വണ്ടിക്കാരാ...വണ്ടിക്കാരാ...

ചിത്രം : ഓടയില്‍ നിന്ന്(1965)
രചന : വയലാര്‍ രാമവര്‍മ്മ
സംഗീതം : ജി ദേവരാജന്‍
ആലാപനം : എ എം രാജ


വണ്ടിക്കാരാ...വണ്ടിക്കാരാ...
വഴിവിളക്ക് തെളിഞ്ഞു...
സ്വപ്നം കണ്ടു നടക്കും നീയൊരു
സ്വാഗതഗാനം കേട്ടൂ...
നാളെ...നാളെ...നാളെ...


കുത്തഴിഞ്ഞു കിടന്ന നിന്‍ ജീവിത-
പ്പുസ്തകത്താളിന്‍മേല്‍-ഒരു-
കൊച്ചുകൈവിരല്‍ ആദ്യമെഴുതിയ 
ചിത്രം കണ്ടൂ നീ...
നാളെ...നാളെ...നാളെ...


ഒറ്റക്കമ്പി മുറുക്കിയ ജീവിത-
മുത്തണിവീണയിന്‍മേല്‍-ഒരു-
കൊച്ചുകൈവിരല്‍ ആദ്യമുയര്‍ത്തിയ
ശബ്ദം കേട്ടൂ നീ...
നാളെ...നാളെ...നാളെ...