താളുകള്‍

വ്യാഴാഴ്‌ച, മേയ് 05, 2011

ശരരാന്തല്‍ തിരി താണു...

ചിത്രം : കായലും കയറും(1979)
രചന : പൂവച്ചല്‍ ഖാദര്‍
സംഗീതം : കെ വി മഹാദേവന്‍
ആലാപനം : കെ ജെ യേശുദാസ്


ശരരാന്തല്‍ തിരി താണു മുകിലിന്‍ കുടിലില്‍
മൂവന്തിപ്പെണ്ണുറങ്ങാന്‍ കിടന്നു...
മകരമാസക്കുളിരില്‍ അവളുടെ നിറഞ്ഞ മാറിന്‍ ചൂടില്‍
മയങ്ങുവാനൊരു മോഹം മാത്രം ഉണര്‍ന്നിരിക്കുന്നു
വരുകില്ലേ നീ...
അലയുടെ കൈകള്‍ കരുതും തരിവള
അണിയാന്‍ വരുകില്ലേ...


അലര്‍ വിടര്‍ന്ന മടിയില്‍
അവളുടെ അഴിഞ്ഞ വാര്‍മുടിച്ചുരുളില്‍
ഒളിക്കുവാനൊരു തോന്നല്‍ രാവില്‍
കിളിര്‍ത്തു നില്‍ക്കുന്നു
കേള്‍ക്കില്ലേ നീ...
കരയുടെ നെഞ്ചില്‍ പടരും തിരയുടെ
ഗാനം കേള്‍ക്കില്ലേ...

ചൊവ്വാഴ്ച, മേയ് 03, 2011

പ്രാണസഖി...

ചിത്രം : പരീക്ഷ(1969)
രചന : പി ഭാസ്കരന്‍
സംഗീതം : എം എസ് ബാബുരാജ്‌
ആലാപനം : കെ ജെ യേശുദാസ്


പ്രാണസഖി...
ഞാന്‍ വെറുമൊരു
പാമരനാം പാട്ടുകാരന്‍...
ഗാനലോകവീഥികളില്‍
വേണുവൂതുമാട്ടിടയന്‍...

എങ്കിലുമെന്നോമലാള്‍ക്കു താമസിക്കാനെന്‍ കരളില്‍
തങ്കക്കിനാക്കള്‍ കൊണ്ടൊരു
താജ് മഹല്‍ ഞാനുയര്‍ത്തും...
മായാത്തമധുരഗാന മാലിനിയുടെ കല്‍പ്പടവില്‍
കാണാത്ത പൂങ്കുടിലില്‍
കണ്മണിയെ കൊണ്ടുപോകാം...

പൊന്തിവരും സങ്കല്‍പ്പത്തിന്‍ പൊന്നശോകമലര്‍വനിയില്‍
ചന്തമെഴും ചന്ദ്രികതന്‍ ചന്ദനമണിമന്ദിരത്തില്‍
സുന്ദരവസന്തരാവിന്‍ ഇന്ദ്രനീലമണ്ഡപത്തില്‍
എന്നുമെന്നും താമസിക്കാന്‍
എന്റെ കൂടെ പോരുമോ നീ

ഇന്നലെ മയങ്ങുമ്പോള്‍...

ചിത്രം : അന്വേഷിച്ചു കണ്ടെത്തിയില്ല(1967).
രചന : പി ഭാസ്കരന്‍.
സംഗീതം : എം എസ് ബാബുരാജ്‌.
ആലാപനം : കെ ജെ യേശുദാസ്.


ഇന്നലെ മയങ്ങുമ്പോള്‍
ഒരു മണിക്കിനാവിന്‍റെ
പൊന്നിന്‍ ചിലമ്പൊലി
കേട്ടുണര്‍ന്നൂ...


മാധവമാസത്തില്‍ ആദ്യം വിരിയുന്ന
മാതളപ്പൂമൊട്ടിന്‍ മണംപോലെ...
ഓര്‍ക്കാതിരുന്നപ്പോള്‍
ഒരുങ്ങാതിരുന്നപ്പോള്‍
ഓമനേ നീയെന്റെ അരികില്‍ വന്നൂ...  


പൌര്‍ണമിസന്ധ്യ തന്‍ പാലാഴി നീന്തിവരും
വിണ്ണിലെ വെണ്മുകില്‍കോടി പോലെ...
തങ്കക്കിനാവിങ്കല്‍
ഏതോ സ്മരണതന്‍
തംബുരു ശ്രുതിമീട്ടി നീ വന്നൂ...


വാനത്തിന്നിരുളില്‍ വഴി തെറ്റി വന്നു ചേര്‍ന്ന
വാസന്തചന്ദ്രലേഖ എന്നപോലെ...
മൂടുപടമണിഞ്ഞ
മൂകസങ്കല്പം പോലെ
മാടിവിളിക്കാതെ നീ വന്നൂ...



താമസമെന്തേ വരുവാന്‍...

ചിത്രം : ഭാര്‍ഗവീനിലയം(1964)
രചന : പി ഭാസ്കരന്‍
സംഗീതം : എം എസ് ബാബുരാജ്‌
ആലാപനം : കെ ജെ യേശുദാസ്


താമസമെന്തേ വരുവാന്‍
പ്രാണസഖീ...എന്റെ മുന്നില്‍
താമസമെന്തേ അണയാന്‍
പ്രേമമയീ...എന്റെ കണ്ണില്‍

ഹേമന്തയാമിനിതന്‍
പൊന്‍വിളക്കു പൊലിയാറായ്...
മാകന്ദശാഖകളില്‍
രാക്കിളികള്‍ മയങ്ങാറായ്...

തളിര്‍മരമിളകി നിന്റെ 
തങ്കവള കിലുങ്ങിയല്ലോ
പൂഞ്ചോലക്കടവില്‍ നിന്റെ 
പാദസരം കുലുങ്ങിയല്ലോ
പാലൊളിചന്ദ്രികയില്‍ നിന്‍ 
മന്ദഹാസം കണ്ടുവല്ലോ
പാതിരാക്കാറ്റില്‍ നിന്റെ 
പട്ടുറുമാലിളകിയല്ലോ



ശനിയാഴ്‌ച, ഒക്‌ടോബർ 23, 2010

പണ്ടൊരു കാട്ടിലൊരാണ്‍സിംഹം...


ചിത്രം : സന്ദര്‍ഭം(1984).
രചന : പൂവച്ചല്‍ ഖാദര്‍. 
സംഗീതം : ജോണ്‍സന്‍.
ആലാപനം : കെ ജെ യേശുദാസ്. 

പണ്ടൊരു കാട്ടിലൊരാണ്‍സിംഹം
മദിച്ചുവാണിരുന്നു...
ജീവികള്‍ക്കെല്ലാം ശല്യമായ്
എങ്ങും മേഞ്ഞിരുന്നു...സിംഹം
എങ്ങും മേഞ്ഞിരുന്നു...

കാനനം മഞ്ഞില്‍മുങ്ങും നാളൊന്നില്‍
കണ്ടെത്തീ സിംഹം ഒരു മാന്‍പേടയെ...
രണ്ടുപേരും സ്നേഹമായ്
ചേര്‍ന്നുവാഴും വേളയായ്
ജീവിതം സൌമ്യമായ് നീങ്ങിടും കാലം
പൂവിടും കാലം....

അന്നൊരു ചെയ്യാത്തെറ്റിന്‍ ഭാരവും
പേറിയാ സിംഹം നൊന്തുനീറീടവേ
ഒന്നുമൊന്നും മിണ്ടാതെ
വേര്‍പിരിഞ്ഞൂ പേടമാന്‍
ഏകനായ് സിംഹമോ ഇന്നും കേഴുന്നൂ...
കാടും തേങ്ങുന്നൂ...


പ്രകാശനാളം ചുണ്ടില്‍ മാത്രം...


ചിത്രം : ഒരു വിളിപ്പാടകലെ(1982) 
രചന : പി ഭാസ്കരന്‍
സംഗീതം : ജെറി അമല്‍ദേവ്
ആലാപനം : എസ് ജാനകി

പ്രകാശനാളം ചുണ്ടില്‍ മാത്രം
മനസ്സിലാകെ മഹാന്ധകാരം
എല്ലാമഭിനയം പാതിരാവില്‍-
പൊലിഞ്ഞുപോയി വസന്തതാരം ...

അരങ്ങില്‍ മാത്രം...ഈ സംഗീതം...
അണിയറക്കുള്ളില്‍ വിലാപനാദം...
വിരൂപരൂപം വിഷാദവചനം
അഴിഞ്ഞ ചമയം ഇരുണ്ട വദനം...

കടമായ് വാങ്ങിയ തൂമന്ദഹാസം
അണിഞ്ഞു വേദിയിലണഞ്ഞ നേരം
അണകളെല്ലാം തകര്‍ന്നു വീണൂ
ആത്മാവിലൊഴുകീ കണ്ണീരിന്‍ധാര...


മനസ്സൊരു മാന്ത്രികക്കുതിരയായ്...

ചിത്രം : മേള(1980)
രചന : മുല്ലനേഴി 
സംഗീതം : എം ബി ശ്രീനിവാസന്‍ 
ആലാപനം : യേശുദാസ്

മനസ്സൊരു മാന്ത്രികക്കുതിരയായ് പായുന്നു
മനുഷ്യന്‍ കാണാത്ത പാതകളില്‍...
കടിഞ്ഞാണില്ലാതെ കാലുകളില്ലാതെ
തളിരും തണലും തേടി....

കാലമേ...നിന്‍ കാലടിക്കീഴില്‍
കണ്ണുനീര്‍പുഷ്പങ്ങള്‍...ആ...ആ...
കണ്ണുനീര്‍പുഷ്പങ്ങള്‍...
കാതോര്‍ത്തു കാതോര്‍ത്തു നിന്നു...
കാതോര്‍ത്തു കാതോര്‍ത്തു നിന്നൂ...
ജീവിത താളങ്ങളേറ്റുവാങ്ങാന്‍

മോഹമേ...നിന്‍ ആരോഹണങ്ങളില്‍
ആരിലും രോമാഞ്ചങ്ങള്‍...ആ...ആ..
ആരിലും രോമാഞ്ചങ്ങള്‍...
അവരോഹണങ്ങളില്‍
ചിറകുകളെരിയുന്ന
ആത്മാവിന്‍ വേദനകള്‍...


(മമ്മൂട്ടി ആദ്യമായി അഭിനയിച്ച ഗാനരംഗമാണ് ഇത്)