താളുകള്‍

ഞായറാഴ്‌ച, മേയ് 08, 2011

നഷ്ടസ്വര്‍ഗങ്ങളേ...

ചിത്രം : വീണപൂവ്(1983)
രചന : ശ്രീകുമാരന്‍ തമ്പി
സംഗീതം : വിദ്യാധരന്‍ 
ആലാപനം : കെ ജെ യേശുദാസ്


നഷ്ടസ്വര്‍ഗങ്ങളേ നിങ്ങളെനിക്കൊരു
ദുഃഖസിംഹാസനം നല്‍കി
തപ്തനിശ്വാസങ്ങള്‍ ചാമരം വീശുന്ന
ഭഗ്നസിംഹാസനം നല്‍കീ...
നഷ്ടസ്വര്‍ഗങ്ങളേ...

മനസ്സില്‍ പീലിവിടര്‍ത്തിനിന്നാടിയ
മായാമയൂരമിന്നെവിടെ
അമൃതകുംഭങ്ങളാല്‍ അഭിഷേകമാടിയ
ആഷാഡപൂജാരിയിന്നെവിടെ
അകന്നേ പോയ്‌...മുകില്‍ അലിഞ്ഞേ പോയ്‌
അനുരാഗമാരിവില്‍ മറഞ്ഞേപോയ്‌...
നഷ്ടസ്വര്‍ഗങ്ങളേ...

കരളാലവളെന്‍ കണ്ണീരുകോരി
കണ്ണിലെന്‍ സ്വപ്നങ്ങളെഴുതീ
ചുണ്ടിലെന്‍ സുന്ദരകവനങ്ങള്‍ തിരുകി
ഒഴിഞ്ഞൊരാ വീഥിയില്‍ കൊഴിഞ്ഞൊരെന്‍ കാല്പാടില്‍
വീണപൂവായ് അവള്‍ പിന്നെ
അകന്നേ പോയ്‌...നിഴല്‍ അകന്നേ പോയ്‌
അഴലിന്റെ കഥയതു തുടര്‍ന്നേപോയ്‌
നഷ്ടസ്വര്‍ഗങ്ങളേ...

ഹൃദയം ദേവാലയം...

ചിത്രം : തെരുവുഗീതം(1979)
രചന : ശ്രീകുമാരന്‍ തമ്പി
സംഗീതം : ജയവിജയ
ആലാപനം : കെ ജെ യേശുദാസ്


ഹൃദയം ദേവാലയം
പോയവസന്തം നിറമാല ചാര്‍ത്തും
ആരണ്യദേവാലയം
മാനവഹൃദയം ദേവാലയം
ആനകളില്ലാതെ അമ്പാരിയില്ലാതെ
ആറാട്ടു നടക്കാറുണ്ടിവിടെ
സ്വപ്‌നങ്ങള്‍ ആഘോഷം നടത്താറുണ്ടിവിടെ
മോഹങ്ങളും മോഹഭംഗങ്ങളും ചേര്‍ന്ന്
കഥകളിയാടാറുണ്ടിവിടെ
മുറജപമില്ലാത്ത കൊടിമരമില്ലാത്ത
പുണ്യമഹാക്ഷേത്രം
മാനവഹൃദയം ദേവാലയം

വിഗ്രഹമില്ലാതെ പുണ്യാഹമില്ലാതെ
അഭിഷേകം കഴിക്കാറുണ്ടിവിടെ
ദുഃഖങ്ങള്‍ മുഴുക്കാപ്പു ചാര്‍ത്താറുണ്ടിവിടെ
മേല്‍ശാന്തിയില്ലാതെ മന്ത്രങ്ങള്‍ ചൊല്ലാതെ
കലശങ്ങളാടാറുണ്ടിവിടെ...ഓര്‍മ്മകള്‍
ശീവേലി കൂടാറുണ്ടിവിടെ
നടപ്പന്തലില്ലാത്ത തിടപ്പള്ളിയില്ലാത്ത
പഴയ ഗുഹാക്ഷേത്രം
മാനവഹൃദയം ദേവാലയം



ചന്ദ്രകളഭം...

ചിത്രം : കൊട്ടാരം വില്‍ക്കാനുണ്ട്(1975)
രചന : വയലാര്‍ രാമവര്‍മ  
സംഗീതം : ജി ദേവരാജന്‍
ആലാപനം : കെ ജെ യേശുദാസ്


ചന്ദ്രകളഭം ചാര്‍ത്തിയുറങ്ങും തീരം
ഇന്ദ്രധനുസ്സിന്‍ തൂവല്‍ കോഴിയും തീരം
ഈ മനോഹര തീരത്തു തരുമോ
ഇനിയൊരു ജന്മം കൂടി...
എനിക്കിനിയൊരു ജന്മം കൂടി


ഈ നിത്യ ഹരിതയം ഭൂമിയിലല്ലാതെ
മാനസസരസ്സുകളുണ്ടോ
സ്വപ്നങ്ങളുണ്ടോ പുഷ്പങ്ങളുണ്ടോ
സ്വര്‍ണ്ണമരാളങ്ങളുണ്ടോ
വസുന്ധരേ...വസുന്ധരേ...
മതിയാകും വരെ ഇവിടെ ജീവിച്ചു മരിച്ചവരുണ്ടോ


ഈ വര്‍ണ്ണസുരഭിയാം ഭൂമിയിലല്ലാതെ
കാമുകഹൃദയങ്ങളുണ്ടോ
സന്ധ്യകളുണ്ടോ ചന്ദ്രികയുണ്ടോ
ഗന്ധര്‍വഗീതമുണ്ടോ  
വസുന്ധരേ...വസുന്ധരേ...
കൊതി തീരുംവരെ ഇവിടെ പ്രേമിച്ചു മരിച്ചവരുണ്ടോ

                    

വ്യാഴാഴ്‌ച, മേയ് 05, 2011

നഷ്ടവസന്തത്തിന്‍ തപ്തനിശ്വാസമേ...

ചിത്രം : ഉള്‍ക്കടല്‍(1979)
രചന : ഓ എന്‍ വി കുറുപ്പ് 
സംഗീതം : എം എസ് വിശ്വനാഥന്‍
ആലാപനം : കെ ജെ യേശുദാസ്

നഷ്ടവസന്തത്തിന്‍ തപ്തനിശ്വാസമേ
മുഗ്ദ്ധലജ്ജാവതീ...
മുഗ്ദ്ധലജ്ജാവതീ ലാവണ്യമേ...

മുത്തുക്കുട ഞാന്‍ നിവര്‍ത്തി നില്പൂ
വരൂ...നീ വരൂ...
മുത്തുക്കുട ഞാന്‍ നിവര്‍ത്തി നില്പൂ
ഭദ്രദീപം ഞാന്‍ ഒരുക്കി നില്പൂ...
എന്‍ ഗ്രാമ ഭൂമി തന്‍ സീമന്ത രേഖയില്‍
കുങ്കുമപ്പൂങ്കുറി ചാര്‍ത്തും പോലെ...

സന്ധ്യതന്‍ ചുംബനമുദ്രപോല്‍...
സന്ധ്യതന്‍ ചുംബനമുദ്രപോല്‍...
സുസ്മിത സ്പന്ദനംപോല്‍...
നീ കടന്നു വരൂ....
എന്‍റെ മനസ്സിന്‍റെ അങ്കണമാകെ
നീ വര്‍ണ്ണാങ്കിതമാക്കൂ

നിന്‍ പ്രേമലജ്ജാപരിഭവ ഭംഗികള്‍
എല്ലാം കൊരുത്തൊരു മാല്യവുമായ്
മന്ദം പളുങ്കുചിറകുകള്‍ വീശി നീ
വന്നണയൂ ദേവദൂതിപോലെ
എന്‍റെ ശാരോണ്‍ താഴ്വരയിലെ പൊന്നുഷ-
സങ്കീര്‍ത്തനമാക്കൂ...




സന്ധ്യ മയങ്ങും നേരം...

ചിത്രം : മയിലാടും കുന്ന്(1972).
രചന : വയലാര്‍ രാമവര്‍മ.
സംഗീതം : ജി ദേവരാജന്‍.
ആലാപനം : കെ ജെ യേശുദാസ്.

സന്ധ്യ മയങ്ങും നേരം
ഗ്രാമ ചന്ത പിരിയുന്ന നേരം
ബന്ധുരെ...രാഗ ബന്ധുരെ...
നീ എന്തിനീ വഴി വന്നൂ
എനിക്കെന്തു നല്‍കാന്‍ വന്നൂ...

കാട്ടുതാറാവുകള്‍ ഇണകളെ തിരയും
കായലിനരികിലൂടെ...
കടത്തുതോണികളില്‍ ആളെക്കയറ്റും
കല്ലൊതുക്കുകളിലൂടെ...
തനിച്ചു വരും താരുണ്യമേ
എനിക്കുള്ള പ്രതിഫലമാണോ
നിന്‍റെ നാണം...നിന്‍റെ നാണം...

കാക്ക ചേക്കേറും കിളിമരത്തണലില്‍
കാതരമിഴികളോടെ...
മനസ്സിനുള്ളില്‍ ഒളിച്ചുപിടിക്കും
സ്വപ്നരത്നഖനിയോടെ,,,
ഒരുങ്ങിവരും സൌന്ദര്യമേ...
എനിക്കുള്ള മറുപടിയാണോ
നിന്‍റെ മൌനം...നിന്‍റെ മൌനം...





സാമ്യമകന്നോരുദ്യാനമേ...

ചിത്രം : ദേവി(1972)
രചന : വയലാര്‍ രാമവര്‍മ്മ
സംഗീതം : ജി ദേവരാജന്‍
ആലാപനം : കെ ജെ യേശുദാസ്

സാമ്യമകന്നോരുദ്യാനമേ
കല്‌പകോദ്യാനമേ - നിന്റെ
കഥകളിമുദ്രയാം കമലദളത്തിലെന്‍
ദേവിയുണ്ടോ ദേവി?

മഞ്ജുതരയുടെ മഞ്ഞില്‍ മുങ്ങും
കുഞ്ജകുടീരങ്ങളില്‍
ലാവണ്യവതികള്‍ ലാളിച്ചുവളര്‍ത്തും
ദേവഹംസങ്ങളേ - നിങ്ങള്‍
ദൂതുപോയൊരു മനോരഥത്തിലെന്‍
ദേവിയുണ്ടോ ദേവി?

കച്ചമണികള്‍ നൃത്തംവയ്‌ക്കും
വൃശ്ചികരാവുകളില്‍
രാഗേന്ദുമുഖികള്‍ നാണത്തിലൊളിക്കും
രോമഹര്‍ഷങ്ങളേ - നിങ്ങള്‍
പൂവിടര്‍ത്തിയ സരോവരത്തിലെന്‍
ദേവിയുണ്ടോ ദേവി?

വീണപൂവേ...

ചിത്രം : ജീവിക്കാന്‍ മറന്നു പോയ സ്ത്രീ(1974)
രചന : വയലാര്‍ രാമവര്‍മ്മ
സംഗീതം : എം എസ് വിശ്വനാഥന്‍
ആലാപനം : കെ ജെ യേശുദാസ്


വീണപൂവേ...
കുമാരനാശാന്റെ വീണപൂവേ..
വിശ്വദര്‍ശന ചക്രവാളത്തിലെ
നക്ഷത്രമല്ലേ നീ...
ഒരു ശുക്രനക്ഷത്രമല്ലേ നീ...

വികാരവതി നീ വിരിഞ്ഞു നിന്നപ്പോള്‍
വിരല്‍ തോട്ടുണര്‍ത്തിയ ഭാവനകള്‍
കവിഭാവനകള്‍
നിന്നെ കാമുകിമാരുടെ ചുണ്ടിലെ
നിശീഥകുമുദമാക്കി...കവികള്‍
മന്മഥന്‍ കുലക്കും സ്വര്‍ണ്ണധനുസ്സിലെ
മല്ലീശരമാക്കി...

വിഷാദവതി നീ കൊഴിഞ്ഞു വീണപ്പോള്‍
വിരഹമുണര്‍ത്തിയ വേദനകള്‍
നിന്‍ വേദനകള്‍...
വര്‍ണ്ണപ്പീലിത്തൂലിക കൊണ്ടൊരു
വസന്തതിലകമാക്കി...ആശാന്‍
വിണ്ണിലെ കല്പദ്രുമത്തിന്റെ കൊമ്പിലെ
വാടാമലരാക്കി...