ചിത്രം : അശ്വമേധം(1967).
രചന : വയലാര്‍ രാമവര്‍മ.
സംഗീതം : ജി ദേവരാജന്‍.
ആലാപനം : പി സുശീല.
ഏഴു സുന്ദരരാത്രികള്‍…
ഏകാന്ത സുന്ദരരാത്രികള്‍…
വികാര തരളിത ഗാത്രികള്‍-
വിവാഹപൂര്‍വ്വരാത്രികള്‍ …
ഇനി ഏഴു സുന്ദരരാത്രികള്‍
മാനസ സരസ്സില്‍ പറന്നിറങ്ങിയ
മരാളകന്യകളേ...മനോഹരാംഗികളേ…
നിങ്ങടെ പവിഴച്ചുണ്ടില്‍ നിന്നൊരു
മംഗളപത്രമെനിക്കു തരൂ...
ഈ പൂ...ഇത്തിരിപ്പൂ…
പകരമിപ്പൂവു തരാം...
വാസരസ്വപ്നം ചിറകുകള്‍ നല്‍കിയ
വസന്തദൂതികളേ…വിരുന്നുകാരികളേ …
നിങ്ങടെ സ്വര്‍ണ്ണത്തളികയില്‍ നിന്നൊരു
സംഗമദീപമെനിക്കു തരൂ…
ഈ പൂ... ഇത്തിരിപ്പൂ...
പകരമിപ്പൂവു തരാം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ