ചിത്രം : അരയന്നം (1981)
രചന : പി ഭാസ്ക്കരന്‍
സംഗീതം : പുകഴേന്തി
ആലാപനം : കെ ജെ യേശുദാസ്
ശീതളമാം വെണ്ണിലാവു ചിരിച്ചൂ...പ്രേമ-
മാതളപ്പൂ മണമൊഴുകും കാറ്റടിച്ചൂ...
കുടിലില്‍ നിന്നും ഇടയബാലന്‍ മുരളി വായിച്ചൂ...
വരിക സഖീ നീ നിന്റെ വാതയനത്തില്‍...
രാത്രിമുല്ല പൂത്തുനില്‍ക്കും നിന്റെ വാടിയില്‍
രാഗമൂകനാം നിന്റെ കാമുകന്‍ നില്‍പ്പൂ...
നിന്‍ സഖിമാരറിയാതെ കൈവളകള്‍ കിലുങ്ങാതെ
നിന്‍ കിളിവാതില്‍ നീ തുറന്നാലും...
കല്‍പ്പന തന്‍ സരസ്സിലെ രാഗമരാളം
സ്വപ്നമാകും പൂഞ്ചിറകു വീശി വീശി...
മധുരദര്‍ശനേ നിന്റെ മന്ദിരോപാന്തത്തിലിന്ന്
വിരഹദുഃഖവുമായ് കാത്തുനില്‍ക്കുന്നൂ...
രാഗമൂകനാം നിന്റെ കാമുകന്‍ നില്‍പ്പൂ...
നിന്‍ സഖിമാരറിയാതെ കൈവളകള്‍ കിലുങ്ങാതെ
നിന്‍ കിളിവാതില്‍ നീ തുറന്നാലും...
കല്‍പ്പന തന്‍ സരസ്സിലെ രാഗമരാളം
സ്വപ്നമാകും പൂഞ്ചിറകു വീശി വീശി...
മധുരദര്‍ശനേ നിന്റെ മന്ദിരോപാന്തത്തിലിന്ന്
വിരഹദുഃഖവുമായ് കാത്തുനില്‍ക്കുന്നൂ...
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ