ചിത്രം : പുനര്‍ജ്ജന്‍മം(1972)
രചന : വയലാര്‍ രാമവര്‍മ
സംഗീതം : ജി ദേവരാജന്‍
ആലാപനം : കെ ജെ യേശുദാസ്
പ്രേമ ഭിക്ഷുകീ...ഭിക്ഷുകീ...
ഏതു ജന്മത്തില്‍ ഏതു സന്ധ്യയില്‍
എവിടെ വച്ചു നാം കണ്ടു
ആദ്യമായ്
എവിടെ വച്ചു നാം കണ്ടു
ചിരിച്ചും കരഞ്ഞും തലമുറകള്‍ വന്നൂ
ചവുട്ടിക്കുഴച്ചിട്ട വീഥികളില്‍
പൊഴിഞ്ഞ നമ്മള്‍ തന്‍ കാലടിപ്പാടുകള്‍
പൊടികൊണ്ടു മൂടിക്കിടന്നൂ...
എത്രനാള്‍
പൊടികൊണ്ടു മൂടിക്കിടന്നൂ...
മറക്കാന്‍ കഴിഞ്ഞിരുന്നെങ്കില്‍
വീണ്ടും അടുക്കാതിരുന്നെങ്കില്‍...ഭിക്ഷുകീ...
നടന്നും തളര്‍ന്നും വഴിയമ്പലത്തിലെ
നടക്കല്‍ വിളക്കിന്റെ കാല്‍ച്ചുവട്ടില്‍
വിടര്‍ന്ന നമ്മള്‍ തന്‍ മാനസപ്പൂവുകള്‍
വിധിവന്നു നുള്ളിക്കളഞ്ഞൂ...
ഇപ്പോഴും
വിധിവന്നു നുള്ളിക്കളഞ്ഞൂ...
മറക്കാന്‍ കഴിഞ്ഞിരുന്നെങ്കില്‍
വീണ്ടും അടുക്കാതിരുന്നെങ്കില്‍...ഭിക്ഷുകീ...
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ