ചിത്രം : ദേവി(1972)
രചന : വയലാര്‍ രാമവര്‍മ്മ
സംഗീതം : ജി ദേവരാജന്‍
ആലാപനം : കെ ജെ യേശുദാസ്
സാമ്യമകന്നോരുദ്യാനമേ
കല്‌പകോദ്യാനമേ - നിന്റെ
കഥകളിമുദ്രയാം കമലദളത്തിലെന്‍
ദേവിയുണ്ടോ ദേവി?
മഞ്ജുതരയുടെ മഞ്ഞില്‍ മുങ്ങും
കുഞ്ജകുടീരങ്ങളില്‍
ലാവണ്യവതികള്‍ ലാളിച്ചുവളര്‍ത്തും
ദേവഹംസങ്ങളേ - നിങ്ങള്‍
ദൂതുപോയൊരു മനോരഥത്തിലെന്‍
ദേവിയുണ്ടോ ദേവി?
കച്ചമണികള്‍ നൃത്തംവയ്‌ക്കും
വൃശ്ചികരാവുകളില്‍
രാഗേന്ദുമുഖികള്‍ നാണത്തിലൊളിക്കും
രോമഹര്‍ഷങ്ങളേ - നിങ്ങള്‍
പൂവിടര്‍ത്തിയ സരോവരത്തിലെന്‍
ദേവിയുണ്ടോ ദേവി?
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ