിലില്‍ മധുമാസം

ഉദ്യാനപാലകാ... ഉണരുണരൂ... ഉണരുണരൂ..

പുത്തനാം രഥമേറി വന്നൂ വസന്തറാണി

ഉദ്യാനപാലകാ... ഉണരുണരൂ...

മരതകക്കാടുകള്‍ ആയിരമായിരം

നവരത്ന മണിദീപം കൊളുത്തി വച്ചു..

പരിമളതൈലം പൂശി പവിഴമല്ലികള്‍ കയ്യില്‍

പനിനീര്‍ വീശറിയേന്തി ഒരുങ്ങിയല്ലോ.. 

സ്വപ്നവൃന്ദാവനത്തില്‍ പൂവിറുക്കുവാന്‍ വന്ന

അപ്സരരമണിയാണീ വസന്തം...

മുഗ്ദ്ധമാം പ്രേമത്തിന്‍റെ മുത്തുക്കുടയുമായി

എത്തുക നീ ഇവളെ എതിരേൽക്കുവാൻ.. 

  

          

കാണാൻ പറ്റാത്ത...

ചിത്രം : കുപ്പിവള (1965)
രചന : പി. ഭാസ്ക്കരൻ 
സംഗീതം : എം. എസ്. ബാബുരാജ്‌ 
ആലാപനം : എ. എം. രാജ   

കാണാൻ പറ്റാത്ത കനകത്തിൻ മണിമുത്തേ
കരളിൻറെ കൂട്ടിലെ കുഞ്ഞിത്തത്തേ...
കൽപ്പിച്ചു റബ്ബെനിക്കേകിയ മലർമൊട്ടേ
ഖൽബിൻറെ കണ്ണേ ഉറങ്ങുറങ്ങ്‌...   

കണ്ണില്ലാ ബാപ്പക്ക് കൈവന്ന കണ്ണല്ലേ 
മണ്ണിതിലുണ്ടായ വിണ്ണല്ലേ...
താമരമിഴിയെന്നോ തങ്കത്തിൻ കവിളെന്നോ
തപ്പുന്ന വിരലിനാൽ കാണട്ടെ ഞാൻ...   

കണ്മണീ നിൻമലർ പൂമുഖം കാണാതെ 
കണ്ണടച്ചീടും ഞാൻ എന്നാലും...
ഉമ്മാൻറെ കണ്ണനു ഉപ്പാൻറെ കരളാണ് 
ഉള്ളിലെ മിഴികളാൽ കാണുന്നു ഞാൻ...

ഈ കടലും മറുകടലും

ചിത്രം : കടൽപ്പാലം(1969) 

രചന : വയലാർ രാമവർമ്മ 

സംഗീതം : ജി ദേവരാജൻ 

ആലാപനം : എസ് പി ബാലസുബ്രഹ്മണ്യം

ഈ കടലും മറുകടലും 

ഭൂമിയും മാനവും കടന്ന് 

ഈരേഴു പതിനാല് ലോകങ്ങൾ കാണാൻ 

ഇവിടന്നു പോണവരേ

അവിടെ മനുഷ്യരുണ്ടോ...?

അവിടെ മതങ്ങളുണ്ടോ...?

  

ഇവിടെ മനുഷ്യർ ജീവിച്ചിരുന്നതായ്

ഇതിഹാസങ്ങൾ നുണ പറഞ്ഞൂ...

ഈശ്വരനെ കണ്ടൂ...

ഇബലീസിനെ കണ്ടൂ...

ഇതുവരെ മനുഷ്യനെ കണ്ടില്ല...

കണ്ടില്ല...കണ്ടില്ല...

മനുഷ്യനെ കണ്ടില്ല...

ഇവിടെ സമത്വം പൂവിട്ടിരുന്നതായ് 

വെറുതെ മതങ്ങൾ നുണ പറഞ്ഞൂ...

ഹിന്ദുവിനെ കണ്ടൂ...

മുസൽമാനെ കണ്ടൂ...

ഇതുവരെ മനുഷ്യനെ കണ്ടില്ല...     

കണ്ടില്ല...കണ്ടില്ല...

മനുഷ്യനെ കണ്ടില്ല...

വിണ്ണിലുള്ള താരകമേ...

ചിത്രം : ഉമ്മിണിത്തങ്ക (1961) 

രചന : പി ഭാസ്ക്കരന്‍ 

സംഗീതം : വി ദക്ഷിണാമൂര്‍ത്തി 

ആലാപനം : പി ലീല 

വിണ്ണിലുള്ള താരകമേ 

കണ്മഷി കടം തരുമോ 

വെണ്ണിലാവേ നിന്‍റെ

കണ്ണാടി നീ തരുമോ  

ചമഞ്ഞിട്ടും ചമഞ്ഞിട്ടും

ചന്തം വരുന്നില്ലല്ലോ

ചന്ദനത്താലവുമായ്

ചന്ദ്രാ നീ വന്നിടുമോ

വാടാത്ത പുഷ്പമാല 

തിരുമാറില്‍ ചാര്‍ത്തിടുവാന്‍

കാട്ടുമുല്ലേ കൈനിറയെ

പൂവുകള്‍ നീ തന്നിടേണം

മനതാരിന്‍ മണിവീണ

മായാമനോഹരമായ്   

തിരുമുമ്പില്‍ മീട്ടി മീട്ടി

പാടിടേണം

പ്രേമത്തിന്‍ കൊട്ടാരത്തില്‍

പട്ടാഭിഷേകമല്ലോ

മാരനെപ്പോല്‍ സുന്ദരനാം 

മന്നവനും വന്നുവല്ലോ

ചിരി വേണം കളിവേണം

പൊന്നിന്‍ ചിലങ്കകളേ

മുരളിതന്‍ ഗാനം വേണം

രാക്കുയിലേ..   

കറുത്ത ചക്രവാള...

ചിത്രം : അശ്വമേധം(1967)

രചന : വയലാര്‍ രാമവര്‍മ്മ 

സംഗീതം : ജി ദേവരാജന്‍ 

ആലാപനം : പി സുശീല  

കറുത്ത ചക്രവാള മതിലുകള്‍ ചൂളും 

കാരാഗൃഹമാണ് ഭൂമി...ഒരു-

കാരാഗൃഹമാണ് ഭൂമി...

തലയ്ക്കു മുകളില്‍ ശൂന്യാകാശം

താഴേ...നിഴലുകളിഴയും നരകം...

വര്‍ണചിത്രങ്ങള്‍ വരയ്ക്കുവാനെത്തുന്ന 

വൈശാഖസന്ധ്യകളേ...

ഞങ്ങളെ മാത്രം കറുത്തചായം മുക്കി

എന്തിനീ മണ്ണില്‍ വരച്ചു...വികൃതമായ്

എന്തിനീ മണ്ണില്‍ വരച്ചൂ...

വാസനപ്പൂമ്പൊടി തൂകുവാനെത്തുന്ന

വാസന്ത ശില്‍പ്പികളേ...

പൂജയ്ക്കെടുക്കാതെ പുഴുകുത്തി നില്‍ക്കുമീ 

പൂക്കളെ നിങ്ങള്‍ മറന്നോ...കൊഴിയുമീ

പൂക്കളെ നിങ്ങള്‍ മറന്നോ...            

ഈശ്വര ചിന്തയിതൊന്നേ...

ചിത്രം : ഭക്തകുചേല(1961)
രചന : തിരുനയനാര്‍ കുറിച്ചി മാധവൻ നായർ     
സംഗീതം : ബ്രദര്‍ ലക്ഷ്മണ്‍ 
ആലാപനം : കമുകറ പുരുഷോത്തമന്‍

ഈശ്വര ചിന്തയിതൊന്നേ മനുജന്
ശാശ്വതമീയുലകിൽ... 
ഇഹപരസുകൃതം ഏകിടുമാർക്കും 
ഇതു സംസാര വിമോചനമാർഗ്ഗം...

കണ്ണിൽ കാണ്മതു കളിയായ്‌ മറയും 
കാണാത്തതു നാം എങ്ങനെ അറിയും?
ഒന്നു നിനയ്ക്കും മറ്റൊന്നാകും 
മന്നിതു മായാനാടകരംഗം... 

പത്തു ലഭിക്കിൽ നൂറിനു ദാഹം...  
നൂറിനെ ആയിരമാക്കാൻ മോഹം...  
ആയിരമോ പതിനായിരമാകണം...  
ആശയ്ക്കുലകിതിൽ അളവുണ്ടാമോ? 

കിട്ടും വകയിൽ തൃപ്തിയാകാതെ, 
കിട്ടാത്തതിനായ് കൈനീട്ടാതെ, 
കർമ്മം ചെയ്യുക നമ്മുടെ ലക്‌ഷ്യം 
കർമ്മഫലം തരും ഈശ്വരനല്ലോ! 

  

പനിനീരു തൂവുന്ന...

ചിത്രം : മുതലാളി(1965)
രചന : പി ഭാസ്ക്കരന്‍
സംഗീതം : പുകഴേന്തി
ആലാപനം : കെ ജെ യേശുദാസ്  


പനിനീരു തൂവുന്ന പൂനിലാവേ
പതിനേഴു താണ്ടിയ പെണ്‍കിടാവേ
മാനസം കണികാണും മാരിവില്ലേ
മായല്ലേ...നീയെന്‍റെ ജീവനല്ലേ...

ഇല്ലില്ലംകാവിലിന്ന് കാത്തിരുന്നൂ-പിന്നെ-
അല്ലിപ്പൂകുളങ്ങരെ കാത്തിരുന്നൂ...
കാണുന്ന നേരത്ത് നാണിപ്പതെന്തിനോ
കാനനക്കിളിപോലെ ഓടുന്നതെന്തിനോ...!

പൂവായ പൂവെല്ലാം ചേര്‍ത്തുവച്ചൂ-നിന്നെ-
പൂജിക്കാന്‍ പൂമാല കോര്‍ത്തുവച്ചൂ...
ആശതന്‍ കോവിലില്‍ അനുരാഗദീപത്തില്‍
ആയിരം തിരിയുമായ്‌ കാക്കുന്നു നിന്നെ ഞാന്‍...

                                    

പ്രണയഗാനം പാടുവാനായ്...

ചിത്രം : അനാര്‍ക്കലി(1966)

രചന : വയലാര്‍ രാമവര്‍മ്മ 

സംഗീതം : എം എസ് ബാബുരാജ്‌ 

ആലാപനം : പി സുശീല  

പ്രണയഗാനം പാടുവാനായ്

പ്രമദവനത്തില്‍ വന്നു ഞാന്‍... 

വിരഹഗാനം പാടിപ്പാടി

പിരിഞ്ഞുപോവുകയാണു ഞാന്‍...

ഇവിടെ വിരിയും വെണ്ണിലാവും

ഈ യമുനാതീരവും

ഇരുളിലലിയും മൌനഗാനവും

ഇനിയുമെന്നെ തേടിവരുമോ...

തേടിവരുമോ...തേടിവരുമോ...

മലര്‍മിഴികള്‍ തുറക്കുകില്ലേ 

മന്ദഹാസം വിരിയുകില്ലേ 

ഉണരുകില്ലേ പ്രേമഗായകന്‍

ഉണരുകില്ലേ... ഉണരുകില്ലേ...

ഉണരുകില്ലേ...

സ്മരണകള്‍ തന്‍ മണ്‍വിളക്കില്‍ 

തിരികൊളുത്തും കാലമേ

ഇനിയൊരിക്കല്‍ ജീവിതത്തിന്‍

ജനലരികില്‍ തേടിവരുമോ...  

തേടിവരുമോ...തേടിവരുമോ...

പ്രഭാതം വിടരും...

ചിത്രം : വെളുത്ത കത്രീന(1968)

രചന : ശ്രീകുമാരന്‍ തമ്പി

സംഗീതം : ജി ദേവരാജന്‍

ആലാപനം : കെ ജെ യേശുദാസ്

പ്രഭാതം വിടരും പ്രദോഷം വിടരും

പ്രതീചി രണ്ടും കണ്ടുനില്‍ക്കും

ഉദയാമില്ലാതില്ല അസ്തമനം

ഉണരൂ മനസ്സേ ഉണരൂ...

  

മദഘോഷം മുഴക്കും  മഴമേഘജാലം

മിഴിനീരായ് ഒടുവില്‍ വീണൊഴിയും

ഒരുനാളില്‍ വളരും മറുനാളില്‍ തളരും

ഓരോ ശക്തിയും മണ്ണില്‍...

മണിവീണമീട്ടുന്ന മധുമാസകാലം

മധുരവര്‍ണ്ണങ്ങള്‍ വരച്ചുചേര്‍ക്കും  

ഒരു ഗ്രീഷ്മസ്വപ്നം സഫലമാകുമ്പോള്‍

ഓരോ ചിത്രവും മാറും...   

ജനനീ...ജഗദ്‌ജനനീ...

ചിത്രം : കാവ്യമേള(1965)

രചന : വയലാര്‍ രാമവര്‍മ്മ 

സംഗീതം : വി ദക്ഷിണാമൂര്‍ത്തി

ആലാപനം : കെ ജെ യേശുദാസ്  

ജനനീ...ജഗദ്‌ജനനീ...

ജനനമരണ ദുഃഖനിവാരിണീ   

ജയജയ നിത്യപ്രകാശിനീ 

ജനനീ...ജഗദ്‌ജനനീ...

മായായവനികക്കപ്പുറമല്ലോ 

മധുരാധാരമാം നിന്‍ മണിപീഠം...

കാലമാം കടലിന അക്കരെയല്ലോ 

ഗോപുരരത്നകവാടം...നിന്‍

ഗോപുരരത്നകവാടം...

മനസ്സിലെ കണ്ണു തുറന്നു തരേണം

മായേ നിന്‍പദം കാണുമാറാകണം...

നിന്‍ നീലാഞ്ജനവിഗ്രഹമാകെ

ഈ കണ്ണുനീര്‍കാവടിയാടേണം...       

നിന്‍ തിരുവാഭരണങ്ങളില്‍ നിന്നൊരു

നിര്‍മ്മാല്യപുഷ്പം ചൂടേണം...    

   

കണ്ണുതുറക്കാത്ത ദൈവങ്ങളേ...

ചിത്രം : അഗ്നിപുത്രി(1967)
രചന : വയലാര്‍ രാമവര്‍മ്മ
സംഗീതം : എം എസ് ബാബുരാജ്
ആലാപനം : പി സുശീല


കണ്ണുതുറക്കാത്ത ദൈവങ്ങളേ...
കരയാനറിയാത്ത ചിരിക്കാനറിയാത്ത  
കളിമണ്‍ പ്രതിമകളേ...
മറക്കൂ നിങ്ങളീ ദേവദാസിയെ-
മറക്കൂ...മറക്കൂ...


ആയിരമായിരമന്തപ്പുരങ്ങളില്‍
ആരാധിച്ചവള്‍ ഞാന്‍-നിങ്ങളെ-
ആരാധിച്ചവള്‍ ഞാന്‍...
നിങ്ങളൊരിക്കല്‍ ചൂടിയെറിഞ്ഞൊരു      
നിശാഗന്ധിയാണു ഞാന്‍...


കര്‍പ്പൂരനാളമായ്  നിങ്ങള്‍തന്‍ മുന്‍പില്‍
കത്തിയെരിഞ്ഞവള്‍ ഞാന്‍-ഒരുനാള്‍-
കത്തിയെരിഞ്ഞവള്‍ ഞാന്‍...
കണ്ണീരില്‍ മുങ്ങിയ തുളസ്സിക്കതിരായ്
കാല്‍ക്കല്‍ വീണവള്‍ ഞാന്‍...    

ഋതുകന്യകയുടെ...

ചിത്രം : കൊടുങ്ങല്ലൂരമ്മ(1968) 
രചന : വയലാര്‍ രാമവര്‍മ്മ 
സംഗീതം : കെ രാഘവന്‍ 
ആലാപനം : പി സുശീല 


ഋതുകന്യകയുടെ ലതാഗൃഹത്തിലെ
ഋഷികുമാരാ...
പാതിയടഞ്ഞ നിന്‍ നയനദലങ്ങളില്‍ 
ഭക്തിയോ...?സ്വപ്നമോ...?
പരമഹംസപദനിര്‍വൃതിയോ...?  


ഭക്തിയെങ്കില്‍ നിന്‍ തിരുമുമ്പില്‍
വല്ക്കലമണിഞ്ഞു നില്‍ക്കും...
തുടിക്കും നെഞ്ചില്‍ തപസ്സിനിടയില്‍
തുളസ്സിപ്പൂമാല ചാര്‍ത്തും...ഞാനാ-
തുളസ്സിപ്പൂമാല ചാര്‍ത്തും


സ്വപ്നമെങ്കില്‍ മദനനയ്ക്കും
അപ്സരസ്സായി ഞാന്‍ നില്‍ക്കും...
മനസ്സും വപുസ്സും മധുചന്ദ്രികയില്‍
മലരമ്പെയ്തതു മുറിക്കും...രാത്രിയില്‍-
മലരമ്പെയ്തതു മുറിക്കും...

ഒരിടത്തു ജനനം ഒരിടത്തു മരണം...

ചിത്രം : അശ്വമേധം(1967)
രചന : വയലാര്‍ രാമവര്‍മ്മ
സംഗീതം : ജി ദേവരാജന്‍
ആലാപനം : കെ ജെ യേശുദാസ്


ഒരിടത്തു ജനനം ഒരിടത്തു മരണം
ചുമലില്‍ ജീവിതഭാരം
വഴിയറിയാതെ മുടന്തി നടക്കും
വിധിയുടെ ബലിമൃഗങ്ങള്‍  നമ്മള്‍
വിധിയുടെ ബലിമൃഗങ്ങള്‍


ഈ യാത്ര തുടങ്ങിയതെവിടെ നിന്നോ...! 
ഇനിയൊരു വിശ്രമമെവിടെ ചെന്നോ...!
മോഹങ്ങളവസാന നിമിഷംവരെ...
മനുഷ്യബന്ധങ്ങള്‍ ചുടലവരെ...
ഒരു ചുടല വരെ...  


കരളിലെ ചെപ്പില്‍ സ്വപ്നമെന്നൊരു
കള്ളനാണയമിട്ടതാര്...? 
കണ്ടാലകലുന്ന കൂട്ടുകാരോ...! 
കല്ലെറിയാന്‍ വന്ന നാട്ടുകാരോ...! 


ഈ മണ്ണില്‍ കിടക്കുന്ന കൊഴിഞ്ഞ പൂക്കള്‍-
ഇതുവഴി പോയവര്‍തന്‍ കാലടികള്‍...
അക്കരെ മരണത്തിനിരുള്‍ മുറിയില്‍- 
അഴുക്കുവസ്ത്രങ്ങള്‍ മാറിവരും...
അവര്‍ മടങ്ങിവരും...  

കളിത്തോഴിമാരെന്നെ കളിയാക്കി...

ചിത്രം : മുറപ്പെണ്ണ്(1965)
രചന : പി ഭാസ്ക്കരന്‍ 
സംഗീതം : ബി എ ചിദംബരനാഥ് 
ആലാപനം : എസ് ജാനകി


കളിത്തോഴിമാരെന്നെ കളിയാക്കി-എന്‍റെ-
കളിത്തോഴിമാരെന്നെ കളിയാക്കി...
ഇടത്തുകണ്ണിടയ്ക്കിടെയിന്നലെ തുടിച്ചപ്പോള്‍    
കളിയാക്കി എന്നെ കളിയാക്കി-എന്‍റെ-
കളിത്തോഴിമാരെന്നെ കളിയാക്കി...

മാനസസരസിങ്കല്‍ പ്രേമത്തിന്‍ കളഹംസം
താമസമാക്കിയെന്നും പറഞ്ഞുണ്ടാക്കീ-
അവര്‍ പറഞ്ഞുണ്ടാക്കി...


അയലത്തെ കല്യാണത്തി-
ന്നവിടുന്നു മുമ്പില്‍ നില്‍ക്കെ
അവരെന്നെ ചൂണ്ടിക്കാട്ടി കളിയാക്കി...
കളഭത്തിന്‍ കിണ്ണമെന്‍റെ കൈതട്ടി മറിഞ്ഞപ്പോള്‍
കിലുകിലെയവര്‍ മണിച്ചിരിമുഴക്കീ...
അവര്‍ ചിരി മുഴക്കി...

          

     
          

വണ്ടിക്കാരാ...വണ്ടിക്കാരാ...

ചിത്രം : ഓടയില്‍ നിന്ന്(1965)
രചന : വയലാര്‍ രാമവര്‍മ്മ
സംഗീതം : ജി ദേവരാജന്‍
ആലാപനം : എ എം രാജ


വണ്ടിക്കാരാ...വണ്ടിക്കാരാ...
വഴിവിളക്ക് തെളിഞ്ഞു...
സ്വപ്നം കണ്ടു നടക്കും നീയൊരു
സ്വാഗതഗാനം കേട്ടൂ...
നാളെ...നാളെ...നാളെ...


കുത്തഴിഞ്ഞു കിടന്ന നിന്‍ ജീവിത-
പ്പുസ്തകത്താളിന്‍മേല്‍-ഒരു-
കൊച്ചുകൈവിരല്‍ ആദ്യമെഴുതിയ 
ചിത്രം കണ്ടൂ നീ...
നാളെ...നാളെ...നാളെ...


ഒറ്റക്കമ്പി മുറുക്കിയ ജീവിത-
മുത്തണിവീണയിന്‍മേല്‍-ഒരു-
കൊച്ചുകൈവിരല്‍ ആദ്യമുയര്‍ത്തിയ
ശബ്ദം കേട്ടൂ നീ...
നാളെ...നാളെ...നാളെ...                    

മുറ്റത്തെ മുല്ലയില്‍...

ചിത്രം : ഓടയില്‍ നിന്ന്(1965)
രചന : വയലാര്‍ രാമവര്‍മ്മ
സംഗീതം : ജി ദേവരാജന്‍
ആലാപനം : എസ് ജാനകി


മുറ്റത്തെ മുല്ലയില്‍ മുത്തശ്ശി മുല്ലയില്‍
മുത്തുപോലെ മണിമുത്തുപോലെ
ഇത്തിരിപ്പൂ വിരിഞ്ഞു...പണ്ടൊ-
രിത്തിരിപ്പൂ വിരിഞ്ഞൂ...

മഞ്ഞില്‍ കുളിപ്പിച്ചു വെയിലത്തു തോര്‍ത്തിക്കും 

മടിയിലിരുത്തി പൂമുല്ല...

മുത്തണികിങ്ങിണിയരമണി കെട്ടിച്ച്  

നൃത്തം പഠിപ്പിച്ചു പൂക്കാലം...

നര്‍ത്തകിപ്പൂവിനെ പന്തലില്‍ കണ്ടൊരു

ചിത്രശലഭം വന്നൂപോല്‍

മുത്തം മേടിച്ച് മോതിരമണിയിച്ച് 

നൃത്തം കണ്ടു മയങ്ങിപ്പോയ്...

ചിത്രവിമാനത്തില്‍ മാനത്തുയര്‍ന്നപ്പോള്‍      

ഇത്തിരിപ്പൂവു പറഞ്ഞൂപോല്‍...
മുത്തില്ല മലരില്ല മുന്തിരിത്തേനില്ല
മുറ്റത്തെ മുല്ലക്കു മണമില്ല...  

ആകാശങ്ങളില്‍ ഇരിക്കും...

ചിത്രം : നാടന്‍ പെണ്ണ്(1967)

രചന : വയലാര്‍ രാമവര്‍മ്മ 

സംഗേതം : ജി ദേവരാജന്‍

ആലാപനം : പി സുശീല 

ആകാശങ്ങളില്‍ ഇരിക്കും ഞങ്ങടെ 

അനശ്വരനായ പിതാവേ 

അവിടുത്തെ നാമം വാഴ്ത്തപ്പെടേണമേ...

അവിടുത്തെ രാജ്യം വരേണമേ...


സ്വര്‍ഗത്തിലെപ്പോലെ ഭൂമിയിലും
നിന്‍റെ സ്വപ്‌നങ്ങള്‍ വിടരേണമേ
അന്നന്നു ഞങ്ങള്‍ വിശന്നു വരുമ്പോള്‍   

അപ്പം നല്‍കേണമേ...
ആമേന്‍...ആമേന്‍...ആമേന്‍...


ഞങ്ങള്‍ തന്‍ കടങ്ങള്‍ പൊറുക്കേണമേ 
അങ്ങ് ഞങ്ങളെ നയിക്കേണമേ...
അഗ്നിപരീക്ഷയില്‍ വീഴാതെ ഞങ്ങളെ
രക്ഷിച്ചീടേണമേ...
ആമേന്‍...ആമേന്‍...ആമേന്‍...

          

ഇരു കണ്ണീര്‍ത്തുള്ളികള്‍...

ചിത്രം : ഇരുട്ടിന്‍റെ ആത്മാവ്(1967)
രചന : പി ഭാസ്കരന്‍
സംഗീതം : എം എസ് ബാബുരാജ്‌  
ആലാപനം : എസ് ജാനകി


ഇരു കണ്ണീര്‍ത്തുള്ളികള്‍ ഒരു സുന്ദരിയുടെ
കരിമിഴികളില്‍ വച്ചു കണ്ടുമുട്ടി
കണ്ടുമുട്ടീ അവര്‍ കണ്ടു മുട്ടി-പിന്നെ
കണ്ടുവന്ന സ്വപ്‌നത്തിന്‍ കഥ ചൊല്ലി
താമരപ്പൊയ്കയിലെ അരയന്നങ്ങളെപ്പോലെ
പ്രേമത്താല്‍ പരസ്പരം കൈനീട്ടീ...      


അടുക്കുവാന്‍ അവര്‍ക്കെന്നും കഴിഞ്ഞില്ലാ 
അകലത്താണകലത്താണിരുപേരും...
കവിളിലേക്കൊഴുകുമ്പോള്‍ ഒരുമിക്കാമെന്നോര്‍ത്തു
കരളില്‍ പ്രതീക്ഷയുമായ് യാത്രതുടര്‍ന്നൂ... 


അടുത്തതില്ലാ അവര്‍ അടുത്തതില്ല
ഒരു നെടുവീര്‍പ്പിന്‍ കൊടുങ്കാറ്റില്‍ പിരിഞ്ഞുപോയി...
മരണത്തിന്‍ ഭീകര മരുഭൂവില്‍ വീണു രണ്ടു-
മഴത്തുള്ളിപോലെയവര്‍ തകര്‍ന്നുപോയീ...   
      

പടച്ചവന്‍ പടച്ചപ്പോള്‍...

ചിത്രം : കായംകുളം കൊച്ചുണ്ണി(1966) 
രചന : പി ഭാസ്കരന്‍
സംഗീതം : ബി എ ചിദംബരനാഥ് 
ആലാപനം : കമുകറ പുരുഷോത്തമന്‍


പടച്ചവന്‍ പടച്ചപ്പോള്‍ മനുഷ്യരെപ്പടച്ചു
മനുജന്‍മാര്‍ മണ്ണിതില്‍ പണക്കാരെപ്പടച്ചു
പണക്കാരന്‍ പാരിലാകെ പാവങ്ങളെപ്പടച്ചു
പാവങ്ങളെന്നവരെ കളിയാക്കി ചിരിച്ചു


ഉലകിതു നന്നാക്കും പണ്ഡിതപ്രസംഗം
അലയടിച്ചെത്തുന്നു കവലകള്‍ തോറും
പശിതിന്നും വയറിന്നു പഴങ്കഞ്ഞി വിളമ്പാന്‍
തുനിയുന്നവനേ ദേവദൂതന്‍ 


പഠിപ്പില്ലാത്തൊരുവന്‍ പാമരനെങ്കിലും
കൊടുക്കുന്ന കയ്യാ,ണവന്‍റെതെങ്കില്‍
അള്ളാവിന്‍ പ്രിയപുത്രനവ,നാണല്ലോ
സ്വര്‍ല്ലോകകൊട്ടാരം അവന്‍റെതല്ലോ        

  

       

ആദിയില്‍ വചനമുണ്ടായി...

ചിത്രം : ചേട്ടത്തി(1965) 
രചന : വയലാര്‍ രാമവര്‍മ്മ 
സംഗീതം : എം എസ് ബാബുരാജ്‌
ആലാപനം : കെ ജെ യേശുദാസ്


ആദിയില്‍ വചനമുണ്ടായി
ആ വചനം രൂപമായി
പ്രളയജലധിയില്‍ പ്രണവരൂപിയായ്     
പ്രപഞ്ചശില്പിയുറങ്ങിയുണര്‍ന്നൂ  


അശ്രുസമുദ്രതിരകളിലങ്ങനെ 
ചിപ്പികളുണ്ടായീ...
മുത്തുച്ചിപ്പികളുണ്ടായീ...
കണ്ണുനീര്‍മുത്തിനു പെണ്ണെന്നു പേരിട്ടൂ
കാലമാം അജ്ഞാതശില്പി...


കരയില്‍ വന്നവര്‍ വന്നവരതിനെ
കാമവല വീശി...കണ്ണാല്‍
കാമ വലവീശി...
കവികള്‍ പാടി- കാണാദ്വീപിലെ-
പവിഴമല്ലോ സ്ത്രീഹൃദയം.

          
 (പാട്ടിലൂടെയും ചിത്രങ്ങളിലൂടെയും അല്ലാതെ ജീവനോടെ ശ്രീ.വയലാര്‍ രാമവര്‍മ്മയെ കാണാന്‍ ഈ ഗാനത്തിലൂടെ മാത്രമേ നമുക്ക് കഴിയൂ...)