ചിത്രം : ഇരുട്ടിന്‍റെ ആത്മാവ്(1967)
രചന : പി ഭാസ്കരന്‍
സംഗീതം : എം എസ് ബാബുരാജ്‌
ആലാപനം : എസ് ജാനകി
ഈറനുടുത്തുംകൊണ്ടംബരം ചുറ്റുന്ന
ഹേമന്തരാവിലെ വെണ്‍മുകിലേ
കണ്ണീരില്‍ മുങ്ങിയോരെന്‍ കൊച്ചുകിനാവുകള്‍
എന്തിനീ ശ്രീകോവില്‍ ചുറ്റീടുന്നു....വൃഥാ
എന്തിനീ ദേവനെ കൈകൂപ്പുന്നൂ...
കൊട്ടിയടച്ചൊരീ കോവിലിന്‍ മുന്നില്‍ ഞാന്‍
പൊട്ടിക്കരഞ്ഞിട്ടു നിന്നാലും
വാടാത്ത പ്രതീക്ഷതന്‍ വാസന്തിപ്പൂമാല
വാങ്ങുവാന്‍ ആരാരും അണയില്ലല്ലോ...
മാനവഹൃദയത്തില്‍ നൊമ്പരമേല്‍ക്കാതെ
മാനത്തുചിരിക്കുന്ന വാര്‍തിങ്കളേ...
മൂടുപടമണിഞ്ഞ മൂഡവികാരത്തിന്‍
നാടകം കണ്ടുകണ്ടു മടുത്തുപോയോ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ