ചിത്രം : സ്ത്രീ(1970)
രചന : പി ഭാസ്കരന്‍
സംഗീതം : വി ദക്ഷിണാമൂര്‍ത്തി
ആലാപനം : എസ് ജാനകി
അമ്പലവെളിയിലൊരാല്‍ത്തറയില്‍
കൈക്കുമ്പിളില്‍ നാലഞ്ചു പൂക്കളുമായ്‌
കണ്ണുനീര്‍ചരടിന്‍മേല്‍
മാലകോര്‍ത്തിരിക്കുന്ന
സന്യാസിനിയാണ് ഞാന്‍-പ്രേമ-
സന്യാസിനിയാണ് ഞാന്‍...
ഉത്സവവേളയില്‍ സ്വപ്നരഥത്തിലെന്‍റെ
വത്സലദേവന്‍ പുറത്തെഴുന്നള്ളുമ്പോള്‍
കനവില്‍ നമസ്കരിച്ചു
നിര്‍വൃതി കൊള്ളുമ്പോള്‍
നിഴലില്‍ മറയുന്നു ഞാന്‍-ദൂരെ-
നിഴലില്‍ മറയുന്നു ഞാന്‍...
എന്തിനെന്നറിയീല എന്‍റെയീ പൂജാമാല്യം
എന്നും ഞാന്‍ കോര്‍ക്കുന്നു വിദൂരതയില്‍
ആരാധനയ്ക്കുമല്ല അലങ്കരിക്കാനുമല്ല
അധകൃതയല്ലോ ഞാന്‍-വെറും-
അധകൃതയല്ലോ ഞാന്‍...
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ