ചിത്രം : ജീവിക്കാന്‍ മറന്നു പോയ സ്ത്രീ(1974)
രചന : വയലാര്‍ രാമവര്‍മ്മ
സംഗീതം : എം എസ് വിശ്വനാഥന്‍
ആലാപനം : കെ ജെ യേശുദാസ്
വീണപൂവേ...
കുമാരനാശാന്റെ വീണപൂവേ..
വിശ്വദര്‍ശന ചക്രവാളത്തിലെ
നക്ഷത്രമല്ലേ നീ...
ഒരു ശുക്രനക്ഷത്രമല്ലേ നീ...
വികാരവതി നീ വിരിഞ്ഞു നിന്നപ്പോള്‍
വിരല്‍ തോട്ടുണര്‍ത്തിയ ഭാവനകള്‍
കവിഭാവനകള്‍
നിന്നെ കാമുകിമാരുടെ ചുണ്ടിലെ
നിശീഥകുമുദമാക്കി...കവികള്‍
മന്മഥന്‍ കുലക്കും സ്വര്‍ണ്ണധനുസ്സിലെ
മല്ലീശരമാക്കി...
വിഷാദവതി നീ കൊഴിഞ്ഞു വീണപ്പോള്‍
വിരഹമുണര്‍ത്തിയ വേദനകള്‍
നിന്‍ വേദനകള്‍...
വര്‍ണ്ണപ്പീലിത്തൂലിക കൊണ്ടൊരു
വസന്തതിലകമാക്കി...ആശാന്‍
വിണ്ണിലെ കല്പദ്രുമത്തിന്റെ കൊമ്പിലെ
വാടാമലരാക്കി...
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ