ചിത്രം : നസീമ (1983)
രചന : പി ഭാസ്ക്കരന്‍
സംഗീതം : ജോണ്‍സണ്‍
ആലാപനം : എസ് ജാനകി
എന്നിട്ടും നീയെന്നെ അറിഞ്ഞില്ലല്ലോ...!
എന്നാര്‍ദ്രനയനങ്ങള്‍ തുടച്ചില്ലല്ലോ...!
എന്നാത്മവിപഞ്ചികാ തന്ത്രികള്‍ മീട്ടിയ
സ്പന്ദനഗാനമൊന്നും കേട്ടില്ലല്ലോ...!
അറിയാതെയവിടുന്നെന്‍ അടുത്തുവന്നൂ
അറിയാതെ തന്നെയെന്നകത്തുവന്നൂ...
ജീവന്‍റെ ജീവനില്‍ സ്വപ്‌നങ്ങള്‍ വിരിച്ചിട്ട
പൂവണിമഞ്ചത്തില്‍ ഭവാനിരുന്നൂ...
നിന്‍ സ്നേഹമകറ്റാനെന്‍ സുന്ദരസങ്കല്‍പം
ചന്ദനവിശറികൊണ്ട് വീശിയെന്നാലും
വിധുരയാമെന്നുടെ നെടുവീര്‍പ്പിന്‍ ചൂടിനാല്‍ ഞാന്‍
അടിമുടി പൊള്ളുകയായിരുന്നൂ...
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ