ചിത്രം : കടൽപ്പാലം(1969)
രചന : വയലാർ രാമവർമ്മ
സംഗീതം : ജി ദേവരാജൻ
ആലാപനം : എസ് പി ബാലസുബ്രഹ്മണ്യം
ഈ കടലും മറുകടലും
ഭൂമിയും മാനവും കടന്ന്
ഈരേഴു പതിനാല് ലോകങ്ങൾ കാണാൻ
ഇവിടന്നു പോണവരേ
അവിടെ മനുഷ്യരുണ്ടോ...?
അവിടെ മതങ്ങളുണ്ടോ...?
ഇവിടെ മനുഷ്യർ ജീവിച്ചിരുന്നതായ്
ഇതിഹാസങ്ങൾ നുണ പറഞ്ഞൂ...
ഈശ്വരനെ കണ്ടൂ...
ഇബലീസിനെ കണ്ടൂ...
ഇതുവരെ മനുഷ്യനെ കണ്ടില്ല...
കണ്ടില്ല...കണ്ടില്ല...
മനുഷ്യനെ കണ്ടില്ല...
ഇവിടെ സമത്വം പൂവിട്ടിരുന്നതായ്
വെറുതെ മതങ്ങൾ നുണ പറഞ്ഞൂ...
ഹിന്ദുവിനെ കണ്ടൂ...
മുസൽമാനെ കണ്ടൂ...
ഇതുവരെ മനുഷ്യനെ കണ്ടില്ല...
കണ്ടില്ല...കണ്ടില്ല...
മനുഷ്യനെ കണ്ടില്ല...
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ