ചിത്രം : മയിലാടും കുന്ന്(1972).
രചന : വയലാര്‍ രാമവര്‍മ.
സംഗീതം : ജി ദേവരാജന്‍.
ആലാപനം : കെ ജെ യേശുദാസ്.
സന്ധ്യ മയങ്ങും നേരം
ഗ്രാമ ചന്ത പിരിയുന്ന നേരം
ബന്ധുരെ...രാഗ ബന്ധുരെ...
നീ എന്തിനീ വഴി വന്നൂ
എനിക്കെന്തു നല്‍കാന്‍ വന്നൂ...
കാട്ടുതാറാവുകള്‍ ഇണകളെ തിരയും
കായലിനരികിലൂടെ...
കടത്തുതോണികളില്‍ ആളെക്കയറ്റും
കല്ലൊതുക്കുകളിലൂടെ...
തനിച്ചു വരും താരുണ്യമേ
എനിക്കുള്ള പ്രതിഫലമാണോ
നിന്‍റെ നാണം...നിന്‍റെ നാണം...
കാക്ക ചേക്കേറും കിളിമരത്തണലില്‍
കാതരമിഴികളോടെ...
മനസ്സിനുള്ളില്‍ ഒളിച്ചുപിടിക്കും
സ്വപ്നരത്നഖനിയോടെ,,,
ഒരുങ്ങിവരും സൌന്ദര്യമേ...
എനിക്കുള്ള മറുപടിയാണോ
നിന്‍റെ മൌനം...നിന്‍റെ മൌനം...
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ